ഷോ കഴിഞ്ഞിട്ടും ജനമനസിൽ നിറഞ്ഞങ്ങനെ; സാബു മുതൽ റോബിൻ വരെ

ബിഗ് ബോസ് ഷോയിലൂടെ ഏറെ ജനപ്രീതി നേടിയ മത്സരാര്‍ത്ഥിയാണ് ഡോ. റോബിന്‍ രാധാകൃഷ്ണന്‍. ഡോക്ടര്‍ മച്ചാന്‍ എന്ന പേരില്‍ സോഷ്യല്‍മീഡിയയില്‍ അറിയപ്പെട്ട റോബിന്‍ ബിഗ് ബോസ് മലയാളം സീസണ്‍ 4ല്‍ എത്തിയതോടെയാണ് ടെലിവിഷന്‍ പ്രേക്ഷകര്‍ക്കിടയില്‍ ശ്രദ്ധിക്കപ്പെട്ടത്. എന്നാല്‍ സഹമത്സരാര്‍ത്ഥിയെ മര്‍ദ്ദിച്ചതിന്റെ പേരില്‍ 70ാമത്തെ ദിവസം ഷോയില്‍ നിന്നും റോബിന് പുറത്ത് പോകേണ്ടി വന്നിരുന്നു.  

ബിഗ് ബോസ് മലയാളം സീസണ്‍ 3യില്‍ ഏറ്റവും കൂടുതല്‍ ശ്രദ്ധിക്കപ്പെട്ട താരമാണ് മണിക്കുട്ടന്‍. ഷോയുടെ തുടക്കം മുതല്‍ വലിയ ജനപ്രീതി ലഭിച്ച മണിക്കുട്ടന്‍ തന്നെയായിരുന്നു സീസണ്‍ 3യുടെ വിജയിയും. എംകെ എന്ന പേരിലായിരുന്നു ബിഗ് ബോസിന്റെ തുടക്കം മുതല്‍ മണിക്കുട്ടനെ പ്രേക്ഷകര്‍ വിളിച്ചിരുന്നത്.    

ബിഗ് ബോസ് നാലാം സീസണിന്റെ തുടക്കത്തില്‍ വലിയ സൈബര്‍ ആക്രമണങ്ങള്‍ നേരിടുകയും പിന്നീട് തന്റെ നിലപാടുകളിലൂടെ പ്രേക്ഷക മനസ്സില്‍ ഇടം നേടിയ മത്സരാര്‍ത്ഥിയായിരുന്നു റിയാസ് സലീം. തുടക്കത്തില്‍ എതിര്‍ത്ത പലരും ഷോയുടെ അവസാനഘട്ടത്തില്‍ റിയാസിന്റെ ആരാധകരായി മാറുകയായിരുന്നു. ബിഗ് ബോസ് ഷോയുടെ ചരിത്രത്തിലെ മികച്ച മത്സരാര്‍ത്ഥി കൂടിയാണ് റിയാസ്‌.

ബിഗ് ബോസ് ഷോയ്ക്ക് അകത്തും പുറത്തും വലിയ രീതിയില്‍ ആരാധകരെ നേടിയ മത്സരാര്‍ത്ഥിയായിരുന്നു ഡോ.രജിത് കുമാര്‍. നിരന്തരം സ്ത്രീ വിരുദ്ധതയും ട്രാന്‍സ്‌ഫോബിക്കുമായ പ്രസ്താനവകളും നടത്തിയിട്ടും രജിത് കുമാറിന് വലിയ രീതിയില്‍ ജനപിന്തുണ ലഭിച്ചത് വലിയ വിവാദങ്ങളും ഉണ്ടാക്കിയിരുന്നു.  

സാബുമോന്‍ അബ്ദുസമദ്! ബിഗ് ബോസ് ഷോ ഇനി എത്ര കഴിഞ്ഞാലും സാബുമോനെ പോലൊരു മത്സാര്‍ത്ഥി ഇനി വരില്ലെന്നാണ് പ്രേക്ഷകര്‍ പറയുന്നത്. വന്‍ ജനപ്രീതി നേടിയ സാബുമോന്‍ ഏതാണ്ട് 1.86 കോടി വോട്ടുകള്‍ നേിടകൊണ്ടായിരുന്നു സീസണ്‍ ഒന്നിലെ കിരീട ജേതാവായത്.