അനുഷ്‌ക ഷെട്ടി മുതല്‍ ശ്രുതി ഹസ്സന്‍ വരെ ; ഏറ്റവും കൂടുതല്‍ പ്രതിഫലം വാങ്ങുന്ന 10 തെന്നിന്ത്യന്‍ നായികമാര്‍

സൂപ്പര്‍ എന്ന തെലുങ്ക് ചിത്രത്തിലൂടെ വെള്ളിത്തിരയിലെത്തിയ അനുഷ്‌ക ഷെട്ടി ഇന്ന് തെന്നിന്ത്യന്‍ സിനിമയിലെ മികച്ച നായികമാരിലൊരാളാണ്. ഐഎംഡിബിയുടെ റിപ്പോര്‍ട്ട് പ്രകാരം ഏറ്റവും കൂടുതല്‍ പ്രതിഫലം വാങ്ങിക്കുന്ന ചലച്ചിത്ര നടി അനുഷ്‌കയാണ്. ബാഹുബലിക്ക് ശേഷം നിലവില്‍ ആറ് കോടി രൂപയാണ് ഒരു ചിത്രത്തിനായി നടി വാങ്ങിക്കുന്നത്. ബിഗ് ബജറ്റ് ചിത്രങ്ങളാണെങ്കില്‍ 6കോടിക്ക് മുകളിലാണ് പ്രതിഫലം.  

അനുഷ്‌ക ഷെട്ടി കഴിഞ്ഞാല്‍ ഏറ്റവും കൂടുതല്‍ പ്രതിഫലം വാങ്ങിക്കുന്ന രണ്ടാമത്തെ നടി സമാന്ത അക്കിനേനിയാണ്. ഐഎംഡിബിയുടെ റിപ്പോര്‍ട്ട് പ്രകാരം 3 കോടി മുതല്‍ 8 കോടി വരെയാണ് ഒരു ചിത്രത്തിനായി സമാന്ത വാങ്ങിക്കുന്ന പ്രതിഫലം.

തെന്നിന്ത്യയുടെ ലേഡി സൂപ്പര്‍സ്റ്റാര്‍ നയന്‍താരയും പ്രതിഫലത്തിന്റെ കാര്യത്തില്‍ ഒട്ടും പുറകിലല്ല. ഐഎംഡിബിയുടെ റിപ്പോര്‍ട്ട് പ്രകാരം 2 കോടി മുതല്‍ 7 കോടി വരെയാണ് നയന്‍സ് ഒരു ചിത്രത്തിനായി വാങ്ങിക്കുന്ന പ്രതിഫലം. നിരവധി ആരാധകരുള്ള നടിയുടെ വിവാഹത്തിനായാണ് ആരാധകര്‍ ഇപ്പോള്‍ കാത്തിരിക്കുന്നത്.  

തമിഴ് ചിത്രമായ മുഗമുദിയിലൂടെ വെള്ളിത്തിരയിലെത്തിയ പൂജ ഹെഗ്‌ഡെയാണ് ഏറ്റവും കൂടുതല്‍ പ്രതിഫലം വാങ്ങിക്കുന്ന മറ്റൊരു തെന്നിന്ത്യന്‍ നടി. 2 കോടി മുതല്‍ 4 കോടി വരെയാണ് ഒരു ചിത്രത്തിനായി പൂജ വാങ്ങിക്കുന്ന പ്രതിഫലം.  

ഐഎംഡിബിയുടെ റിപ്പോര്‍ട്ട് പ്രകാരം ഏറ്റവും കൂടുതല്‍ പ്രതിഫലം വാങ്ങിക്കുന്ന തെന്നിന്ത്യന്‍ നടിമാരില്‍ അഞ്ചാംസ്ഥാനത്ത് കാജല്‍ അഗര്‍വാളാണ്. ഒന്നരക്കോടി മുതല്‍ 4 കോടി വരെയാണ് ഒരു ചിത്രത്തിനായി നടി വാങ്ങിക്കുന്ന പ്രതിഫലം.  

തെന്നിന്ത്യന്‍ സിനിമാപ്രേമികളുടെ പ്രിയപ്പെട്ട നടിയാണ് രാകുല്‍ പ്രീത് സിങ്. കന്നട ചിത്രം ഗില്ലിയുടെ സിനിമയിലെത്തിയ നടി ഒന്നരക്കോടി മുതല്‍ മൂന്ന് കോടി വരെയാണ് ഇപ്പോള്‍ ഒരു ചിത്രത്തിനായി വാങ്ങിക്കുന്ന പ്രതിഫലം.  

ഐഎംഡിബിയുടെ റിപ്പോര്‍ട്ട് പ്രകാരം ഏറ്റവും കൂടുതല്‍ പ്രതിഫലം വാങ്ങിക്കുന്ന മറ്റൊരു തെന്നിന്ത്യന്‍ നടി തമന്ന ഭാട്ടിയയാണ്. ഒന്നരക്കോടി മുതല്‍ മൂന്ന് കോടി വരെയാണ് ഒരു സിനിമയ്ക്കായി താരം വാങ്ങിക്കുന്ന പ്രതിഫലം. സീരിസുകള്‍ക്കും ഇതേ പ്രതിഫലം തന്നെയാണ് തമന്ന വാങ്ങിക്കുന്നത്.  

ഐഎംഡിബിയുടെ റിപ്പോര്‍ട്ട് പ്രകാരം 1 കോടി മുതല്‍ 3 കോടി വരെയാണ് കീര്‍ത്തി സുരേഷ് ഒരു ചിത്രത്തിനായി വാങ്ങിക്കുന്ന പ്രതിഫലം.  

തെന്നിന്ത്യക്ക് പുറത്തും ലക്ഷക്കണക്കിന് ആരാധകരുള്ള നടിയാണ് രശ്മിക മന്ദാന. ഐഎംഡിബിയുടെ റിപ്പോര്‍ട്ട് പ്രകാരം 2 കോടിയാണ് നടി ഒരു ചിത്രത്തിനായി വാങ്ങിക്കുന്ന പ്രതിഫലം.  

ഐഎംഡിബിയുടെ റിപ്പോര്‍ട്ട് പ്രകാരം പ്രതിഫലത്തിന്റെ കാര്യത്തില്‍ പത്താം സ്ഥാനത്ത് നില്‍ക്കുന്ന തെന്നിന്ത്യന്‍ നടി ശ്രുതി ഹസ്സനാണ്. ഒരു ചിത്രത്തിനായി 2 കോടിയാണ് നടി വാങ്ങിക്കുന്ന പ്രതിഫലം.