Click it and Unblock the Notifications
വിവാദങ്ങള് തുടരട്ടെ, തളരാന് ഒരുക്കമല്ല; അണിയറയില് ഒരുങ്ങുന്ന ഷെയ്ന് നിഗം സിനിമകള്
നിര്മാതാക്കളുമായുള്ള പ്രശ്നങ്ങളുമായി ബന്ധപ്പെട്ട് വീണ്ടും ഷെയ്ന് നിഗത്തിന് വിലക്ക് ഏര്പ്പെടുത്തിയിരിക്കുകയാണ് നിര്മാതാക്കളുടെ സംഘടന. ആര്.ഡി.എക്സ് സിനിമയുടെ ഷൂട്ടിങ്ങിനിടെ എഡിറ്റിങ്ങ് കാണണമെന്ന് വാശി പിടിക്കുകയും ഷൂട്ടിങ്ങിന് കൃത്യമായി എത്തുന്നില്ല. എന്നിങ്ങനെയായിരുന്നു ഷെയ്ന് നിഗത്തിനെതിരെ ഉയര്ന്നു വന്ന പ്രധാന ആരോപണങ്ങള്. എന്നാല് വിവാദങ്ങള്ക്കിടയിലും ഒരുപിടി ചിത്രങ്ങളാണ് ഷെയ്നിന്റേതായി അണിയറയില് ഒരുങ്ങുന്നത്. അവയില് പ്രേക്ഷകര് കാത്തിരിക്കുന്ന പ്രധാന ചിത്രങ്ങളിതാ.
ഉള്ളടക്ക പട്ടിക
ഷെയ്ന് നിഗത്തെ നായകനാക്കി സാജിദ് യഹിയ സംവിധാനം ചെയ്ത ചിത്രമാണ് ഖല്ബ്. പ്രണയത്തിന്റെ പശ്ചാത്തലത്തില് കഥ പറയുന്ന ചിത്രത്തില് മുത്തുമണി, സിദ്ധിഖ്, സൈജു കുറുപ്പ് എന്നിവരാണ് മറ്റു താരങ്ങള്. സാജിദ് യഹിയയും സുഹൈല് കോയയും ചേര്ന്നാണ് ചിത്രത്തിന്റെ തിരക്കഥ എഴുതിയത്. പ്രണയത്തിനൊപ്പം ആക്ഷനും പ്രധാന്യം നല്കിയാണ് ഖല്ബ് ഒരുക്കിയിരിക്കുന്നത്.
ഷെയ്ന് നിഗത്തെ നായകനാക്കി ജിയോ വി സംവിധാനം ചെയ്ത ചിത്രമാണ് ഖുര്ബാനി. ദേവിക സഞ്ജയ്, ചാരുഹാസന്, ഷിബുക്കുട്ടന്, നയന എല്സ തുടങ്ങിയവരാണ് ചിത്രത്തിലെ പ്രധാന താരങ്ങള്. വര്ണചിത്രയുടെ ബാനറില് മഹാ സുബൈര് ആണ് ചിത്രം നിര്മ്മിച്ചത്.
ഷെയ്ന് നിഗത്തെ നായകനാക്കി നവാഗതനായ ദേവന് സംവിധാനം ചെയ്ത ചിത്രമാണ് പൈങ്കിളി. സൗബിന് ഷാഹിര്, ആശ ശരത്, അജു വര്ഗീസ് എന്നിവരാണ് ചിത്രത്തിലെ മറ്റു താരങ്ങള്. റൊമാന്റിക് കോമഡിയായി ഒരുക്കിയ ചിത്രത്തിന്റെ തിരക്കഥാകൃത്ത് പ്രവീണ് ബാലകൃഷ്ണനാണ്.
ഷെയ്ന് നിഗം നായകനായി എത്തുന്ന മറ്റൊരു ചിത്രമാണ് പരാക്രമം. അര്ജുന് രമേശാണ് ചിത്രത്തിന്റെ സംവിധായകന്. പൃഥ്വിരാജായിരുന്നു ചിത്രത്തിന്റെ പോസ്റ്റര് റിലീസ് ചെയ്തത്. അലക്സ് പുളിക്കല്, കിരണ് ദാസ്, ശബരീഷ് വര്മ തുടങ്ങിയവരാണ് ചിത്രത്തിന്റെ അണിയറയില്.
ഷെയ്ന് നിഗത്തെ നായകനാക്കി സലാം ബാപ്പു സംവിധാനം ചെയ്ത ചിത്രമാണ് ആയിരത്തൊന്നാം രാവ്. സന്തോഷ് കീഴാറ്റൂര്, സൗബിന് ഷാഹിര്, രഞ്ജി പണിക്കർ, ജോയ് മാത്യു, പ്രശാന്ത് അലക്സാണ്ടര് എന്നിവരാണ് ചിത്രത്തിലെ പ്രധാന താരങ്ങള്.
Continue with Google