അന്നും ഇന്നും മുമ്പില്‍ മോഹന്‍ലാല്‍ തന്നെ; ഏറ്റവും കൂടുതല്‍ ഭാഷകളിലേക്ക് റീമേക്ക് ചെയ്ത മോഹന്‍ലാല്‍ ചിത്രങ്ങള്‍

ബോക്‌സോഫീസ് കളക്ഷന്‍ റെക്കോര്‍ഡുകള്‍ തിരുത്തിക്കുറിച്ച മോഹന്‍ലാല്‍ ചിത്രങ്ങളിലൊന്നാണ് 2013ല്‍ പുറത്തിറങ്ങിയ ദൃശ്യം. ജീത്തു ജോസഫ് സംവിധാനം ചെയ്ത ചിത്രം മലയാളം, കന്നട, തമിഴ്, തെലുങ്ക്, ഹിന്ദി, സിംഹള, ചൈനീസ് തുടങ്ങി ആറ് ഭാഷകളിലേക്കും റീമേക്ക് ചെയ്തിരിന്നു. റീമേക്ക് ചെയ്ത എല്ലാ ഭാഷകളിലും ചിത്രം സൂപ്പര്‍ഹിറ്റായി മാറുകയും ചെയ്തിരുന്നു.  

പ്രിയദര്‍ശന്റെ സംവിധാനത്തില്‍ 1991ല്‍ പുറത്തിറങ്ങിയ ചിത്രമായിരുന്നു അഭിമന്യു. ബോംബെ അധോലോകത്തിന്റെ കഥ പറഞ്ഞ ചിത്രം മോഹന്‍ലാലിന്റെ മികച്ച ചിത്രങ്ങളിലൊന്നു കൂടിയാണ്. ചിത്രം ഹിറ്റായതോടെ തമിഴ്, ഹിന്ദി ഭാഷകളിലേക്ക് അഭിമന്യു മൊഴിമാറ്റം ചെയ്യുകയും ചെയ്തിരുന്നു. അരസന്‍ എന്ന പേരിലെത്തിയ തമിഴ് റീമേക്ക് തിയേറ്ററുകളില്‍ നിന്നും മികച്ച വിജയം നേടുകയും ചെയ്തിരുന്നു. സത്യാഘാത് - ക്രൈം നെവര്‍ പേയ്‌സ് എന്ന പേരിലെത്തിയ ഹിന്ദി റീമേക്കിനും മികച്ച പ്രതികരണമായിരുന്നു പ്രേക്ഷകരുടെ ഭാഗത്ത് നിന്നും ലഭിച്ചത്.  

മോഹന്‍ലാല്‍- പ്രിയദര്‍ശന്‍ കൂട്ടുക്കെട്ടില്‍ പുറത്തിറങ്ങിയ മിന്നാരം ഇന്നും പ്രേക്ഷകരുടെ പ്രിയപ്പെട്ട സിനിമകളിലൊന്നാണ്. മികച്ച പാട്ടുകളും കോമഡി സീനുകളും കൊണ്ട് ശ്രദ്ധിക്കപ്പെട്ട ചിത്രം 2001ല്‍ തമിഴിലേക്ക് റീമേക്ക് ചെയ്തിരുന്നു. പിന്നാലെ പ്രിയദര്‍ശന്‍ തന്നെ ചിത്രം ഹംഗാമ 2 എന്ന പേരില്‍ ഹിന്ദിയിലും റീമേക്ക് ചെയ്തിരുന്നു.    

മലയാളികളുടെ പ്രിയപ്പെട്ട മോഹന്‍ലാല്‍ ചിത്രങ്ങളിലൊന്നാണ് 1989ല്‍ പുറത്തിറങ്ങിയ കിരീടം. അച്യുതന്‍ നായരും മകന്‍ സേതുമാധവനും വര്‍ഷങ്ങള്‍ക്കിപ്പുറവും മലയാളി മനസില്‍ ഒരു നോവായി കിടപ്പുണ്ട്. സേതുമാധവനായി മോഹന്‍ലാല്‍ ജീവിച്ചുകാണിച്ച ചിത്രം ഹിന്ദി, തെലുങ്ക്, കന്നട, ബംഗാളി, തമിഴ് എന്നിങ്ങനെ ആറ് ഭാഷകളിലേക്ക് റീമേക്ക് ചെയ്തിരുന്നു.  

മലയാളത്തിലെ എക്കാലത്തെയും വലിയ ഹിറ്റ് ചിത്രങ്ങളിലൊന്നാണ് മോഹന്‍ലാല്‍- പ്രിയദര്‍ശന്‍ കൂട്ടുക്കെട്ടില്‍ പുറത്തിറങ്ങിയ ചിത്രം. 1988ല്‍ പുറത്തിറങ്ങിയ ചിത്രത്തിലെ ഗാനങ്ങളും സൂപ്പര്‍ ഹിറ്റായി മാറിയിരുന്നു. 365 ദിവസത്തില്‍ കൂടുതല്‍ തിയേറ്ററുകളില്‍ പ്രദര്‍ശിപ്പിച്ച ചിത്രം ഹിന്ദിയിലേക്ക് റീമേക്ക് ചെയ്തിരുന്നു.