Don't Miss!
- News കോണ്ഗ്രസിന് കനത്ത തിരിച്ചടി: ഇന്കംടാക്സ് അന്വേഷണത്തിനെതിരായ ഹർജി ഡല്ഹി ഹൈക്കോടതി തള്ളി
- Technology വെറും 395 രൂപ മതി, മൂന്ന് മാസത്തേക്ക് അൺലിമിറ്റഡ് 5ജി ആസ്വദിക്കാം; ജിയോയുടെ പുതിയ പ്ലാൻ
- Sports IPL 2024: മുംബൈക്ക് പിഴക്കുന്നത് എവിടെ? ഈ പ്ലേയിങ് 11നെ ഇറക്കൂ; പുഷ്പം പോലെ ജയിക്കും
- Automobiles ബെൻസിൻ്റെ ഈ മോഡലിന് എന്താ പ്രത്യേകത... വില അറിയുന്നതിന് മുന്നേ ഇത്രയും ഡിമാൻഡോ
- Finance 10,000 രൂപ 1.32 ലക്ഷമാക്കിയ മൾട്ടിബാഗർ സ്റ്റോക്ക്, ഓഹരി വില 40-ൽ താഴെ, നിങ്ങൾ വാങ്ങുന്നോ...?
- Lifestyle ചാണക്യനീതി: വിഡ്ഢിയായ സുഹൃത്തിനേക്കാള് നല്ലത് മിടുക്കനായ ശത്രു; ഇത്തരക്കാര് ദോഷം ചെയ്യും
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
സിനിമാ മേഖല എന്നെ ഒരുപാട് പഠിപ്പിച്ചു; ഗോസിപ്പുകൾക്കും വിവാദങ്ങൾക്കുമിടെ നാഗ ചൈതന്യ
തെന്നിന്ത്യയിലെ യുവ നടൻമാരിൽ പ്രമുഖനാണ് നാഗ ചൈതന്യ. തെലുങ്ക് സിനിമയിലെ സൂപ്പർസ്റ്റാറായ നാഗാർജുനയുടെ മകൻ വളരെ പെട്ടന്നാണ് സിനിമകളിൽ ശ്രദ്ധിക്കപ്പെട്ടത്. സൂപ്പർതാര പരിവേഷത്തിനപ്പുറത്തേക്ക് സാധാരണ കഥാപാത്രങ്ങളെ അവതരിപ്പിച്ച നാഗ ചൈതന്യക്ക് വലിയ ആരാധക വൃന്ദവും തെലുങ്കിലുണ്ട്.
തെലുങ്കിന് പുറമെ ഹിന്ദിയിലും നടൻ ചുവടുവെച്ചിരിക്കുകയാണ്. ആമിർ ഖാൻ നായകനായി എത്തിയ ലാൽ സിംഗ് ഛദ്ദയിലൂടെയായിരുന്നു നാഗ ചൈതന്യയുടെ ഹിന്ദി അരങ്ങേറ്റം. സംവിധായകൻ സഞ്ജയ് ലീല ബൻസാലിയുടെ സിനിമയിലും നടൻ കേന്ദ്ര കഥാപാത്രത്തെ അവതരിപ്പിക്കുന്നെന്ന് റിപ്പോർട്ടുകളുണ്ട്.
ഇക്കാര്യത്തിൽ ഔദ്യോഗിക പ്രഖ്യാപനം വന്നിട്ടില്ല. ലാൽ സിംഗ് ഛദ്ദയ്ക്ക് പുറമെ താങ്ക്യൂ എന്ന തെലുങ്ക് സിനിമയായിരുന്നു നടന്റെ അടുത്തിടെ റിലീസായ സിനിമ. ചിത്രം ബോക്സ് ഓഫീസിൽ പരാജയപ്പെടുകയായിരുന്നു. നടന്റെ തുടരെയുള്ള സിനിമകൾ ബോക്സ് ഓഫീസിൽ പരാജയപ്പെടുന്നത് സിനിമാ ലോകത്ത് ചർച്ചയായിട്ടുണ്ട്. ഇപ്പോഴിതാ തന്റെ സിനിമാ ജീവിതത്തെ പറ്റി സംസാരിച്ചിരിക്കുകയാണ് നാഗചൈതന്യ.
സൂപ്പർസ്റ്റാർ നാഗാർജുനയുടെ മകനായിരുന്നെങ്കിലും താൻ താരപുത്രനെന്ന നിലയിലല്ല ജീവിച്ചതെന്ന് നാഗചൈതന്യ പറയുന്നു. പഠന കാലം മുഴുവൻ ചെന്നെെയിലായിരുന്നു. അച്ഛന്റെ ഷൂട്ടിംഗ് ഹൈദരാബാദിലും. അതിനാൽ തന്നെ സിനിമാ മേഖലയുമായി വലിയ ബന്ധം ഉണ്ടായിരുന്നില്ല. ചെന്നെെയിൽ നിന്ന് തിരിച്ച് ഹൈദരാബാദിലെത്തിയ ശേഷമാണ് അച്ഛനോടും അമ്മാവനുമോടൊപ്പം സിനിമാ സെറ്റുകളിൽ പോയത്.
സിനിമകളിൽ അഭിനയിക്കുന്നതിന് മുമ്പ് ആദ്യം ചെയ്തത് തെലുങ്ക് ഭാഷ നന്നായി പഠിക്കുക എന്നതായിരുന്നു. കാരണം സിനിമാ പാരമ്പര്യമുള്ള കുടുംബത്തിൽ നിന്നായതിനാൽ വലിയ ഉത്തരവാദിത്വമായിരുന്നു തനിക്കുള്ളതെന്നും നാഗചൈതന്യ പറഞ്ഞു.
Also Read: ഷാരൂഖുമായി ഡേറ്റ് ചെയ്യില്ലെന്ന് പറഞ്ഞ ലേഡി ഗാഗ; കാരണം കേട്ട് ഞെട്ടിയ കിങ് ഖാൻ!, സംഭവമിങ്ങനെ
സിനിമയിലെ കുടുംബ വാഴ്ചയെ പറ്റിയും നാഗചൈതന്യ സംസാരിച്ചു. സിനിമയിലേക്കുള്ള തന്റെ കടന്ന് വരന് എളുപ്പമായിരുന്നു എന്നത് നിഷേധിക്കുന്നില്ല. പക്ഷെ എന്റെ സിനിമയും സിനിമാ കുടുംബത്തിൽ നിന്നല്ലാത്ത ഒരാളുടെ സിനിമയും റിലീസായി, അദ്ദേഹത്തിന്റെ സിനിമ വിജയിച്ചാൽ നിർമാതാക്കൾ അദ്ദേഹത്തെയാണ് വിളിക്കുകയെന്നും നാഗചൈതന്യ ചൂണ്ടിക്കാട്ടി.
സിനിമാ താരങ്ങളുടെ മക്കൾ അഭിനയിക്കണമെന്ന് പറഞ്ഞാൽ താരങ്ങൾക്ക് അവരുടെ സ്വപ്നങ്ങൾ ഇല്ലാതാക്കാനാവില്ലെന്നും അതിനൊപ്പം നിൽക്കാനേ സാധിക്കൂയെന്നും നാഗചൈതന്യ ചൂണ്ടിക്കാട്ടി. കഴിഞ്ഞ വർഷങ്ങൾക്കുള്ളിൽ സിനിമാ മേഖല തന്നെ ഒരുപാട് പഠിപ്പിച്ചെന്നും വ്യക്തിയെന്ന നിലയിൽ വ്യക്തത നൽകിയെന്നും നാഗചൈതന്യം കൂട്ടിച്ചേർത്തു.
Also Read: ഭര്ത്താവ് റൊമാന്റിക് ആയത് കല്യാണം കഴിഞ്ഞ് 15 വര്ഷത്തിന് ശേഷം; സിനിമ കാരണമുണ്ടായതെന്ന് നടി സോണിയ
സിനിമയേക്കാളുപരി സമാന്തയുമായുള്ള വിവാഹ മോചനമാണ് അടുത്തിടെ നാഗചൈതന്യയെ വാർത്തകളിൽ നിറച്ചത്. കഴിഞ്ഞ വർഷം നവംബറിലാണ് സമാന്തയും നാഗചൈതന്യയും വേർപിരിഞ്ഞത്. പിന്നീട് രണ്ട് പേരും കരിയറിന്റെ തിരക്കുകളിലേക്ക് പോയി. 2017 ലാണ് നാഗ ചൈതന്യയും സമാന്തയും വിവാഹിതരായത്. ഒരുപിടി ഹിറ്റ് സിനിമകളിൽ ഒരുമിച്ചഭിനയിച്ച രണ്ട് പേരും പ്രണയത്തിലാവുകയും പിന്നീട് വിവാഹം കഴിക്കുകയും ചെയ്യുകയായിരുന്നു. എന്നാൽ നാല് വർഷത്തിനുള്ളിൽ വേർപിരിഞ്ഞു.
സമാന്ത വിവാഹ മോചനത്തിന് പിന്നാലെ കരിയറിൽ തിരക്കിലാണ്. നടി കേന്ദ്ര കഥാപാത്രമായെത്തുന്ന ഒരു പിടി ചിത്രങ്ങളാണ് റിലീസ് ചെയ്യാനിരിക്കുന്നത്. ഖുശി, യശോദ, ശാകുന്തളം എന്നിവയാണ് സമാന്തയുടെ റിലീസ് ചെയ്യാനുള്ള സിനിമകൾ. ഉടൻ തന്നെ ബോളിവുഡ് അരങ്ങേറ്റത്തിനും സമാന്ത തയ്യാറെടുക്കുന്നുണ്ട്.
-
'ഇങള് മൊയന്താണോ?, ചിലപ്പോൾ അമ്പി മറ്റ് ചിലപ്പോൾ റെമോ അല്ലെങ്കിൽ അന്യൻ'; ജിന്റോയുടെ ഫേക്ക് മുഖം മനസിലാക്കി നോറ
-
'ഫിനാഷ്യൽ ടൈറ്റ് വന്നപ്പോൾ വെഡ്ഡിങ് ഡേറ്റ് നീട്ടി, അത് നന്നായെന്ന് തോന്നുന്നു, അല്ലാതെ ഒന്നും ചെയ്തിട്ടില്ല'
-
പ്രിയന് എന്നെ ഇപ്പോള് നോക്കുന്നത് പുച്ഛത്തോടെ ആയിരിക്കും, എനിക്ക് അതറിയാം; ശ്രീനിവാസന്റെ വാക്കുകള്