ദിവസങ്ങളോളം എന്നോട് മിണ്ടിയില്ല, ഒരിക്കലും ക്ഷമിക്കില്ലെന്ന് പറഞ്ഞു; പിണക്കത്തെക്കുറിച്ച് അമല

തെലുങ്കിലെ സൂപ്പർ സ്റ്റാർ ആവുന്നതിന് മുമ്പ് പ്രമുഖ പ്രൊഡ്യൂസറായിരുന്ന ഡോ ഡി രാമ നായ്ഡുവിന്റെ മകൾ ലക്ഷ്മി ദ​ഗുബതിയുമായി വിവാഹിതനായിരുന്നു നാ​ഗാർജുന. ഈ ബന്ധത്തിൽ നാ​ഗ ചൈതന്യ എന്ന മകനും ഇരുവർക്കും ഉണ്ട്. നാ​ഗചൈതന്യ ഇന്ന് തെലുങ്കിലെ പ്രമുഖ താരമാണ്. 1990 ലാണ് നാ​ഗാർജുനയും ലക്ഷ്മി ദ​ഗുബതിയും വേർപിരിയുന്നത്.

Also Read: നമുക്കൊന്ന് ചുംബിച്ചാലോ? നടി ജാന്‍വി കപൂറിനോട് പരസ്യമായി ആരാധകന്റെ ചോദ്യം, സിംപിളായി ഉത്തരം പറഞ്ഞ് നടിയും

വിവാഹ മോചനത്തിന് ശേഷമാണ് നാ​ഗാർജുന അമലയോടൊപ്പം സിനിമ ചെയ്യുന്നതും ഇരുവരും തമ്മിൽ അടുക്കുന്നതും. കുറച്ച് സിനിമകൾ ഒരുമിച്ച് ചെയ്തതോടെ ഇരുവരും പ്രണയത്തിലായി. 1992 ൽ നാ​ഗാർജുന അമലയെ വിവാഹം കഴിക്കുകയും ചെയ്തു. 1994 ൽ അഖിൽ എന്ന മകനും ഇരുവർക്കും ജനിച്ചു. വർഷങ്ങളായി സന്തുഷ്ടകരമായ കുടുംബ ജീവിതം നയിച്ച് വരികയാണ് നാ​ഗാർജുന.

തന്റെ ഭാര്യയെ പറ്റി നാ​ഗാർജുന പൊതുവേദികളിൽ സംസാരിക്കാറും ഉണ്ട്. മുമ്പൊരിക്കൽ നാ​ഗാർജുനയുമായി ഉണ്ടായ പിണക്കത്തെ പറ്റി അമല ഒരു അഭിമുഖത്തിൽ സംസാരിച്ചിരുന്നു. വളർത്തു നായയുടെ പേരിലാണ് നാ​ഗാർജുന അമലയുമായി മിണ്ടാതിരുന്നത്.

Also Read: അമ്മയാണ് എനിക്കെല്ലാം! എന്നെ മൂന്ന് മാസം ഗർഭിണി ആയിരിക്കുമ്പോൾ അച്ഛൻ നാടുവിട്ട് പോയതാണ്: കുളപ്പുള്ളി ലീല

നാ​​ഗാർജുന വീട്ടിൽ ഒരു ലാബ്രോഡർ പട്ടിക്കുഞ്ഞിനെ വളർത്താൻ കൊണ്ടു വന്നു. ചെറിയ പട്ടിക്കുട്ടിയായതിനാൽ അതിന് പരിശീലനം നൽകാൻ അമല ഒരു സ്ഥലത്ത് കൊണ്ടു പോയി. 30 ദിവസത്തെ പരിശീലനം ആയിരുന്നു. നാ​​ഗാർജുനയോട് ഇക്കാര്യം പറഞ്ഞിരുന്നില്ല.

നടൻ ഒരു ദിവസം ഷൂട്ട് കഴിഞ്ഞ് വീട്ടിലെത്തിയപ്പോൾ പട്ടിക്കുഞ്ഞിനെ കണ്ടില്ല. താൻ കാര്യം എന്താണെന്ന് പറഞ്ഞതോടെ നാ​ഗാർജുന താനുമായി മിണ്ടാതായെന്ന് അമല പറഞ്ഞു. ഇനി നിന്നോട് ഒരിക്കലും മിണ്ടില്ലെന്നാണത്രെ നാ​ഗാർജുന പറഞ്ഞത്. ദിവസങ്ങളോളം നാ​ഗാർജുന തന്നോട് മിണ്ടാതിരുന്നെന്നും അമല പറഞ്ഞു.

Also Read: സോനം ഓവറാണ്; പല തവണ പറയാൻ തോന്നി; നടിയെക്കുറിച്ച് രൺബീർ പറഞ്ഞത്

'ഞാൻ ഒരാഴ്ച കാത്തിരുന്നു. നാ​ഗ് എന്നോട് സംസാരിച്ചില്ല. പത്ത് ദിവസത്തിന് ശേഷം നായയെ പരിശീലിപ്പിക്കേണ്ട ആവശ്യം എന്തെന്ന് അദ്ദേഹം തിരിച്ചറിഞ്ഞു. അതിന് ശേഷം അദ്ദേഹം സംസാരിച്ചു. പക്ഷെ ഇത്രയും നാൾ വളർത്തു നായയെ ദൂരേക്ക് അയച്ചതിൽ ഞാനൊരിക്കലും ക്ഷമിക്കില്ലെന്ന് അദ്ദേഹം എപ്പോഴും പറയുമായിരുന്നു,' അമല പറഞ്ഞതിങ്ങനെ.

വളർത്തു മൃ​ഗങ്ങളോട് വളരെ അടുപ്പമുള്ളയാളാണ് നാ​ഗാർജുന.
ഹിന്ദി സിനിമ ബ്രഹ്മാസ്ത്രയാണ് നാ​ഗാർജുനയുടെ ഒടുവിൽ പുറത്തിറങ്ങിയ സിനിമ. രൺബീർ കപൂർ നായകനായെത്തിയ സിനിമയിൽ ഒരു പ്രധാന കഥാപാത്രത്തെയാണ് നാ​ഗാർജുനയും അവതരിപ്പിച്ചത്.