വിനീത് ശ്രീനിവാസന്റെ ''ഹൃദയം'' കാണാനുള്ള 5 കാരണങ്ങൾ

പ്രണവ് മോഹന്‍ലാലും കല്യാണി പ്രിയദര്‍ശനും ആദ്യമായി പ്രധാന കഥാപാത്രങ്ങളായി എത്തുന്നു എന്ന പ്രത്യേകത ചിത്രത്തിനുണ്ട്. ഇരുപത്തിയൊന്നാം നൂറ്റാണ്ടിനുശേഷം പ്രണവ് മോഹന്‍ലാല്‍ നായകനായി എത്തുന്ന ചിത്രം കൂടിയാണിത്.    

വിനീത് ശ്രീനിവാസന്റെ ജീവിത അനുഭവങ്ങള്‍ മുന്‍നിര്‍ത്തിയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ജേക്കബിന്റെ സ്വര്‍ഗ്ഗരാജ്യം പുറത്തിറങ്ങി അഞ്ച് വര്‍ഷത്തിനുശേഷമാണ് വിനീത് ഹൃദയവുമായി എത്തുന്നത്. ഒരാളുടെ ജീവിതത്തിലൂടെയുള്ള യാത്രയാണ് ചിത്രം പറയുന്നത്.  

ഹൃദയത്തിലെ ഒരു ഗാനം ആലപിച്ചിരിക്കുന്നത് പൃഥ്വിരാജാണ്. റിയാലിറ്റി ഷോകളിലൂടെ ശ്രദ്ധേയനായ ഹിഷാം അബ്ദുള്‍ വഹാബാണ് ചിത്രത്തിന്റെ സംഗീത സംവിധായകന്‍. പൃഥ്വിരാജ് ചിത്രത്തിനായി ഗാനം ആലപിക്കുന്ന ഫോട്ടോ വിനീത് സോഷ്യല്‍മീഡിയയില്‍ പോസ്റ്റ് ചെയ്തിരുന്നു.  

മെറിലാന്‍ഡ് സിനിമാസിനുവേണ്ടി വിശാഖ് സുബ്രഹ്മണ്യമാണ് ചിത്രം നിര്‍മ്മിച്ചത്. ഒരു കാലത്ത് മലയാള സിനിമയിലെ മുന്‍നിര ബാനറായിരുന്നു മെറിലാന്‍ഡ് 40 വര്‍ഷത്തിനുശേഷം ഹൃദയത്തിലൂടെ തിരിച്ചു വരവ് നടത്തുകയാണ്.

ഒരുകാലത്ത് മലയാളത്തിലെ മികച്ച കൂട്ടുകെട്ടായിരുന്നു മോഹന്‍ലാല്‍, പ്രിയദര്‍ശന്‍, ശ്രീനിവാസന്‍ എന്നിവരുടെ തലമുറയിലെ മൂന്ന് പേര്‍ ഒന്നിക്കുന്നു എന്ന പ്രത്യേകത കൂടി ഹൃദയത്തിനുണ്ട്.