ഗിരിജ ഷെട്ടാര്‍ മുതല്‍ മിത്ര കുര്യന്‍ വരെ; സൂപ്പര്‍സ്റ്റാറുകളുടെ നായികമാര്‍ ഇപ്പോള്‍ എവിടെ ?

മമ്മൂട്ടി നായകനായി എത്തിയ മൃഗയ എന്ന ചിത്രത്തിലൂടെ ശ്രദ്ധിക്കപ്പെട്ട സുനിത കുടമാളൂര്‍ രാജാജി സംവിധാനം ചെയ്ത മിമിക്‌സ 2000 എന്ന മലയാള ചിത്രത്തിലാണ് ഏറ്റവുമൊടുവിലായി അഭിനയിച്ചത്. കളിവീട്, പ്രദക്ഷിണം, വാത്സല്യം തുടങ്ങിയവയാണ് സുനിതയുടെ പ്രധാന മലയാള ചിത്രങ്ങള്‍.  

ഗീതാഞ്ജലി എന്ന തെലുങ്ക് ചിത്രത്തിലൂടെ സിനിമയിലെത്തിയ ഗിരിജ ഷെട്ടാര്‍ മോഹന്‍ലാല്‍ നായകനായി എത്തിയ വന്ദനം എന്ന ചിത്രത്തിലൂടെയാണ് മലയാളി പ്രേക്ഷകരുടെ പ്രിയതാരമായത്. തുടര്‍ന്നും നിരവധി ചിത്രങ്ങളില്‍ അഭിനയിച്ച ഗിരിജ പക്ഷേ 2003ല്‍ അഭിനയം നിര്‍ത്തുകയായിരുന്നു.  

കാര്യസ്ഥന്‍ എന്ന ചിത്രത്തിലൂടെ മലയാള സിനിമയില്‍ അരങ്ങേറ്റം കുറിച്ച നടിയാണ് അഖില. തുടര്‍ന്ന് തേജാഭായ് ആന്റ് ഫാമിലി എന്ന ചിത്രത്തിലും താരം അഭിനയിച്ചിരുന്നു. എന്നാല്‍ പിന്നീട് സിനിമയില്‍ നിന്നും അഖില വിട്ടുനില്‍ക്കുകയായിരുന്നു.  

തെലുങ്ക്, തമിഴ്, മലയാളം എന്നീ ഭാഷകളിലായി നിരവധി സിനിമകളില്‍ അഭിനയിച്ച നടിയാണ് ഇന്ദ്രജ. മലയാളത്തിലെ സൂപ്പര്‍സ്റ്റാറുകളുടെ നായികയായി തിളങ്ങിയ ഇന്ദ്രജ 2007 മുതലാണ്  മലയാള സിനിമയില്‍ നിന്നും ബ്രേക്ക് എടുത്തത്.  

വിസ്മയ തുമ്പത്ത് എന്ന ചിത്രത്തിലൂടെ സിനിമയിലെത്തിയ നടിയാണ് മിത്ര കുര്യന്‍. പിന്നീട് ബോഡി ഗാര്‍ഡ്, മയൂഖം, ഗുലുമാല്‍ തുടങ്ങിയ ചിത്രങ്ങളിലൂടെ നടി സിനിമയില്‍ സജീവമാവുകയും ചെയ്തു. എന്നാല്‍ 2014 മുതല്‍ മിത്ര സിനിമയില്‍ നിന്നുംു വിട്ടുനില്‍ക്കുകയായിരുന്നു.