സുനിത

ജീവചരിത്രം:  പ്രശസ്ത മലയാള ചലച്ചിത്ര നടിയാണ് സുനിത. രാജസേനന്‍  സംവിധാനം ചെയ്ത കണികാണും നേരം എന്ന ചിത്രത്തിലൂടെയാണ് സിനിമയിലേക്ക് കടന്നുവരുന്നത്.എന്നാല്‍ ചിത്രം പരാജയമായിരുന്നു. പിന്നീട് 1989ല്‍ ഐ വി ശശി സംവിധാനം ചെയ്ത മൃഗയ എന്ന ചിത്രത്തില്‍ പ്രധാന കഥാപാത്രത്തെ അവതരിപ്പിച്ചു.ഈ ചിത്രത്തിലൂടെയാണ് ചലച്ചിത്രരംഗത്ത് ശ്രദ്ധിക്കപ്പെടുന്നത്. പിന്നീട് ഐ വി ശശി തന്നെ സംവിധാനം ചെയ്ത നീഗിരി എന്ന ചിത്രത്തിലും അഭിനയിച്ചു. ഡെന്നീസ് ജോസഫ് സംവിധാനം ചെയത് അപ്പു എന്ന ചിത്രത്തില്‍ മോഹന്‍ലാലിന്റെ നായികയായിരുന്നു.പിന്നീടങ്ങോട്ട് വലുതുമായി നിരവധി ചിത്രങ്ങളില്‍ അഭിനയിച്ചു.   തൊണ്ണൂറുകളുടെ ആദ്യ പകുതിയില്‍ മുകേഷ്,സിദ്ദിഖ്,ജദഗീഷ് തുടങ്ങിയവരുടെ നായികയായി നിരവധി ചിത്രങ്ങളില്‍ അഭിനയിച്ചിട്ടുണ്ട്. ഒന്‍പതു വര്‍ഷക്കാലം സിനിമയില്‍ സജീവമായ സുനിത തമിഴ്, തെലുങ്കടക്കം അമ്പത്തഞ്ചോളം സിനിമകളില്‍ അഭിനയിച്ചിട്ടുണ്ട്.1996ല്‍ പുറത്തിറങ്ങിയ കളിവീട് എന്ന ചിത്രത്തിലാണ് ഒടുവിലായി അഭിനയിച്ചത്.വിവാഹത്തോടെ സിനിമയില്‍ നിന്നും വിട്ടുനിന്നു.