Click it and Unblock the Notifications
ആശ ശരത്ത് മുതല് പ്രവീണ വരെ, സീരിയല് ലോകം മിസ് ചെയ്യുന്ന നടിമാർ
ആശ ശരത്, പ്രവീണ തുടങ്ങി ഒരുകാലത്ത് ടെലിവിഷന് പ്രേക്ഷകരുടെ പ്രിയപ്പെട്ട താരങ്ങളായിരുന്ന പല നടിമാരും ഇന്ന് ടെലിവിഷന്രംഗത്ത് സജീവമല്ല. ചിലര് സിനിമകളില് സജീവമായപ്പോള് മറ്റു ചില നടിമാര് തമിഴ്, തെലുങ്ക് പോലുള്ള മറ്റു ഭാഷകളില് സജീവമാകുകയായിരുന്നു. അത്തരത്തില് മലയാള ടെലിവിഷന്രംഗത്ത് തിളങ്ങുകയും പിന്നീട് സീരിയലുകളില് നിന്നും വിട്ടുനിന്ന ചില നടിമാരെക്കുറിച്ച് കൂടുതലറിയാം.
ഉള്ളടക്ക പട്ടിക
കുങ്കുമപ്പൂവ് എന്ന ടെലിവിഷന് സീരിയലിലൂടെ പ്രേക്ഷക മനസ്സില് ഇടം നേടിയ താരമാണ് ആശ ശരത്. തുടര്ന്ന് നിരവധി സീരിയലുകളില് അഭിനയിച്ച ആശ മൈക്കിളിന്റെ സന്തതികള് എന്ന സീരിയലിനുശേഷം ടെലിവിഷന് രംഗത്തു നിന്നും വിട്ടു നില്ക്കുകയായിരുന്നു. മോഹന്ലാല് നായകനായി എത്തിയ ദൃശ്യത്തിലൂടെയാണ് ആശ സിനിമാരംഗത്ത് സജീവമായത്.
2009ല് പുറത്തിറങ്ങിയ നീലാംബരി എന്ന ചിത്രത്തിലൂടെ മലയാള സിനിമയിലെത്തിയ വിദ്യ പിന്നീട് മലയാളവും കടന്ന് തമിഴിലും കന്നഡയിലും ഒരുപോലെ തിളങ്ങുകയായിരുന്നു. സിനിമകള് കൂടാതെ ടെലിവിഷന് സീരിയലുകളിലും ഒരുപോലെ സജീവമായ വിദ്യ ഇപ്പോള് തമിഴ് സീരിയലുകളിലാണ് സജീവം.
ടെലിവിഷന് രംഗത്തും സിനിമാരംഗത്തും ഒരുപോലെ തിളങ്ങിയ താരമാണ് പ്രവീണ. മലയാളത്തിലും തമിഴിലും നിരവധി സീരിയലുകളില് അഭിനയിച്ച പ്രവീണ നിലവില് തമിഴ്- തെലുങ്ക് ടെലിവിഷന് സീരിയലുകളിലാണ് സജീവം.
വില്ലത്തി കഥാപാത്രങ്ങളിലൂടെ ടെലിവിഷന്രംഗത്ത് ശ്രദ്ധിക്കപ്പെട്ട താരമാണ് സജിത ബേട്ടി. പിന്നീട് സിനിമയിലും ഒരുപോലെ സജീവമായ താരം ഏതാണ്ട് അമ്പതോളം സിനിമകളിലും പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്. 2017ല് ഫ്ളവേഴ്സ് ചാനലില് സംപ്രേഷണം ചെയ്ത സീതയാണ് സജിത അഭിനയിച്ച അവസാന സീരിയല്.
ഏഷ്യാനെറ്റില് സംപ്രേഷണം ചെയ്ത സത്രീധനം എന്ന ടെലിവിന് പരമ്പരയിലൂടെ ശ്രദ്ധിക്കപ്പെട്ട ദിവ്യ പത്മിനി തുടര്ന്ന് മലയാളത്തിനു പുറമെ തമിഴി ടെലിവിഷന് രംഗത്തും ഒരുപോലെ സജീവമായിരുന്നു. എന്നാല് 2018നുശേഷം ദിവ്യയെ സിനിമകളിലും സീരിയലുകളിലും പ്രേക്ഷകര്ക്ക് കാണാന് കഴിഞ്ഞിട്ടില്ല.
Continue with Google