പ്രേമം തോന്നിയപ്പോ പ്രായം കണ്ടില്ല; പ്രായം കുറഞ്ഞവരെ പ്രണയിച്ച നായികമാർ

2007ലായിരുന്നു ബോളിവുഡിന്റെ പ്രിയതാരങ്ങളായ ഐശ്വര്യ റായിയും അഭിഷേക് ബച്ചനും വിവാഹിതരായത്. അഭിഷേകിനേക്കാള്‍ മൂന്ന് വയസ് കൂടുതലാണ് ഐശ്വര്യയ്ക്ക്. ഗുരു എന്ന ചിത്രത്തിനിടെയായിരുന്നു ഇരുവരും പ്രണയിച്ചത്. മുംബൈ ജൂഹുവിലുള്ള അമിതാഭ് ബച്ചന്റെ കുടുംബ ബംഗ്ലാവിലായിരുന്നു താരവിവാഹം. കോടികള്‍ ചെലവഴിച്ച വിവാഹത്തിന് 75 ലക്ഷം വില വരുന്ന സാരിയായിരുന്നു ഐശ്വര്യ റായ് ധരിച്ചത്.

ബിപാഷ ബസുവും ഭര്‍ത്താവ് കരണ്‍ സിംഗ് ഗ്രോവറും തമ്മില്‍ നാല് വയസിന്റെ വ്യത്യാസമുണ്ട്. ബിപാഷയേക്കാള്‍ നാല് വയസ് കുറവുള്ളതിനാല്‍ കരണിന്റെ അമ്മയ്ക്ക് വിവാഹത്തിന് ആദ്യം താല്‍പര്യമില്ലായിരുന്നു. 2015ല്‍ പുറത്തിറങ്ങിയ എലോണ്‍ എന്ന സിനിമയുടെ ലൊക്കേഷനില്‍ വച്ചായിരുന്നു ഇരുവരും പരിചയപ്പെടുന്നതും പ്രണയത്തിലാവുന്നതും. തുടര്‍ന്ന് 2016ലായിരുന്നു താരവിവാഹം.

ഭര്‍ത്താവ് രാജ് കുന്ദ്രയേക്കാള്‍ മൂന്ന് മാസത്തെ പ്രായക്കൂടുതലാണ് ശില്‍പഷെട്ടിക്കുള്ളത്. 2009ലായിരുന്നു ബിസിനസുകാരനായ രാജ് കുന്ദ്രയുമായുള്ള ശില്‍പയുടെ വിവാഹം. നീലചിത്ര നിര്‍മ്മാണവുമായി ബന്ധപ്പെട്ട് 2021 ജൂലായ് 19ന് രാജ് കുന്ദ്രയെ പോലീസ് അറസ്റ്റ് ചെയ്തിരുന്നു. തുടര്‍ന്ന് രണ്ടു മാസത്തെ ജയില്‍ വാസത്തിന് ശേഷമായിരുന്നു കുന്ദ്രയ്ക്ക് ജാമ്യം ലഭിച്ചത്‌.

2009ല്‍ പുറത്തിറങ്ങിയ ''അച്ചമുണ്ട് അച്ചമുണ്ട്'' എന്ന ചിത്രത്തിലൂടെയായിരുന്നു സ്‌നേഹയും പ്രസന്നയും സുഹൃത്തുക്കളാവുന്നത്. പിന്നീട് സൗഹൃദം പ്രണയമായി മാറുകയും 2009ല്‍ ഇരുവരും വിവാഹം കഴിക്കുകയും ചെയ്തു. പ്രസന്നയേക്കാള്‍ ഒരു വയസ് കൂടുതലാണ് സ്‌നേഹയ്ക്ക്.

ബോളിവുഡ് നടന്‍ സുനില്‍ ദത്തിനേക്കാക്കാള്‍ ഒരു വയസ് കൂടുതലാണ് ഭാര്യ നര്‍ഗീസിന്. 1957ല്‍ പുറത്തിറങ്ങിയ സൂപ്പര്‍ഹിറ്റ് ചിത്രം മദര്‍ ഇന്ത്യയുടെ സെറ്റില്‍ വച്ചായിരുന്നു ഇരുവരും പരിചയപ്പെടുന്നത്. തുടര്‍ന്ന് സൗഹൃദം പ്രണയമായി മാറിയതോടെ 1958ല്‍ ഇരുവരും വിവാഹം കഴിച്ചു.

തെലുങ്ക് സൂപ്പര്‍സ്റ്റാര്‍ മഹേഷ് ബാബുവിനേക്കാള്‍ രണ്ട് വയസ് കൂടുതലാണ് ഭാര്യ നമത്ര ശിരോദ്ക്കറിന്. 2005ലായിരുന്നു ഇവരുടെ വിവാഹം. നാല് വര്‍ഷം നീണ്ട പ്രണയത്തിനൊടുവില്‍ 2005ലായിരുന്നു ഇരുവരും വിവാഹതിതരായത്. ഗൗതം കൃഷ്ണ, സിതാര എന്നിങ്ങനെ രണ്ട് മകളാണ് താരങ്ങള്‍ക്കുള്ളത്.    

തമിഴിലെ സൂപ്പര്‍താരങ്ങളായ സൂര്യയും ജ്യോതികയും തമ്മില്‍ രണ്ട് വയസിന്റെ വ്യത്യാസമുണ്ട്. സൂര്യയേക്കാള്‍ രണ്ട് വയസ് കൂടുതലാണ് ജ്യോതികയ്ക്ക്. വര്‍ഷങ്ങള്‍ നീണ്ട പ്രണയത്തിനൊടുവില്‍ 2006 സെപ്റ്റംബര്‍ 11നായിരുന്നു സൂര്യ-ജ്യോതിക താരവിവാഹം. വിവാഹശേഷം സിനിമയില്‍ നിന്നും വിട്ടുനിന്ന ജ്യോതിക ''36 വയതിനിലെ'' എന്ന ചിത്രത്തിലൂടെയായിരുന്നു തിരിച്ച് വരവ് നടത്തിയത്.