Click it and Unblock the Notifications
നേര്ക്ക് നേര് മോഹന്ലാലും മമ്മൂട്ടിയും; 2023 ആര്ക്ക് സ്വന്തം ?
വ്യത്യസ്തങ്ങളായ ചിത്രങ്ങളുമായി 2022ല് മമ്മൂട്ടി മുന്നേറിയപ്പോള് മോഹന്ലാലിന് നഷ്ടങ്ങളുടെ വര്ഷമായിരുന്നു 2022. വന്ഹൈപ്പിലെത്തിയ ആറാട്ട്, ബ്രോ ഡാഡി, മോണ്സ്റ്റര് തുടങ്ങിയ 3 മോഹന്ലാല് ചിത്രങ്ങളും നിരാശ മാത്രമായിരുന്നു ആരാധകര്ക്ക് നല്കിയത്. എന്നാല് 2023ന്റെ തുടക്കത്തിലും നന്പകല് നേരത്തിലൂടെ മമ്മൂക്ക പ്രേക്ഷകരെ ഞെട്ടിച്ചിരിക്കുകയാണ്. തുടര്ന്നും വ്യത്യസ്തങ്ങളായ കഥാപാത്രങ്ങളിലൂടെ ഈ വര്ഷവും മമ്മൂക്ക സ്വന്തമാക്കുമെന്നാണ് ആരാധകരുടെ വിലയിരുത്തല്. എന്നാല് 2023 മോഹന്ലാലിന് സ്വന്തമാണെന്നാണ് ഫാന്സ് പറയുന്നത്. എമ്പുരാന് പോലുള്ള ലാലേട്ടന് ചിത്രങ്ങള് തിയേറ്ററുകളില് വീണ്ടും തരംഗം തീര്ക്കുമെന്നാണ് ഫാന്സിന്റെ വിലയിരുത്തല്. സത്യത്തില് 2023 ആരുടേതായിരിക്കും ? ഈ വര്ഷം പ്രേക്ഷകര് പ്രതീക്ഷിക്കുന്ന മമ്മൂട്ടി-മോഹന്ലാല് സിനിമകളുടെ കൂടുതല് വിശേഷങ്ങളിതാ.
ഉള്ളടക്ക പട്ടിക
മമ്മൂട്ടിയെ നായകനാക്കി ബി ഉണ്ണികൃഷ്ണന് സംവിധാനം ചെയ്യുന്ന ചിത്രമാണ് ക്രിസ്റ്റഫര്. ഉദയകൃഷ്ണയുടേതാണ് തിരക്കഥ. വിനയ് റായ് ആണ് ചിത്രത്തില് വില്ലനായി എത്തുന്നത്. വിനയിയുടെ ആദ്യ മലയാള ചിത്രം കൂടിയാണിത്. ഷൈന് ടോം ചാക്കോ, ദിലീഷ് പോത്തന്, സിദ്ദിഖ്, ജിനു എബ്രഹാം, വിനീത കോശി, വാസന്തി എന്നിവരാണ് മറ്റു താരങ്ങള്.
മോഹന്ലാലിനെ നായകനാക്കി ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രമാണ് മലൈക്കോട്ടൈ വാലിബന്.. ചെമ്പോത്ത് സൈമണ് എന്ന കഥാപാത്രത്തെയാണ് ചിത്രത്തില് മോഹന്ലാല് അവതരിപ്പിക്കുന്നത്. ഒരു മിത്ത് പ്രമേയമാക്കി ഒരുക്കുന്ന ചിത്രം പിരിയഡ് ഡ്രാമയായിരിക്കും. ആന്ധ്രപ്രദേശാണ് സിനിമയുടെ പ്രധാന ലൊക്കേഷന്.
മമ്മൂട്ടി, ജ്യോതിക എന്നിവരെ പ്രധാന കഥാപാത്രങ്ങളാക്കി ജിയോ ബേബി സംവിധാനം ചെയ്ത ചിത്രമാണ് കാതല്. മമ്മൂട്ടി കമ്പനിയാണ് ചിത്രം നിര്മ്മിക്കുന്നത്. ചിന്നു ചാന്ദിനി, സുധി കോഴിക്കോട്, ലാലു അലക്സ്, മുത്തുമണി, അനഘ അക്കു, ജോസി സിജോ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ദുൽഖർ സൽമാന്റെ വേഫേറെർ ഫിലിംസ് ആണ് ചിത്രത്തിന്റെ വിതരണം നിർവഹിക്കുന്നത്.
മലയാളത്തിന്റെ പ്രിയതാരം മോഹന്ലാല് ആദ്യമായി സംവിധായകനാവുന്ന ചിത്രമാണ് ബറോസ്.ബോളിവുഡ് താരങ്ങളും ചിത്രത്തില് പ്രധാന വേഷത്തിലെത്തുന്നു. വന് ബജറ്റിലാണ് ചിത്രം ഒരുങ്ങുന്നത്. ഇന്ത്യയിലെ ആദ്യ ത്രീഡി ചിത്രമായ മൈ ഡിയര് കുട്ടിച്ചാത്തന് എന്ന ചിത്രത്തെ ആസ്പദമാക്കിയാണ് സിനിമയൊരുങ്ങുന്നത്. 'ബറോസ്സ് ഗാഡിയന് ഓഫ് ഡി ഗാമാസ് ട്രഷര്' എന്ന പേരില് ജിജോ ഇംഗ്ലീഷില് എഴുതിയ കഥയാണ് സിനിമയാവുന്നത്.
ദൃശ്യത്തിനുശേഷം മോഹന്ലാലും ജീത്തു ജോസഫും വീണ്ടുമൊന്നിക്കുന്ന ചിത്രമാണ് റാം. തൃഷയാണ് ചിത്രത്തില് നായികയായി എത്തുന്നത്. എറണാകുളം, ധനുഷ്കോടി, ഡല്ഹി, ഉസ്ബക്കിസ്ഥാന്, കെയ്റോ, ലണ്ടന് എന്നിവിടങ്ങളാണ് പ്രധാന ലൊക്കേഷനുകള്. ഒരു ആക്ഷന് ത്രില്ലര് റിയലിസ്റ്റിക് സ്വഭാവത്തിലുള്ള ചിത്രം ബിഗ് ബജറ്റിലാണ് ഒരുക്കിയത്.
മമ്മൂട്ടി നായകനായി 2007-ൽ പുറത്തിറങ്ങിയ സൂപ്പർ ഹിറ്റ് ചിത്രമായ ബിഗ് ബി യുടെ രണ്ടാം ഭാഗമാണ് ബിഗ് ബി 2. ദുല്ഖര് സല്മാനായിരുന്നു ചിത്രത്തിന്റെ പ്രഖ്യാപന പോസ്റ്റര് പുറത്തു വിട്ടിരുന്നത്.ബിലാലിന്റെ രണ്ടാം വരവ് വലിയ അഘോഷത്തോടെയായിരുന്നു സിനിമാ ലോകം വരവേറ്റത്.നേരത്തെ സംഗീത സംവിധായകന് ഗോപി സുന്ദറിന്റെ ഫേസ്ബുക്ക് കുറിപ്പില് ബിഗ് ബി ആദ്യ ഭാഗത്തിലെ അതേ ആളുകള് തന്നെ രണ്ടാംഭാഗത്തിലും വരുന്നുവെന്ന് കുറിച്ചിരുന്നു.
Continue with Google