രണ്ട് കല്യാണം കൊണ്ടും പഠിച്ചില്ല; മൂന്ന് കെട്ടിയ താരങ്ങള്‍

1974ലായിരുന്നു ജഗതി ശ്രീകുമാറും മല്ലിക സുകുമാരനുമായുള്ള വിവാഹം. വീട്ടുകാരുടെ എതിര്‍പ്പുകളെ മറികടന്ന് ഒളിച്ചോടിയായിരുന്നു ഇരുവരുടെയും വിവാഹം. എന്നാല്‍ 1976ല്‍ തന്നെ ഇരുവരും വേര്‍പിരിയുകയായിരുന്നു. പിന്നീടായിരുന്നു കലയെ ജഗതി വിവാഹം കഴിക്കുന്നത്. എന്നാല്‍ രണ്ടാം വിവാഹവും ഡിവോഴ്‌സില്‍ അവസാനിക്കുകയായിരുന്നു. തുടര്‍ന്നായിരുന്നു ശോഭയുമായുള്ള വിവാഹം.

24ാമത്തെ വയസിലായിരുന്നു കമല്‍ ഹാസന്റെ ആദ്യ വിവാഹം. ആദ്യ ഭാര്യ വാണി ഗണപതിക്കൊപ്പം ഏതാണ്ട് 10 കൊല്ലം താരം ഒരുമിച്ച് ജീവിച്ചിരുന്നു. വാണിയുമായുള്ള വിവാഹ മോചനത്തിനുശേഷമായിരുന്നു സരികയുമായി പ്രണയത്തിലാവുന്നതും വിവാഹം കഴിക്കുന്നതും. മക്കളുണ്ടായതിനുശേഷമായിരുന്നു ഇരുവരുടെയും വിവാഹം. എന്നാല്‍ ഈ ബന്ധവും വിവാഹമോചനത്തില്‍ എത്തുകയായിരുന്നു. തുടര്‍ന്നായിരുന്നു നടി ഗൗതമിക്കൊപ്പമുള്ള കമല്‍ ഹാസന്റെ ജീവിതം.ഇതിനെല്ലാം പുറമെ നടി ശ്രീവിദ്യ, സിമ്രാന്‍ എന്നിവരുമായി കമല്‍ പ്രണയത്തിലായിരുന്നു എന്നും കഥകളുണ്ട്.  

1997ലായിരുന്നു പവന്‍ കല്യാണിന്റെ ആദ്യ വിവാഹം. നന്ദിനി എന്നാണ് ആദ്യ ഭാര്യയുടെ പേര്. എന്നാല്‍ 2007ല്‍ ഇരുവരും വേര്‍പിരിഞ്ഞു. പിന്നാലെ 2009ല്‍ പവന്‍ രേണു ദേശായിയെ വിവാഹം കഴിക്കുകയായിരുന്നു. ബദ്രി എന്ന സെറ്റില്‍ വച്ചായിരുന്നു പവന്‍ രേണുവിനെ പരിചയപ്പെടുന്നതും പ്രണയത്തിലാവുന്നതും. എന്നാല്‍ രണ്ടാം വിവാഹവും ഡിവോഴ്‌സില്‍ അവസാനിച്ചതോടെ 2013ല്‍ റഷ്യക്കാരിയായ അന്ന ലെഷ്‌നെവയെ വിവാഹം കഴിക്കുകയായിരുന്നു.  

ഏറെ നാളത്തെ പ്രണയത്തിനുശേഷമായിരുന്നു നടന്‍ പ്രതാപ് പോത്തനുമായുള്ള രാധികയുടെ ആദ്യ വിവാഹം. എന്നാല്‍ 1986ല്‍ തന്നെ ഇരുവരും വിവാഹമോചിതരായി. തുടര്‍ന്ന് 1990ലായിരുന്നു രാധികയുടെ രണ്ടാം വിവാഹം. റിച്ചാര്‍ഡ് ഹാര്‍ഡിയായിരുന്നു രണ്ടാം ഭര്‍ത്താവ്. എന്നാല്‍ ഈ ബന്ധവും ഡിവോഴ്‌സില്‍ അവസാനിക്കുകയായിരുന്നു. പിന്നീട് 2001ലാണ് നടന്‍ ശരത്കുമാറിനെ രാധിക വിവാഹം കഴിക്കുന്നത്‌.