പവന്‍ കല്യാണ്‍

02 Sep, 1968 | Bapatla, Andhra Pradesh, India

ജീവചരിത്രം

പ്രശസ്ത തെലുങ്ക് നടനും സംവിധായകനും രാഷ്ട്രീയ പ്രവര്‍ത്തകനുമാണ് പവന്‍ കല്യാണ്‍. 1996-ൽ പുറത്തിറങ്ങിയ അക്കട അമ്മായി ഇക്കട അബ്ബായി എന്ന ചിത്രത്തിലൂടെയാണ് ചലച്ചിത്രരംഗത്ത് എത്തുന്നത്. 1998-ൽ അദ്ദേഹം അഭിനയിച്ച തോളി പ്രേമം എന്ന ചിത്രത്തിന് ആ വര്‍ഷത്തെ തെലുങ്കിലെ മികച്ച ഫീച്ചർ ചിത്രത്തിനുള്ള ദേശീയ ചലച്ചിത്ര അവാർഡ് ലഭിച്ചിരുന്നു. തുടര്‍ന്ന് നിരവധി ചിത്രങ്ങളിലൂടെ തെലുങ്ക് ചലച്ചിത്രരംഗത്ത് സജീവമായി. ഫോർബ്‌സിന്റെ ഇന്ത്യയിലെ മികച്ച 100 സെലിബ്രിറ്റികളുടെ പട്ടികയിൽ 2013-ൽ 26-ാം സ്ഥാനത്തും 2017-ൽ 69-ാം സ്ഥാനത്തും 2018-ൽ 24-ാം സ്ഥാനത്തുമായിരുന്നു പവന്‍ കല്യാണ്‍. 2008ല്‍ സഹോദരന്‍ ചിരഞ്ജീവി സ്ഥാപിച്ച പ്രജാ രാജ്യം പാര്‍ട്ടിയുടെ യൂത്ത് വിംഗ് പ്രസിഡന്റായികൊണ്ട് രാഷ്ട്രീയത്തിലേക്ക് കടന്നു. പിന്നീട് കോണ്‍ഗ്രസുമായി പ്രജാ രാജ്യം പാര്‍ട്ടി ലയിച്ചപ്പോള്‍ പവന്‍ പാര്‍ട്ടി വിട്ടു. തുടര്‍ന്ന് 2014ല്‍ ജന സേന പാര്‍ട്ടി രൂപീകരിച്ചു.