തീയേറ്ററില്‍ നിരനിരയായി പൊട്ടിയ പടങ്ങള്‍; ഈ വര്‍ഷം ഇതുവരെ കണ്ട പരാജയ ചിത്രങ്ങള്‍

പ്രേക്ഷകരെ ഒന്നടങ്കം നിരാശപ്പെടുത്തിയ മറ്റൊരു മഞ്ജു വാര്യര്‍ ചിത്രമാണ് ആയിഷ. ഗദ്ദാമയായി അറബ് രാജ്യത്തെിലെ രാജകുടുംബത്തിലെത്തുന്ന ആയിഷ എന്ന സത്രീയും രാജകുടുംബത്തിലെ മാമ്മ എന്ന അമ്മയും തമ്മിലുള്ള ആത്മബന്ധത്തിന്റെ കഥ പറഞ്ഞ ചിത്രത്തിന് സമ്മിശ്ര പ്രതികരണമായിരുന്നു പ്രേക്ഷകരുടെ  ഭാഗത്ത് നിന്നും ലഭിച്ചത്. ആഷിഫ് കക്കോടിയുടെ തിരക്കഥയില്‍ ആമിര്‍ പള്ളിക്കലായിരുന്നു ചിത്രം സംവിധാനം ചെയ്തത്.  

ആന്റണി വര്‍ഗീസ് നായകനാക്കി വിനീത് വാസുദേവന്‍ സംവിധാനം ചെയ്ത പൂവന്‍ ജനുവരി 20നായിരുന്നു തിയേറ്ററുകളിലെത്തിയത്. ആന്റണി വര്‍ഗീസ് നായകനായി എത്തുന്ന ചിത്രമായതുകൊണ്ടുതന്നെ പ്രഖ്യാപനം മുതല്‍ക്കേ വാര്‍ത്താ പ്രധാന്യം ലഭിച്ച ചിത്രത്തിന് പക്ഷേ സമ്മിശ്ര പ്രതികരണമായിരുന്നു പ്രേക്ഷകരുടെ ഭാഗത്ത് നിന്നും ലഭിച്ചത്. പുതുമയുള്ള കഥയായിട്ടും തിയേറ്ററുകളില്‍ ആളെ കയറ്റാന്‍ ചിത്രത്തിന് സാധിക്കാതെ പോവുകയായിരുന്നു.  

തിയേറ്ററുകളില്‍ നിന്നും വന്‍ പരാജയം ഏറ്റുവാങ്ങിയ 2023ലെ ആദ്യ മോഹന്‍ലാല്‍ ചിത്രമാണ് എലോണ്‍. മലയാളത്തിലെ എക്കാലത്തെയും സൂപ്പര്‍ഹിറ്റ് ജോഡിയായ ഷാജി കൈലാസ്-മോഹന്‍ലാല്‍ കൂട്ടുക്കെട്ടിലെത്തിയ ചിത്രത്തിന് പ്രഖ്യാപനം മുതല്‍ വന്‍ സ്വീകാര്യതയായിരുന്നു ലഭിച്ചത്. എന്നാല്‍ ശരാശരി മോഹന്‍ലാല്‍ ആരാധകനെ പോലും തൃപ്തിപ്പെടുത്താന്‍ ചിത്രത്തിന് കഴിയാതെ പോവുകയായിരുന്നു.  

വന്‍ഹൈപ്പിലെത്തി തിയേറ്ററുകളില്‍ നിന്നും ശരാശരി വിജയം നേടിയ മമ്മൂട്ടി ചിത്രമാണ് ക്രിസ്റ്റഫര്‍. ബി.ഉണ്ണികൃഷ്ണന്റെ സംവിധാനത്തില്‍ ഫെബ്രുവരി 9ന് തിയേറ്ററുകളിലെത്തിയ ചിത്രത്തിന് ആദ്യ ദിനം മുതല്‍ക്ക് തന്നെ സമ്മിശ്ര പ്രതികരണമായിരുന്നു പ്രേക്ഷകരുടെ ഭാഗത്ത് നിന്നും ലഭിച്ചത്. ഏതാണ്ട് 18.7 കോടി ചിലവില്‍ ഒരുക്കിയ ചിത്രം കേരള ബോക്‌സോഫീസില്‍ നിന്നും 10.17 കോടിയാണ് നേടിയത് എന്നാണ് റിപ്പോര്‍ട്ടുകള്‍.  

വലിയ പ്രമോഷനുകളോടെ എത്തി സിനിമാപ്രേമികളെ ഒന്നടങ്കം നിരാശപ്പെടുത്തിയ ചിത്രമാണ് ക്രിസ്റ്റി. മാളവിക മോഹനനും മാത്യു തോമസും ആദ്യമായി ഒന്നിച്ചെത്തുന്നു എന്ന പ്രത്യേകതയോടെ തുടക്കം മുതല്‍ക്ക് തന്നെ ശ്രദ്ധിക്കപ്പെട്ട ചിത്രം ശരാശരി വിജയം മാത്രമാണ് തിയേറ്ററുകളില്‍ നിന്നും സ്വന്തമാക്കിയത്. ആൽവിൻ ഹെൻറിയുടെ സംവിധാനത്തിലെത്തിയ ചിത്രം ഫ്രെബ്രുവരി 17നായിരുന്നു തിയേറ്ററുകളിലെത്തിയത്  

ടൈറ്റില്‍ പ്രഖ്യാപനം മുതല്‍ മലയാളികള്‍ ഒന്നടങ്കം കാത്തിരുന്ന ചിത്രമായിരുന്നു ന്റിക്കാക്കാക്കൊരു പ്രേമണ്ടാര്‍ന്ന്. നീണ്ട അഞ്ച് വര്‍ഷത്തെ ഇടവേളയ്ക്ക് ശേഷം ഭാവന മലയാളത്തിലേക്ക് തിരിച്ചെത്തുന്നു എന്ന പ്രത്യേകത ഉള്ളതുകൊണ്ടു തന്നെ ചിത്രത്തിന് വലിയ വാര്‍ത്താ പ്രാധാന്യവും ലഭിച്ചിരുന്നു. എന്നാല്‍ പ്രതീക്ഷകള്‍ക്കൊത്ത് ഉയരാന്‍ ചിത്രത്തിന് സാധിക്കാതെ പോവുകയായിരുന്നു.തിയേറ്ററുകളില്‍ നിന്നും ശരാശരി വിജയം മാത്രമാണ് ചിത്രം നേടിയത്.