കരീനയുടെ നഷ്ടം, പ്രിയങ്കയ്ക്കും ദീപികയ്ക്കും നേട്ടം; താരസുന്ദരി നോ പറഞ്ഞ ഹിറ്റുകള്‍

ദീപിക പദുക്കോണിനെ സൂപ്പര്‍ താര പദവിയിലെത്തിച്ച ചിത്രമായിരുന്നു ഷാരൂഖ് ഖാന്‍ നായകനായി എത്തിയ ചെന്നൈ എക്‌സ്പ്രസ്. എന്നാല്‍ ചിത്രത്തില്‍ നായികയാവേണ്ടിയിരുന്നത് കരീനയായിരുന്നു. മറ്റു ചിത്രങ്ങളുടെ ഷൂട്ടിംഗ് തിരക്കുകള്‍ കാരണം കരീനയ്ക്ക് ചിത്രത്തില്‍ അഭിനയിക്കാന്‍ കഴിയാതെ വരികയായിരുന്നു.

2013ല്‍ പുറത്തിറങ്ങിയ ക്വീന്‍ എന്ന ചിത്രത്തില്‍ നായികയായി ആദ്യം തിരഞ്ഞെടുത്തത് കരീനയെയായിരുന്നു. എന്നാല്‍ താരം ചിത്രത്തില്‍ നിന്നും പിന്മാറുകയായിരുന്നു. തുടര്‍ന്ന് കങ്കണ റണാവത്തായിരുന്നു ചിത്രത്തില്‍ നായികയായി എത്തിയത്.

സജ്ജയ് ലീല ബന്‍സാലി സംവിധാനം ചെയ്ത രാം ലീലയില്‍ നായികയായി ആദ്യം തീരുമാനിച്ചത് കരീനയെയായിരുന്നു. ചിത്രത്തിനായി കോസ്റ്റിയൂം ട്രയലും നടി നടത്തിയിരുന്നു. എന്നാല്‍ അവസാനഘട്ടത്തില്‍ ചിത്രത്തില്‍ നിന്നും കരീന പിന്മാറുകയായിരുന്നു. തുടര്‍ന്ന് ദീപിക പദുക്കോണ്‍ ചിത്രത്തില്‍ നായികയായി എത്തുകയായിരുന്നു.  

സോയ അക്തര്‍ സംവിധാനം ചെയ്ത ദില്‍ ദഡക്‌നേ ദോയില്‍ പ്രധാന കഥാപാത്രങ്ങളലായി രണ്‍ബീര്‍ കപൂറിനെയും കരീനയെയുമായിരുന്നു തീരുമാനിച്ചിരുന്നത്. എന്നാല്‍ ചിത്രത്തില്‍ നിന്നും ഇരുവരും പിന്മാറുകയായിരുന്നു. തുടര്‍ന്ന് പ്രിയങ്ക ചോപ്രയും രണ്‍വീര്‍ സിങ്ങും ചിത്രത്തില്‍ അഭിനയിക്കുകയായിരുന്നു.

മധുര്‍ ഭണ്ഡാക്കര്‍ സംവിധാനം ചെയ്ത ഫാഷന്‍ എന്ന ചിത്രത്തില്‍ നായികയായി ആദ്യം തീരുമാനിച്ചത് കരീന കപൂറിനെയായിരുന്നു. എന്നാല്‍ ചില കാരണങ്ങളാല്‍ ചിത്രത്തില്‍ നിന്നും കരീന പിന്മാറുകയായിരുന്നു. തുടര്‍ന്ന് പ്രിയങ്ക ചോപ്രയാണ് ചിത്രത്തില്‍ നായികയായി എത്തിയത്.