പ്രദീപ് ചന്ദ്രന്‍ മുതല്‍ മീര അനില്‍ വരെ : 2020ല്‍ വിവാഹിതരായ ടെലിവിഷന്‍ താരങ്ങള്‍

ടെലിവിഷന്‍ പ്രേക്ഷകരുടെ പ്രിയതാരം മീര അനിലിന്റെ വിവാഹം ഈ വര്‍ഷം ജൂലൈ 15നായിരുന്നു. മല്ലപ്പള്ളി സ്വദേശിയായ വിഷ്ണുവാണ് മീരയുടെ ഭര്‍ത്താവ്. ജനുവരിയിലായിരുന്നു ഇരുവരുടെയും വിവാഹനിശ്ചയം. ജൂണ്‍ 5ന് നിശ്ചയിച്ച വിവാഹം കൊവിഡ് വ്യാപനത്തെ തുടര്‍ന്ന് മാറ്റിവെക്കുകയായിരുന്നു. തിരുവനന്തപുരത്ത് വച്ച് നടന്ന വിവാഹത്തില്‍ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.

സീരിയല്‍ താരം മൃദുല വിജയിന്റെ സഹോദരിയും പ്രേക്ഷകരുടെ പ്രിയതാരവുമായ പാര്‍വതി വിജയിയുടെ വിവാഹവും ഈ വര്‍ഷമായിരുന്നു. ക്യാമറാമാനായ അരുണ്‍ ആണ് താരത്തിന്റെ ഭര്‍ത്താവ്. പാലോട് വനദുര്‍ഗ ക്ഷേത്രത്തില്‍ വെച്ച് രഹസ്യമായിട്ടായിരുന്നു വിവാഹം നടന്നത്.  

മിനിസ്‌ക്രീന്‍ പ്രേക്ഷകരുടെ പ്രിയതാരം അമല ഗിരീഷന്റെ വിവാഹവും ഈ വര്‍ഷമായിരുന്നു. തമിഴ്‌നാട് സ്വദേശിയായ പ്രഭുവാണ് താരത്തിന്റെ ഭര്‍ത്താവ്. കൊവിഡ് വ്യാപനത്തെ തുടര്‍ന്ന് ലളിതമായി നടത്തിയ ചടങ്ങില്‍ അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്.  

ഭ്രമണം സീരിയലിലൂടെ മിനിസ്‌ക്രീന്‍ പ്രേക്ഷകരുടെ പ്രിയങ്കരിയായി മാറിയ സ്വാതി നിത്യാനന്ദിന്റെ  വിവാഹവും ഈ വര്‍ഷമായിരുന്നു. ക്യാമറാമാനായ പ്രതീഷ് നെന്മാറയാണ് താരത്തിന്റെ ഭര്‍ത്താവ്.  മഴവില്‍ മനോരമയില്‍ സംപ്രേഷണം ചെയ്ത ഭ്രമണം എന്ന സീരിയലിന്റെ ക്യാമറാമാനായിരുന്നു പ്രതീഷ്. സീരിയലില്‍ ഹരിത എന്ന കഥാപാത്രത്തെയായിരുന്നു സ്വാതി അവതരിപ്പിച്ചത്. സീരിയലിനിടയില്‍ ഇവരുടെ സൗഹൃദം പ്രണയത്തിലെത്തുകയായിരുന്നു. ചെമ്പട്ട് ആണ് സ്വാതി അഭിനയിച്ച ആദ്യ ടെലിവിഷന്‍ സീരിയല്‍.  

മിനിസ്‌ക്രീന്‍ പ്രേക്ഷകരുടെ പ്രിയതാരം പ്രദീപ് ചന്ദ്രന്റെ വിവാഹവും ഈ വര്‍ഷമായിരുന്നു. കൊല്ലം കരുനാഗപ്പള്ളി സ്വദേശിനി അനുപമ രാമചന്ദ്രനാണ് താരത്തിന്റെ ഭാര്യ. ഇന്‍ഫോസിസ് ജീവനക്കാരിയാണ് അനുപമ. കൊവിഡ് വ്യാപനത്തെതുടര്‍ന്ന് അടുത്ത ബന്ധുക്കള്‍ മാത്രമാണ് വിവാഹത്തില്‍ പങ്കെടുത്തത്.  .  

മിനിസ്‌ക്രീന്‍ പ്രേക്ഷകരുടെ പ്രിയതാരം ലത സംഗരാജുവിന്റെ വിവാഹം 2020 ജൂണ്‍ 14നായിരുന്നു.  സോഫ്റ്റ് വെയര്‍ എഞ്ചിനീയറായ സൂര്യയാണ് താരത്തിന്റെ ഭര്‍ത്താവ്. ഹൈദരാബാദില്‍ വച്ച് നടന്ന വിവാഹത്തില്‍ അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്. നീലക്കുയില്‍ എന്ന സീരിയലിലെ റാണി എന്ന കഥാപാത്രത്തിലൂടെയാണ് തെലുങ്ക് നടിയായ ലത മലയാളികള്‍ക്ക് പ്രിയങ്കരിയായത്.