അമ്മ മകള്‍; അമ്മയുടെ പാതയിലൂടെ സിനിമയിലെത്തിയ നടിമാർ

മലയാളികളുടെ പ്രിയപ്പെട്ട താരങ്ങളാണ് മേനക സുരേഷും മകള്‍ കീര്‍ത്തു സുരേഷും. 1980-87 കാലഘട്ടത്തില്‍ മലയാള സിനിമയില്‍ നിറഞ്ഞു നിന്ന മേനക നിലവില്‍ സിനിമകളില്‍ നിന്നും വിട്ടുനില്‍ക്കുകയാണ്. എന്നാല്‍ മകള്‍ കീര്‍ത്തി മലയാളവും കടന്ന് തമിഴിലെ സൂപ്പര്‍നായികയായി മാറിയിരിക്കുകയാണ്. 2000ത്തില്‍ ബാലതാരമായി സിനിമയിലെത്തിയ കീര്‍ത്തി 2014ല്‍ പുറത്തിറങ്ങിയ റിംഗ് മാസ്റ്റര്‍ എന്ന ചിത്രത്തിലൂടെയായിരുന്നു നായികയായി അരങ്ങേറ്റം കുറിച്ചത്. ചിത്രം ശ്രദ്ധിക്കപ്പെടാതെ പോയതോടെ അന്യഭാഷയിലേക്ക് കീര്‍ത്തി ചേക്കേറുകയായിരുന്നു. നിലവില്‍ തമിഴിലെ സൂപ്പര്‍താരങ്ങളുടെ നായികയാണ് താരം.  

തെന്നിന്ത്യന്‍ നടി രാധയുടെ മകളാണ് മകരമഞ്ഞിലൂടെ മലയാള സിനിമയിലെത്തിയ കാര്‍ത്തിക നായര്‍. 2009ല്‍ തെലുങ്ക് ചിത്രം ജോഷിലൂടെ വെള്ളിത്തിരയിലെത്തിയ കാര്‍ത്തിക കോ എന്ന തമിഴ് ചിത്രത്തിലൂടെയാണ് ശ്രദ്ധിക്കപ്പെടുന്നത്. തുടര്‍ന്നായിരുന്നു മകരമഞ്ഞിലൂടെ മലയാള സിനിമയിലെത്തിയത്. സിനിമ തിയേറ്ററുകളില്‍ ശ്രദ്ധിക്കപ്പെട്ടില്ലെങ്കിലും കാര്‍ത്തികയുടെ കഥാപാത്രം ശ്രദ്ധിക്കപ്പെട്ടിരുന്നു. 2013ല്‍ പുറത്തിറങ്ങിയ കമ്മത്ത് ആന്റ് കമ്മത്ത് ആണ് കാര്‍ത്തിക അഭിനയിച്ച മറ്റൊരു മലയാള ചിത്രം. എന്നാല്‍ ഈ രണ്ട് ചിത്രങ്ങള്‍ക്ക് ശേഷം അന്യഭാഷയില്‍ താരം സജീവമാകുകയായിരുന്നു.  

അമ്മ രമാദേവിയെപ്പോലെ തന്നെ സിനിമ-സീരിയല്‍ രംഗത്ത് സജീവമാണ് നടി കൃപ. ശ്രീനിവാസന്‍ ചിത്രം ചിന്താവിഷ്ടയായ ശ്യാമളയിലൂടെയായിരുന്നു കൃപയുടെ അരങ്ങേറ്റം. ചിത്രത്തില്‍ ബാലതാരമായി എത്തിയ താരം പിന്നീട് ചെറുതും വലുതുമായി നിരവധി ചിത്രങ്ങളില്‍ അഭിനയിച്ചിരുന്നു. എന്നാല്‍ ചിത്രങ്ങളൊന്നും ശ്രദ്ധിക്കപ്പെട്ടിരുന്നില്ല.    

1970-80 കാലഘട്ടത്തില്‍ മലയാള സിനിമയില്‍ നിറഞ്ഞു നിന്ന നടി സീമയുടെ മകളും ചലച്ചിത്ര നടിയാണ്. അച്ഛന്‍ ഐവി ശശി സംവിധാനം ചെയ്ത സിംഫണിയിലൂടെയായിരുന്നു അനുവിന്റെയും സിനിമാ അരങ്ങേറ്റം. എന്നാല്‍ തിയേറ്ററുകളില്‍ കനത്ത പരാജയമായിരുന്നു ചിത്രം നേരിട്ടത്. അതേ വര്‍ഷം തന്നെ കാതല്‍ ഡോട്ട് കോം എന്ന തമിഴ് ചിത്രത്തിലൂടെ അനു അഭിനയിച്ചിരുന്നു. എന്നാല്‍ ഈ രണ്ട് ചിത്രങ്ങള്‍ക്ക് ശേഷം അനുവിനെ സിനിമകളില്‍ കണ്ടിട്ടില്ല.  

അമ്മയെപ്പോലെ തെന്നിന്ത്യന്‍ സിനിമയില്‍ നിരവധി ആരാധകരുള്ള ചലച്ചിത്ര നടിയാണ് ഐശ്വര്യ ഭാസ്‌കര്‍. തമിഴ്, മലയാളം, തെലുങ്ക് കന്നട ഭാഷകളില്‍ ഒരുപോലെ ശ്രദ്ധിക്കപ്പെട്ട ഐശ്വര്യ തെലുങ്ക് ചിത്രത്തിലൂടെയാണ് അഭിനരംഗത്തേക്ക് കടന്നുവരുന്നത്. 1990ല്‍ പുറത്തിറങ്ങിയ ഒളിയമ്പുകള്‍ ആണ് ഐശ്വര്യയുടെ മലയാള ചിത്രം.  പിന്നീട് തമിഴില്‍ സജീവമായ ഐശ്വര്യ ഏറെക്കാലത്തെ ഗ്യാപ്പിനുശേഷമായിരുന്നു മലയാളത്തിലേക്ക് തിരിച്ചു വന്നത്. നിലവില്‍ സിനിമകളും സീരിയലുകളുമായി തിരക്കിലാണ് താരം