പ്രണയം, വിവാഹം...ഒടുവില്‍ വിവാഹമോചനം; വര്‍ഷങ്ങളോളം ഒരുമിച്ച് ജീവിച്ചതിനുശേഷം വേര്‍പിരിഞ്ഞ താരങ്ങള്‍

1994ലായിരുന്നു അരവിന്ദ് സ്വാമിയും ഗായത്രി രാമമൂര്‍ത്തിയും തമ്മിലുള്ള വിവാഹം. എന്നാല്‍ പതിനഞ്ച് വര്‍ഷച്ചെ ദാമ്പത്യ ജീവിതം അവസാനിപ്പിച്ചുകൊണ്ട് ഇരുവരും 2010ല്‍ വേര്‍പിരിയുകയായിരുന്നു. ശേഷം മക്കളുടെ ഉത്തരവാദിത്വം അരവിന്ദ് ഏറ്റെടുക്കുകയും ചെയ്തിരുന്നു. പിന്നീട് 2012ല്‍ അരവിന്ദ് സ്വാമി അപര്‍ണ മുഖര്‍ജിെ വിവാഹം ചെയ്യുകയും ചെയ്തു.  

1994ലായിരുന്നു പ്രകാശ് രാജും ലളിത കുമാരിയും തമ്മിലുള്ള വിവാഹം. എന്നാല്‍ 2009ല്‍ ഇരുവരും വിവാഹമോചിതരായി. തുടര്‍ന്ന് 2010ല്‍ പ്രകാശ് രാജ് ഡാന്‍സ് കൊറിയോഗ്രാഫറായ പോണി വര്‍മയെ വവാഹം ചെയ്യുകയായിരുന്നു.  

2004 നവംബര്‍ 18നായിരുന്നു ധനുഷും ഐശ്വര്യയും തമ്മിലുള്ള വിവാഹം. എന്നാല്‍ 18 വര്‍ഷത്തെ ദാമ്പത്യ ജീവിതത്തിനു ശേഷം ഇരുവരും 2022ല്‍ വേര്‍പിരിയുകയായിരുന്നു. 6 മാസക്കാലം നീണ്ടു നിന്ന പ്രണയത്തിനൊടുവിലായിരുന്നു ഇവരുടെ വിവാഹം.  

1995ലായിരുന്നു പ്രഭുദേവയും റംലത്തും തമ്മിലുള്ള വിവാഹം. മുസ്ലീം മതക്കാരിയായ റംല വിവാഹത്തോട് അനുബന്ധിച്ച് ലത എന്ന പേരു സ്വീകരിക്കുകയും ചെയ്തിരുന്നു. എന്നാല്‍ 2011ല്‍ ഇരുവരും വേര്‍പിരിഞ്ഞു.  

ഛായ ദേവിയാണ് ശരത് കുമാറിന്റെ ആദ്യ ഭാര്യ. 1984ലായിരുന്നു നടന്റെ ആദ്യ വിവാഹം. എന്നാല്‍ 2000ത്തില്‍ ഛായ ദേവിയും ശരത് കുമാറും വിവാഹമോചിതരാവുകയായിരുന്നു. തുടര്‍ന്ന് 2001ല്‍ നടി രാധികയെ ശരത്കുമാര്‍ വിവാഹം ചെയ്തു.  

1986ലായിരുന്നു സംവിധായകനും ഛായാഗ്രാഹകനുമായ സുരേഷ് ചന്ദ്ര മേനോനും രേവതിയും തമ്മിലുള്ള വിവാഹം. എന്നാല്‍ 2013ല്‍ ഇരുവരും വിവാഹമോചിതരായി.