Click it and Unblock the Notifications
ലിജോയ്ക്കൊപ്പമുള്ള ആദ്യ സിനിമ, ക്ലൈമാക്സില് കമല്ഹാസന്, മലൈക്കോട്ടൈ വാലിബന് മറ്റൊരു സൂപ്പര്ഹിറ്റാവുമോ ?
ലിജോ ജോസ് പെല്ലിശ്ശേരിയും മോഹന്ലാലും ആദ്യമായി ഒന്നിക്കുന്ന ചിത്രമാണ് മലൈക്കോട്ടൈ വാലിബന്. അതുകൊണ്ടുതന്നെയും ചിത്രത്തിനായി കാത്തിരിപ്പിലാണ് മലയാള സിനിമ. 2022ല് തുടര്ച്ചയായി പരാജയങ്ങള് ഏറ്റുവാങ്ങിയ മോഹന്ലാല് മലൈക്കോട്ടൈ വാലിബനിലൂടെ വീണ്ടും കളക്ഷന് റെക്കോര്ഡുകള് തിരുത്തിക്കുറിക്കുമെന്നാണ് റിപ്പോര്ട്ടുകള്. മലയാളത്തിന്റെ സൂപ്പര്ഹിറ്റ് സംവിധായകനും താരരാജാവും ആദ്യമായി ഒന്നിക്കുന്ന മലൈക്കോട്ടൈ വാലിബന്റെ കൂടുതല് വിശേഷങ്ങളിതാ.
ഉള്ളടക്ക പട്ടിക
മോഹന്ലാലും ലിജോ ജോസ് പെല്ലിശ്ശേരിയും ആദ്യമായി ഒന്നിക്കുന്നു എന്നതു തന്നെയാണ് മലൈക്കോട്ടെ വാലിബന്റെ പ്രധാന സവിശേഷതകളിലൊന്ന്. തുടര്ച്ചയായി പരാജയങ്ങള് ഏറ്റുവാങ്ങിയ മോഹന്ലാലിന് ചിത്രത്തിലൂടെ വീണ്ടും ബോക്സോഫീസ് കളക്ഷനുകള് തിരുത്തിക്കുറിക്കാന് പറ്റുമെന്നാണ് പ്രേക്ഷകര് പറയുന്നത്. ചിത്രത്തിന്റെ പ്രഖ്യാപനത്തിന് പിന്നാലെ ലിജോയും മോഹന്ലാലും ഒരുമിച്ചെടുത്ത ഫോട്ടോകള് സോഷ്യല്മീഡിയയില് വൈറലായിരുന്നു.
വിഷുദിനത്തിലായിരുന്നു മോഹന്ലാലിന്റെ ഫേസ്ബുക്ക് പേജിലൂടെ ഫസ്റ്റ് ലുക്ക് പോസ്റ്റര് പുറത്തു വിട്ടത്. കൈകളില് വടവുമായി അലറി വിളിക്കുന്ന യോദ്ധാവിന്റെ ലുക്കിലാണ് ഫസ്റ്റ് ലുക്ക് പോസ്റ്ററില് മോഹന്ലാലുണ്ടായിരുന്നത്. ''ഇപ്പോള് കാത്തിരിപ്പിന് ഒരു മുഖമുണ്ട്. മലൈക്കോട്ടൈ വാലിബന്റെ ഫസ്റ്റ്ലുക്ക് നിങ്ങള്ക്കായി സമര്പ്പിക്കുന്നു. ഈ സിനിമയ്ക്ക് ജീവന് നല്കാനുള്ള ഞങ്ങളുടെ യാത്രയില് ഞങ്ങളെ പ്രോത്സാഹിപ്പിക്കുക''. എന്നായിരുന്നു ഫസ്റ്റ്ലുക്ക് പങ്കുവെച്ചുകൊണ്ട് മോഹന്ലാല് കുറിച്ചത്.
മലയാളത്തിന് പുറമെ തമിഴ്, ഇംഗ്ലീഷ്, തെലുങ്ക്, ഹിന്ദി എന്നീ ഭാഷകളിലും ചിത്രം റിലീസ് ചെയ്യുമെന്നാണ് പുറത്ത് വരുന്ന റിപ്പോര്ട്ടുകള്. 2022 ഒക്ടോബര് 25നായിരുന്നു ചിത്രത്തിന്റെ പ്രഖ്യാപനം. പിന്നാലെ 2023 ജനുവരിയില് ചിത്രത്തിന്റെ ഷൂട്ടിങ്ങും ആരംഭിച്ചിരുന്നു.
ഹരീഷ് പേരാടി, രാജീവ് പിളള, മണികണ്ഠന് ആചാരി, മറാഠി നടി സൊണാലി കുല്ക്കര്ണി, ഹരിപ്രശാന്ത് വര്മ, ഡാനിഷ്, സുചിത്ര നായര് എന്നിവരാണ് മോഹന്ലാലിനൊപ്പം അഭിനയിക്കുന്ന മറ്റു പ്രധാന താരങ്ങള്. പി.എസ് റഫീക്കാണ് ചിത്രത്തിന്റെ തിരക്കഥാകൃത്ത്. മധു നീലകണ്ഠന് ഛായാഗ്രഹണവും പ്രശാന്ത് പിള്ള സംഗീത സംവിധാനവും നിര്വ്വഹിച്ചിരിക്കുന്നു. ജോണ് ആന്റ് മേരി ക്രീയേറ്റീവ്, മാക്സ് ലാബ് സിനിമാസ്, സെഞ്ച്വറി ഫിലിംസ് എന്നിയുടെ ബാനറിലാണ് മലൈക്കോട്ടൈ വാലിബന് നിര്മ്മിച്ചത്.
ചിത്രത്തിന്റെ പ്രഖ്യാപനത്തിന് പിന്നാലെ മലൈക്കോട്ടൈ വാലിബനിലെ അണിയറ പ്രവര്ത്തകരുടെ വിവരങ്ങള്ക്കായി കാത്തിരിക്കുകയായിരുന്നു പ്രേക്ഷകര്. ഇതിനിടയിലായിരുന്നു ഉലകനായകന് കമല്ഹാസന് മോഹന്ലാലിനൊപ്പം ചിത്രത്തില് പ്രധാന താരമായി എത്തുന്നുവെന്ന വാര്ത്തകള് വന്നത്. ക്ലൈമാക്സില് കമല്ഹാസനും മോഹന്ലാലും എത്തുമെന്നായിരുന്നു റിപ്പോര്ട്ടുകളിലുണ്ടായിരുന്നത്. എന്നാല് വാര്ത്തകളോട് ചിത്രത്തിന്റെ അണിയറപ്രവര്ത്തകര് ഇതുവരെ പ്രതികരിച്ചിട്ടില്ല.
Continue with Google