Click it and Unblock the Notifications
ഇന്സ്റ്റ സൂപ്പര്സ്റ്റാര് അമല ഷാജിയും യെസ്മ താരം അഞ്ജന മോഹനും; അഞ്ചാം സീസൺ മത്സരാര്ത്ഥികള് ഇവരോ?
ബിഗ് ബോസ് മലയാളം സീസണ് അഞ്ചിനായി കാത്തിരിക്കുകയാണ് മലയാളികള്. ഓരോ സീസണ് കഴിയുമ്പോഴും ജനപ്രീതി കൂടി വരുന്ന ബിഗ് ബോസില് ഇത്തവണ മത്സരിക്കാന് ആരൊക്കെയാവും എത്തുമെന്ന ആകാംക്ഷയിലാണ് പ്രേക്ഷകര്. ജിഷിന് മോഹന്, ഒമര് ലുലു തുടങ്ങിയവരുടെ പേരുകളാണ് മത്സാര്ത്ഥികളുടെ സാധ്യത പട്ടികയില് ഇതുവരെയായി ഉയര്ന്നുവന്നിട്ടുള്ളത്. എന്നാല് സീസണ് അഞ്ച് തുടങ്ങാന് ദിവസങ്ങള് മാത്രം ബാക്കി നില്ക്കേ മത്സരാര്ത്ഥികളുടെ സാധ്യത പട്ടികയില് വീണ്ടും പുതിയ പേരുകള് ഉയര്ന്നുവരുന്നുണ്ട്. അഞ്ജന മോഹന്, നാദിഖ മെഹ്റിന് തുടങ്ങി സീസണ് അഞ്ചില് മത്സാര്ത്ഥികളായി എത്തുമെന്ന് സോഷ്യല്മീഡിയ പറയുന്ന താരങ്ങള് ഇവരാണ്.
ഉള്ളടക്ക പട്ടിക
സിനിമ-സീരിയല് താരമായ രഞ്ജിത്ത് മുന്ഷി ബിഗ് ബോസ് മലയാളത്തിന്റെ അഞ്ചാം സീസണില് മത്സാര്ത്ഥിയായി എത്തുമെന്നാണ് പ്രേക്ഷകര് പറയുന്നത്. 2011ല് പുറത്തിറങ്ങിയ നോട്ട് ഔട്ട് എന്ന ചിത്രത്തിലൂടെ വെള്ളിത്തിരയിലെത്തിയ രഞ്ജിത്ത് പിന്നീട് ഒരു യക്ഷിക്കഥ, ഒരു കടന്നല് കഥ തുടങ്ങി നാലോളം സിനിമകളില് അഭിനയിച്ചിരുന്നു. എന്നാല് ചിത്രങ്ങളൊന്നും ശ്രദ്ധിക്കപ്പെട്ടിരുന്നില്ല. അഭിനയത്തിനു പുറമെ ടെലിവിഷന് അവതാരകന് കൂടിയാണ് രഞ്ജിത്ത്.
നടിയും മോഡലും, ട്രാന്സ് വനിതയുമായ നാദിറ മെഹ്റിന് ബിഗ് ബോസ് മലയാളം അഞ്ചാം സീസണില് മത്സരാര്ത്ഥിയായി എത്തിയാല് കളി തീ പാറുമെന്നാണ് പ്രേക്ഷകര് പറയുന്നത്. എഐഎസ്എഫിന്റെ സ്റ്റേറ്റ് കമ്മിറ്റി മെമ്പര് കൂടിയായ നാദിറ പ്രസ്ഥാനത്തിന്റെ വനിതാവിഭാഗത്തിന്റെ സംസ്ഥാന ജോയിന്റെ കണ്വീനര് കൂടിയാണ്. ചരിത്രത്തില് ആദ്യമായാണ് ഇത്തരമൊരു വിദ്യാര്ത്ഥി പ്രസ്ഥാനത്തില് ഒരു ട്രാന്സ്ജെന്ഡര് തിരഞ്ഞെടുക്കപ്പെടുന്നത്. വെല്ലുവിളികളെ മറികടന്ന് ചരിത്രത്തില് തന്നെ തന്റെ പേര് അടയാളപ്പെടുത്തിയ നാദിറയുടെ ബിഗ് ബോസ് എന്ട്രിക്കായി കാത്തിരിക്കുകയാണ് മലയാളികള്.
ടെലിവിഷിന് പ്രേക്ഷകരുടെ പ്രിയ താരമാണ് ജോണ് ജേക്കബ്. ഡാന്സ് ഷോകളിലൂടെ ശ്രദ്ധിക്കപ്പെട്ട ജോണ് ജേക്കബ് ജഗപൊഗ എന്ന ചിത്രത്തിലൂടെയായിരുന്നു സിനിമയിലെത്തിയത്. പിന്നീട് നിരവധി സിനിമകളുടെ ഭാഗമായെങ്കിലും ഇപ്പോഴും ഡാന്സര് എന്ന നിലയില് തന്നെയാണ് ജോണിനെ ആളുകള്ക്ക് പരിചയം. ബിഗ് ബോസിന്റെ അഞ്ചാം സീസണില് മത്സാര്ത്ഥിയായി ജോണ് എത്തിയാല് ഭാര്യ ധന്യ മേരി വര്ഗീസിനെപ്പോലെ ശക്തനായ മത്സാര്ത്ഥിയായിരിക്കും താരമെന്നാണ് സോഷ്യല്മീഡിയ പറയുന്നത്.
ഇന്സ്റ്റഗ്രാമിലെ മിന്നും താരം അമല ഷാജിയും ബിഗ് ബോസ് മലയാളത്തിന്റെ അഞ്ചാം സീസണില് മത്സാര്ത്ഥിയായി എത്തുന്നുണ്ടെന്നാണ് റിപ്പോര്ട്ടുകള്. ഇന്സ്റ്റഗ്രാമില് 3.6 മില്യണ് ഫോളോവേഴ്സുള്ള അമലയ്ക്ക് കേരളത്തിലും തമിഴ്നാട്ടിലും നിരവധി ആരാധകരാണുള്ളത്. ഏഷ്യാനെറ്റിന്റെ ഏറ്റവുമൊടുവിലായി പുറത്തുവിട്ട പോസ്റ്ററില് അമല മത്സരാര്ത്ഥിയായി എത്തുന്നുവെന്ന തരത്തിലുള്ള സൂചനകളുമുണ്ടായിരുന്നു. ഇതിനു പിന്നാലെയായിരുന്നു അമല ഷാജിയും ബിഗ് ബോസിലേക്ക് എന്ന വാര്ത്തകള് വന്നത്.
വെബ് സീരിസുകളിലൂടെ തരംഗം തീര്ത്ത അഭിനേത്രിയും മോഡലുമായ അഞ്ജന മോഹനും ബിഗ് ബോസില് മത്സരാര്ത്ഥിയായി എത്തണമെന്നാണ് പ്രേക്ഷകര് പറയുന്നത്. നിരവധി വെബ് സീരിസുകളില് അഭിനയിച്ച അഞ്ജന മിസ് കേരള 2021 ആയിരുന്നു. നാന്സി, റൂം നമ്പര് 222 തുടങ്ങിയ വെബ് സീരിസുകളിലൂടെയാണ് അഞ്ജന സോഷ്യല് മീഡിയയില് ശ്രദ്ധിക്കപ്പെട്ടത്.
Continue with Google