Click it and Unblock the Notifications
സാന്ത്വനം മുതല് മൗനരാഗം വരെ ; 2021ലെ 5 സൂപ്പര്ഹിറ്റ് ടെലിവിഷന് സീരിയലുകള്
സിനിമ പോലെ തന്നെ ടെലിവിഷന് പരമ്പരകളും ശ്രദ്ധിക്കപ്പെട്ട വര്ഷം കൂടിയായിരുന്നു 2021. തിയറ്ററുകള് ഏറെ നാള് അടഞ്ഞുകിടക്കുകയും ഒടിടിയായി സിനിമകളുടെ റിലീസ് നടന്നപ്പോഴും നിരവധി പേരാണ് ടെലിവിഷന് സീരിയലുകളും ആസ്വദിക്കാന് തുടങ്ങിയത്. പിന്നീട് സോഷ്യല്മീഡിയകളില് നിരവധി സീരിയല് ചര്ച്ചകളും നടക്കുകയും ചെയ്തിരുന്നു. സാന്ത്വനം, മൗനരാഗം തുടങ്ങി 2021ല് ഹിറ്റ് ചാര്ട്ടുകളില് ഇടം പിടിച്ച അഞ്ച് ടെലിവിഷന് സീരിയലുകളിതാ.
ഉള്ളടക്ക പട്ടിക
ടെലിവിഷന് പ്രേക്ഷകര്ക്കിടയില് കുറഞ്ഞ സമയത്തിനുള്ളില് ഹിറ്റായി മാറിയ സീരിയലാണ് സാന്ത്വനം. ഏഷ്യാനെറ്റില് സംപ്രേഷണം ചെയ്ത സീരിയല് മിക്കപ്പോഴും ഹിറ്റ്ചാര്ട്ടുകളില് മുന്നില് തന്നെയാണ്. 2020 സെപ്തംബര് 21നാണ് സീരിയലിന്റെ ആദ്യ എപ്പിസോഡ് പ്രേക്ഷകരിലേക്കെത്തിയത്.
ഏഷ്യാനെറ്റില് തന്നെ സംപ്രേഷണം കുടുംബവിളക്കാണ് 2021ല് ഹിറ്റായ മറ്റൊരു ടെലിവിഷന് സീരിയല്. തന്മാത്ര എന്ന സിനിമയിലൂടെ പ്രിയപ്പെട്ട താരമായി മാറിയ മീര വാസുദേവ് പ്രധാന കഥാപാത്രമായി എത്തുന്ന സീരിയല് ശ്രീമോയി എന്ന ബംഗാളി സീരിയലിന്റെ പുനരാവിഷ്കരണമാണ്.
മേഘ്ന വിന്സെന്റും ഷാനവാസ് ഷാനുവും പ്രധാന കഥാപാത്രങ്ങളായി എത്തിയ മിസ്സിസ് ഹിറ്റ്ലറാണ് 2021ല് ഹിറ്റ് ചാര്ട്ടുകളില് ഇടം പിടിച്ച മറ്റൊരു സീരിയല്. ഗുദ്ദന് തുംസെ ന ഹോ പായേഗാ എന്ന ഹിന്ദി ടെലിവിഷന് സീരിയലിന്റെ റീമേക്കായ സീരിയല് സീ കേരളത്തിലാണ് സംപ്രേഷണം ചെയ്യുന്നത്.
കുറഞ്ഞ ദിവസങ്ങള്ക്കുള്ളില് ടെലിവിഷന് പ്രേക്ഷകര്ക്കിടയില് ശ്രദ്ധിക്കപ്പെട്ട മറ്റൊരു സീരിയലാണ് ഏഷ്യാനെറ്റില് സംപ്രേഷണം ചെയ്ത അമ്മയറിയാതെ. 2020 ജൂണ് 22നായിരുന്നു ആദ്യത്തെ എപ്പിസോഡ് പ്രേക്ഷകരിലേക്ക് എത്തിയത്.
2021ല് ടെലിവിഷന് പ്രേക്ഷകര്ക്കിടയില് ശ്രദ്ധിക്കപ്പെട്ട മറ്റൊരു സീരിയലാണ് ഏഷ്യനെറ്റില് സംപ്രേഷണം ചെയ്ത മൗനരാഗം. 2019 ഡിസംബര് 16നായിരുന്നു സീരിയലിന്റെ ആദ്യ എപ്പിസോഡ് ആരംഭിച്ചത്. തെലുങ്ക് സീരിയല് മൗനരാഗത്തിന്റെ റീമേക്കാണ് മൗനരാഗമായി മലയാളി പ്രേക്ഷകരിലേക്കെത്തിയത്.
Continue with Google