ഒറ്റ എപ്പിസോഡിന് 25 ലക്ഷം!പ്രതിഫലത്തില്‍ സിനിമാക്കാരെ പോലും പിന്നിലാക്കിയ ടിവി താരങ്ങള്‍

ഹിന്ദി ടെലിവിഷന്‍രംഗത്തെ പ്രശസ്ത അഭിനേത്രിയാണ് ദിവ്യങ്ക ത്രിപാഠി. ആകാശവാണിയിലെ അവതാരകയായിട്ടാണ് ദിവ്യങ്കയുടെ കരിയര്‍ ആരംഭിക്കുന്നത്. പിന്നാലെ താരം ടെലിഫിലിമിലൂടെ അഭിനയരംഗത്തേക്ക് കടന്നു. യേ ഹേ മൊഹബത്തീന്‍ എന്ന ടെലിവിഷന്‍ സീരിയലിലൂടെയാണ് ദിവ്യങ്ക ശ്രദ്ധിക്കപ്പെടുന്നത്. സീരിയലിലെ ഒരു എപ്പിസോഡിന് 80,000 മുതല്‍ 1 ലക്ഷം വരെയാണ് ദിവ്യങ്ക വാങ്ങുന്നത് എന്നാണ് റിപ്പോര്‍ട്ടുകള്‍. ലാലാ ഹര്‍ദൗള്‍ ആണ് ദിവ്യങ്കയുടെ ആദ്യ സിനിമ.

ഹിന്ദി ടെലിവിഷന്‍രംഗത്തെ ജനപ്രിയ നടിമാരിലൊരാളാണ് ഹിന ഖാന്‍. യേ റിഷ്താ ക്യാ കെഹ്ലതാ ഹേ എന്ന സീരിയലിലൂടെയാണ് ഹിന ടെലിവിഷന്‍ പ്രേക്ഷകര്‍ക്കിടയില്‍ ശ്രദ്ധിക്കപ്പെടുന്നത്. റിപ്പോര്‍ട്ടുകള്‍ പ്രകാരം സീരിയലുകളില്‍ അഭിനയിക്കുന്നതിന് എപ്പിസോഡിന് 1 ലക്ഷം മുതല്‍ 25 ലക്ഷം വരെയാണ് ഹിന പ്രതിഫലമായി വാങ്ങിക്കുന്നത്. സീരിയലുകള്‍ക്ക് പുറമെ വെബ് സീരിസ്, റിയാലിറ്റി ഷോ, മ്യൂസിക് വീഡിയോ, സിനിമ എന്നിവയിലെല്ലാം സജീവമാണ് ഹിന ഖാന്‍.  

ഹിന്ദി ടെലിവിഷന്‍രംഗത്ത് ഏറ്റവും കൂടുതല്‍ പ്രതിഫലം വാങ്ങുന്ന നടിമാരിലൊരാളാണ് അങ്കിത ലോഖണ്ഡേ. സീ ടിവിയില്‍ സംപ്രേഷണം ചെയ്ത പവിത്ര റിഷ്ട എന്ന സീരിയലിലൂടെയാണ് അങ്കിത ശ്രദ്ധിക്കപ്പെടുന്നത്. 2009ല്‍ സംപ്രേഷണം ആരംഭിച്ച സീരിയല്‍ 2014വരെ സീ ടിവിയില്‍ സംപ്രേഷണം ചെയ്തിരുന്നു. സീരിയലുകളില്‍ അഭിനയിക്കുന്നതിന് ഒരു എപ്പിസോഡിന് 90,000 മുതല്‍ 5 ലക്ഷം വരെയാണ് അങ്കിത പ്രതിഫലമായി വാങ്ങുന്നത്. സീരിയലുകള്‍ക്ക് പുറമെ സിനിമകളിലും അങ്കിത അഭിനയിച്ചിട്ടുണ്ട്. 2019ല്‍ പുറത്തിറങ്ങിയ മണികര്‍ണികയാണ് അഭിനയിച്ച ആദ്യ സിനിമ.  

അദാലത്ത് എന്ന ടെലിവിഷന്‍ പരമ്പരയിലൂടെ ജനപ്രിയ നടനായി മാറിയ താരമാണ് റോണിത് റോയ്. ഇന്ത്യന്‍ ടെലിവിഷനിലെ അമിതാഭ് ബച്ചന്‍ എന്ന പേരിലാണ് റോണിത് അറിയപ്പെടുന്നത്. പുറത്ത് വരുന്ന റിപ്പോര്‍ട്ടുകള്‍ പ്രകാരം ഒരു എപ്പിസോഡിനായി 1.25 ലക്ഷമാണ് റോണിത് പ്രതിഫലമായി വാങ്ങുന്നത്. കൂടാതെ മാസത്തില്‍ 15 ദിവസം മാത്രമാണ് റോണിത് ജോലി ചെയ്യാന്‍ ഇഷ്ടം.  

നീതി എന്ന സീരിയലിലൂടെയായിരുന്നു റാം കപൂര്‍ ടെലിവിഷന്‍ രംഗത്തേക്ക് അരങ്ങേറ്റം കുറിക്കുന്നത്. പിന്നാലെ ഹീന, സംഘര്‍ഷ്, കവിത തുടങ്ങിയ സീരിയലുകളിലൂടെ റാം സീരീയല്‍രംഗത്ത് സജീവമായി. നിലവില്‍ സീരിയലുകളിലെ ഒരു എപ്പിസോഡിന് 1.25 ലക്ഷമാണ് താരം പ്രതിഫലമായി വാങ്ങുന്നത്.  

ദേവോണ്‍ കെ ദേവ്- മഹാദേവ് എന്ന സൂപ്പര്‍ഹിറ്റ് സീരിയലിലൂടെ ലക്ഷക്കണക്കിന് ആരാധകരെ ഉണ്ടാക്കിയെടുത്ത നടനാണ് മോഹിത് റെയ്‌ന. 2011ല്‍ സംപ്രേഷണം ആരംഭിച്ച സീരിയല്‍ ഏതാണ്ട് 820 എപ്പിസോഡുകള്‍ പിന്നിട്ടാണ് 2014ല്‍ സംപ്രേഷണം അവസാനിപ്പിച്ചത്. റിപ്പോര്‍ട്ടുകള്‍ സത്യമാണെങ്കില്‍ സീരിയലുകളില്‍ അഭിനയിക്കുന്നതിന് ഒരു എപ്പിസോഡിന് 1 ലക്ഷം വീതമാണ് മോഹിത് റെയ്‌ന പ്രതിഫലമായി വാങ്ങുന്നത്.  

ടെലിവിഷന്‍ രംഗത്തെ ജനപ്രിയ നടിയാണ് സാക്ഷി തന്‍വാര്‍. കഹാനി ഘര്‍ ഘര്‍ കിയിലെ പാര്‍വതി അഗര്‍വാളിലൂടെയാണ് സാക്ഷി ശ്രദ്ധിക്കപ്പെടുന്നത്. സീരീയലുകള്‍ക്കൊപ്പം സിനിമയിലും സജീവമായ സാക്ഷി സീരിയലില്‍ അഭിനയിക്കുന്നതിന് 80,000 രൂപയാണ് പ്രതിഫലമായി വാങ്ങുന്നത്.