Click it and Unblock the Notifications
താരപദത്തിൽ നിന്നും മറവിയിലേക്ക്! പാതി വഴിയിൽ തകർന്ന 5 മ്യൂസിക് ബാൻ്റുകൾ
ലോകം മുഴുവന് തരംഗം തീര്ത്ത സംഗീത ബാന്ഡുകളിലൊന്നായിരുന്നു ബിടിഎസ്. എന്നാല് ലക്ഷക്കണക്കിന് വരുന്ന ആരാധകരെയെല്ലാം ഞെട്ടിച്ചുകൊണ്ടായിരുന്നു ബിടിഎസ് നീണ്ട ഇടവേള പ്രഖ്യാപിച്ചത്. ബാന്ഡിനു പകരം വ്യക്തിഗത കരിയര് പിന്തുടരുന്നതിനുവേണ്ടിയായിരുന്നു അത്തരമൊരു ഇടവേള ബാന്ഡ് എടുത്തത്. ബിടിഎസ് പോലെ പ്രശസ്തിയില് നില്ക്കുമ്പോള് പാതിയില് തകര്ന്നടിഞ്ഞ 5 മ്യൂസിക് ബാന്ഡുകളിതാ.
ഉള്ളടക്ക പട്ടിക
തോമസ് ബങ്കല്റ്ററും ഗയ് മാനുവലും ചേര്ന്ന് രൂപികരിച്ച സംഗീത ബാന്ഡാണ് ഡഫ്റ്റ് പങ്ക്. 28 വര്ഷത്തിലധികം സംഗീത ലോകത്ത് നിറഞ്ഞുനിന്ന ബാന്ഡ് 2021ലാണ് പിരിഞ്ഞത്. എപ്പിലോഗ് എന്ന പേരില് പുറത്തിറങ്ങിയ ഇവരുടെ വിടപറയല് ഗാനം സോഷ്യല്മീഡിയയില് വൈറലായിരുന്നു.
ലണ്ടന് ആസ്ഥാനമായി രൂപികരിച്ച ഇംഗ്ലീഷ് - ഐറിഷ് പോപ്പ് സംഗീത ബാന്ഡാണ് വൺ ഡിറക്ഷൻ. ലിയൻ പെയ്ൻ, ഹാരി സ്റ്റൈൽസ്, നിയൽ ഹൊറൻ, സെയ്ൻ മാലിക്, ലൂയിസ് ടോംലിൻസൺ എന്നിങ്ങനെ 5 പേരടങ്ങുന്നതാണ് ബാന്ഡ്. ലോകമെമ്പാടും ആരാധകരുള്ള ബാന്ഡിന്റെ അവസാന പരിപാടി 2016ലായിരുന്നു.
ഇംഗ്ലണ്ടില് രൂപികരിച്ച സംഗീത ബാന്ഡാണ് പിങ്ക് ഫ്ലോയ്ഡ്. നിക്ക് മാസൺ,സിഡ് ബാരറ്റ് ,റിച്ചാർഡ് റൈറ്റ്, റോജർ വാട്ടേഴ്സ്, എന്നിവര് ചേര്ന്നാണ് ബാന്ഡ് രൂപികരിച്ചത്. സംഗീത ചരിത്രത്തിലെ ഏറ്റവും മികച്ച ബാന്ഡുകളിലൊന്നായ പിങ്ക് ഫ്ലോയ്ഡ് പക്ഷേ വര്ഷങ്ങള്ക്കുശേഷം പിരിഞ്ഞിരുന്നു.
1960ല് ലിവര്പൂളില് രൂപികരിച്ച ബാന്ഡാണ് ദി ബീറ്റിൽസ്. ബീറ്റില്മാനിയ എന്ന പേരില് അറിയപ്പെട്ട ബാന്ഡില് ജോണ് ലെനന്, ജോര്ജ്ജ് ഹാരിസണ്, പോള് മക്കാര്ട്ട്നി, റിംഗോ സ്റ്റാര് എന്നിവരായിരുന്നു അംഗങ്ങള്. 1966 ആഗസ്ത് 29നായിരുന്നു ബാന്ഡിന്റെ അവസാന പരിപാടി.
1994ല് ബ്രിട്ടനില് സ്ഥാപിതമായ ബാന്ഡാണ് ഗേള്സ് പോപ്പ് ബാന്ഡാണ് സ്പൈസ് ഗേള്സ്. പ്രശസ്തിയില് നില്ക്കുന്ന സമയത്തായിരുന്നു ബാന്ഡ് 2000ത്തില് ഔദ്യോഗികമായി പിരിഞ്ഞത്. എന്നാല് 2012ല് ലണ്ടനില് നടന്ന ഒളിംപിക്സ് സമാപന ചടങ്ങളില് ബാന്ഡ് അവസാനമായി ഒരുമിച്ചിരുന്നു.
Continue with Google