മലയാളത്തിന്റെ അഭിമാനം! മണിരത്‌നം സിനിമകളില്‍ അഭിനയിച്ച മലയാളത്തിലെ പ്രശസ്ത താരങ്ങള്‍

മണിരത്‌നം സംവിധാനം ചെയ്ത 'ഇരുവര്‍' എന്ന ക്ലാസിക് ചിത്രത്തില്‍ എംജിആറായി മോഹന്‍ലാല്‍ എത്തിയപ്പോള്‍ കരുണാനിധിയായി എത്തിയത് പ്രകാശ് രാജായിരുന്നു. ഐശ്വര്യ റായ്, നാസര്‍, ഗൗതമി, രേവതി, തബു എന്നിവരായിരുന്നു ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ചത്‌.  

മണിരത്‌നം സംവിധാനം ചെയ്ത ദളപതി എന്ന ചിത്രത്തില്‍ മമ്മൂട്ടി അവതരിപ്പിച്ച ദേവ ഇന്നും പ്രേക്ഷകരുടെ ഇഷ്ട കഥാപാത്രങ്ങളിലൊന്നാണ്. രജനീകാന്തും മമ്മൂട്ടിയും മത്സരിച്ചഭിനയിച്ച ചിത്രം സിനിമാപ്രേമികളുടെ എക്കാലത്തെയും പ്രിയപ്പെട്ട സിനിമകളിലൊന്നു കൂടിയാണ്‌.  

മണിരത്‌നം സംവിധാനം ചെയ്ത 'മൗന രാഗം' എന്ന ചിത്രത്തില്‍ മോഹന്‍, രേവതി, കാര്‍ത്തിക്  എന്നിവരായിരുന്നു പ്രധാന കഥാപാത്രങ്ങളെ അവതരിപ്പിച്ചത്‌. നിരവധി പുരസ്‌ക്കാരങ്ങള്‍ ലഭിച്ച ചിത്രം മണിരത്‌നം എന്ന സംവിധായകന്റെ മികച്ച ചിത്രങ്ങളിലൊന്നു കൂടിയാണ്.    

ദുല്‍ഖര്‍ സല്‍മാന്‍, നിത്യ മേനോന്‍ എന്നിവരെ പ്രധാന കഥാപാത്രങ്ങളാക്കി മണിരത്‌നം സംവിധാനം ചെയ്ത ചിത്രമാണ് ഓകെ കണ്മണി. 2015ല്‍ പുറത്തിറങ്ങിയ ചിത്രം ഇന്നും സിനിമാപ്രേമികളുടെ ഇഷ്ടചിത്രങ്ങളിലൊന്നാണ്.  

മണിരത്‌നം സംവിധാനം ചെയ്ത ദളപതി എന്ന ചിത്രത്തില്‍ മെഗാസ്റ്റാര്‍ മമ്മൂട്ടിക്കൊപ്പം തന്നെ മികച്ച കഥാപാത്രത്തെയായിരുന്നു ശോഭന അവതരിപ്പിച്ചത്. തമിഴ്‌നാട്ടിലെന്ന പോലെ കേരളത്തിലും സിനിമ വലിയ രീതിയില്‍ ശ്രദ്ധിക്കപ്പെടുകയും ചെയ്തിരുന്നു.