രേവതി

ജീവചരിത്രം:  ഇന്ത്യന്‍ ചലച്ചിത്ര അഭിനേത്രിയും സംവിധായകയുമാണ് രേവതി. 1966 ജൂലൈ 8ന് കൊച്ചിയില്‍ ജനിച്ചു. ആശാ കേളുണ്ണി എന്നാണ് യഥാര്‍ത്ഥ പേര്.തമിഴ്, തെലുങ്ക്, മലയാളം, ഹിന്ദി, എന്നീ ഭാഷകളില്‍  അഭിനയിച്ചിട്ടുണ്ട്.ഭരതന്‍ സംവിധാനം ചെയ്ത കാറ്റത്തെകിളിക്കൂട് എന്ന ചിത്രത്തിലാണ് ആദ്യമായി അഭിനയിച്ചത്.20 വര്‍ഷത്തിലധികം ചലച്ചിത്രമേഖലയില്‍ പ്രവര്‍ത്തന പരിചയമുള്ള രേവതിക്ക് അഞ്ച് പ്രാവശ്യം മികച്ച നടിക്കുള്ള ഫിലിംഫെയര്‍ അവാര്‍ഡ് ലഭിച്ചിട്ടുണ്ട്.1992ല്‍ തേവര്‍ മതന്‍ എന്ന തമിഴ് ചിത്രത്തിലെ അഭിനയത്തിന് മികച്ച സഹനടിക്കുള്ള ദേശീയ പുരസ്‌ക്കാരം ലഭിച്ചിട്ടുണ്ട്.2002ല്‍  മിത്ര് എന്ന ചിത്രം സംവിധാനം ചെയ്തു. 2004ല്‍  ഫിര്‍ മിലോംഗെ എന്ന ചിത്രം സംവിധാനം ചെയ്തു.1988ല്‍  സുരേഷ് മേനോനെ വിവാഹം ചെയ്തു. എന്നാല്‍ 2002ല്‍ വിവാഹമോചനം നേടി. അവാര്‍ഡുകള്‍ അഞ്ച് പ്രാവശ്യം മികച്ച നടിക്കുള്ള ഫിലിംഫെയര്‍ അവാര്‍ഡ് ലഭിച്ചിട്ടുണ്ട് 1992- മികച്ച സഹനടിക്കുള്ള ദേശീയ പുരസ്‌ക്കാരം - തേവര്‍ മകന്‍  സംസ്ഥാന ചലച്ചിത്ര അവാര്‍ഡ് 2022 - മികച്ച നടി (ഭൂതകാലം)