മതത്തെ ജയിക്കുന്ന പ്രണയം; ബോളിവുഡിലെ ഹിന്ദു-മുസ്ലീം പ്രണയ ജോഡികള്‍

അമൃത സിംഗുമായുള്ള വിവാഹമോചനത്തിനു പിന്നാലെയായിരുന്നു സെയ്ഫ് അലി ഖാന്‍ കരീന കപൂറിനെ വിവാഹം കഴിക്കുന്നത്. 1991ല്‍ വിവാഹിതരായ അമൃതയും സെയിഫും 2004ലായിരുന്നു വേര്‍പിരിയുന്നത്. നടി റോസ കാറ്റലാനോയുമായുള്ള സെയിഫിന്റെ ബന്ധം അറിഞ്ഞതോടെയാണ് അമൃത വിവാഹ മോചനത്തിന് തയ്യാറായതെന്നാണ് റിപ്പോര്‍ട്ടുകള്‍. എന്നിരുന്നാലും രണ്ടാം വിവാഹത്തിന് ശേഷം കരീനയ്ക്കും മക്കള്‍ക്കുമൊപ്പം സന്തോഷത്തോടെ ജീവിക്കുകയാണ് സെയ്ഫ്.  

ബോളിവുഡിലെ മാതൃക ദമ്പതികളാണ് ഷാരൂഖ് ഖാനും ഗൗരി ഖാനും. ഏറെ നാളത്തെ പ്രണയത്തിനു ശേഷം 1991ലായിരുന്നു ബോളിവുഡ് കണ്ട ഏറ്റവും വലിയ രാജകീയ വിവാഹം. വിവാഹശേഷം പെരുന്നാളും പൂജകളുമെല്ലാം ഒത്തൊരുമിച്ചാണ് താര കുടുംബം ആഘോഷിക്കുന്നത്. പലപ്പോഴും മക്കള്‍ക്കൊപ്പം ദീപാവലി പോലുള്ള വിശേഷ ദിവസങ്ങള്‍ ആഘോഷിക്കുന്ന ചിത്രങ്ങള്‍ ഷാരൂഖ് സോഷ്യല്‍മീഡിയയില്‍ പങ്കുവെക്കാറുണ്ട്.  

1991ലായിരുന്നു സുനില്‍ ഷെട്ടിയും മന ഷെട്ടിയും തമ്മിലുള്ള വിവാഹം. ആര്‍ക്കിടെക്റ്റ്, ബിസിനസ് വുമണ്‍, സാമൂഹിക പ്രവര്‍ത്തക എന്നീ നിലകളിലെല്ലാം പ്രശസ്തയാണ് മന ഷെട്ടി. മുസ്ലീം ആചാരങ്ങളും ഹിന്ദു ആചാരങ്ങളുമെല്ലാം എപ്പോഴും ഒരുമിച്ചാണ് താരങ്ങള്‍ ആഘോഷിക്കുന്നത്.  

2000ത്തിലായിരുന്നു ഹൃത്വിക് റോഷനും സൂസെയ്‌നും വിവാഹിതരായത്. എന്നാല്‍ ദാമ്പത്യത്തില്‍ പ്രശ്‌നങ്ങള്‍ തുടര്‍ന്നതോടെ ഇരുവരും 2014ല്‍ വേര്‍പിരിയുകയായിരുന്നു. സബ ആസാദുമായുള്ള ഹൃത്വിക് റോഷന്റെ പ്രണയമാണ് വിവാഹമോചനത്തിന് കാരണമായതെന്നാണ് റിപ്പോര്‍ട്ടുകള്‍. എന്നിരുന്നാലും വേര്‍പിരിഞ്ഞിട്ടും നല്ല സുഹൃത്തുക്കളായി തുടരുകയാണ് ഹൃത്വികും സബയും.  

നീണ്ട ഏഴ് വര്‍ഷത്തെ പ്രണയത്തിനുശേഷം 2022ലായിരുന്നു റിച്ച ഛദ്ദയും അലി ഫസലും വിവാഹിതരായത്. ഫുക്രെ എന്ന സിനിമയുടെ ഷൂട്ടിനിടെയായിരുന്നു ഇരുവരും പ്രണയത്തിലാവുന്നത്. അലി ഫസലായിരുന്നു റിച്ചയോട് പ്രണയം തുറന്നു പറഞ്ഞത്.