15 കോടിയുടെ വീട്! ഇത് വീടോ കൊട്ടാരമോ? വിജയ് ദേവരകൊണ്ടയുടെ രാജകീയ ജീവിതം

ഹൈദരാബാദിലാണ് വിജയ് ദേവരകൊണ്ടയുടെ സ്വപ്‌ന ഭവനം. വിശാലമായ മുറികളാണ് വീടിന്റെ പ്രധാന സവിശേഷത. എല്ലാ മുറികള്‍ക്കും തൂവെള്ള നിറത്തിലുള്ള പെയിന്റാണ് താരം നല്‍കിയിരിക്കുന്നത്. ഹൈദരാബാദിലെ ജൂബിലി ഹില്‍സിലാണ് വിജയിയുടെ വീട്. അടുത്ത ബന്ധുക്കളും സുഹൃത്തുക്കളും മാത്രമായിരുന്നു ഗൃഹപ്രവേശനത്തില്‍ പങ്കെടുത്തത്.  

ഏതാണ്ട് 15 കോടിയാണ് വിജയ് ദേവരകൊണ്ടയുടെ വീടിന്റെ വില. മോഡേണ്‍ രീതിയിലുള്ള ഇന്റീരിയറാണ് വീടിന് ചെയ്തിരിക്കുന്നത്. വിശാലമായ ബാല്‍ക്കണിയാണ് വീടിന്റെ മറ്റൊരു സവിശേഷത. വലിയ തടിയില്‍ തീര്‍ത്ത വാതിലുകളും നിറയെ ചെടികളുമുള്ള വിജയിയുടെ വീടിന്റെ ചിത്രങ്ങള്‍ സോഷ്യല്‍മീഡിയയില്‍ വൈറലായിരുന്നു.  

15 കോടി വില വരുന്ന വീട്ടില്‍ വിശാലമായ പൂന്തോട്ടമാണ് വിജയ് ഒരുക്കിയിരിക്കുന്നത്. വലിയ മരങ്ങളും പൂക്കളും നിറഞ്ഞ പൂന്തോട്ടത്തിലിരിക്കുന്ന ചിത്രങ്ങള്‍ താരം തന്നെ സോഷ്യല്‍മീഡിയില്‍ പങ്കുവച്ചിരുന്നു. ചാര നിറത്തിലുള്ള വലിയ സോഫകളാണ് വീടിന്റെ മറ്റൊരു പ്രത്യേകത.  

ഹൈദരാബീദിലെ പോഷ് ഏരിയകളിലൊന്നാണ് ജൂബിലി ഹില്‍സ്. മഹേഷ് ബാബു, പ്രഭാസ്, സാമന്ത, അല്ലു അര്‍ജുന്‍ തുടങ്ങിയ താരങ്ങള്‍ക്കൊക്കെ ഇവിടെ വീടുകളുണ്ട്. ഏതാണ്ട് 100 കോടി വില മതിക്കുന്നതാണ് അല്ലു അര്‍ജുന്റെ വീട്. ജൂബിലി ഹില്‍സിലുള്ള പ്രഭാസിന്റെ വീടിന്റെ ഏകദേശ വില 60 കോടിയാണ്‌.