ಬಿಗ್‌ಬಾಸ್‌ನಿಂದ ಸಿಕ್ಕ ಜನಪ್ರಿಯತೆಯನ್ನು ಉತ್ತಮವಾಗಿ ಬಳಸಿಕೊಂಡ ಸ್ಪರ್ಧಿಗಳಿವರು!

ತಮ್ಮ ಅದ್ಭುತ ಕಂಠದಿಂದಲೇ ಸೋಶಿಯಲ್ ಮೀಡಿಯಾ ಮೂಲಕ ಜನರಿಗೆ ಹತ್ತಿರವಾಗಿದ್ದ ಶಮಂತ್ ಬ್ರೋ ಗೌಡ, ಬಿಗ್‌ಬಾಸ್‌ ಸೀಸನ್ ೮ರಲ್ಲಿ ಸ್ಪರ್ಧಿಸಿದ್ದರು. ಬಿಗ್‌ಬಾಸ್ ಮನೆಯಲ್ಲಿ ತಮ್ಮ ಹಾಡುಗಳ ಮೂಲಕ ವೀಕ್ಷಕರನ್ನು ರಂಜಿಸಿದ್ದರು. ದೊಡ್ಮನೆಯಿಂದ ಹೊರಬಂದ ಬಳಿಕ 'ಲಕ್ಷ್ಮೀ ಬಾರಮ್ಮ' ಸೀರಿಯಲ್‌ನಲ್ಲಿ ಅಭಿನಯಿಸುವ ಅವಕಾಶ ಪಡೆದರು. ಈ ಸೀರಿಯಲ್‌ನಲ್ಲಿ ವೈಷ್ಣವ್ ಎಂಬ ಪಾತ್ರಕ್ಕೆ ಬಣ್ಣಹಚ್ಚಿರುವ ಶಮಂತ್, ಸದ್ಯ ವೈಷ್ಣವ್ ಅಂತಲೇ ಜನಪ್ರಿಯತೆ ಗಳಿಸಿದ್ದಾರೆ. ಅಷ್ಟರಮಟ್ಟಿಗೆ ಅವರ ಪಾತ್ರ ಜನಪ್ರಿಯವಾಗಿದೆ. 

ನಟಿ ದಿವ್ಯಾ ಸುರೇಶ್ ಅವರು ಬಿಗ್‌ಬಾಸ್‌ ಸೀಸನ್ 8ರಲ್ಲಿ ಭಾಗವಹಿಸುವುದಕ್ಕೂ ಮುನ್ನ ಕೆಲ ಸಿನಿಮಾಗಳಲ್ಲಿ ನಟಿಸಿದ್ದರೂ ಕೂಡ ಅಷ್ಟೊಂದು ಜನಪ್ರಿಯತೆ ಗಳಿಸಿರಲಿಲ್ಲ. ಬಿಗ್‌ಬಾಸ್ ಬಳಿಕ ಅವರಿಗೆ ಹೆಚ್ಚು ಜನಪ್ರಿಯತೆ ಸಿಕ್ಕಿತು. ಬಳಿಕ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾದ 'ತ್ರಿಪುರ ಸುಂದರಿ' ಎಂಬ ಧಾರಾವಾಹಿಯಲ್ಲಿ ನಟಿಸುವ ಅವಕಾಶ ಪಡೆದರು. ಸದ್ಯ ಪರಭಾಷಾ ಧಾರಾವಾಹಿಗಳಲ್ಲಿ ಮಿಂಚುತ್ತಿದ್ದಾರೆ. 

ಬಿಗ್‌ಬಾಸ್ ಮನೆಗೆ ಕಾಲಿಡುವುದಕ್ಕೂ ಮುನ್ನ  ನಿವೇದಿತಾ ಗೌಡ ಯಾರೆಂಬುದಿ ಗೊತ್ತಿರಲಿಲ್ಲ. ಬಿಗ್‌ಬಾಸ್ ಸೀಸನ್ 5ರ ಸ್ಪರ್ಧಿಯಾಗಿ ಎಂಟ್ರಿಕೊಟ್ಟ ನಿವೇದಿತಾ, ಅಲ್ಲಿಂದ ಹೊರಬಂದ ಮೇಲೆ ರಾಜರಾಣಿ, ಕಾಮಿಡಿ ಕಂಪನಿ, ಗಿಚ್ಚಿ ಗಿಲಿಗಿಲಿ ಸೇರಿದಂತೆ ಹಲವು ರಿಯಾಲಿಟಿ ಶೋ ಮೂಲಕ ಮನೆಮಾತಾದರು. ಜೊತೆಗೆ ಗಿಚ್ಚಿ ಗಿಲಿಗಿಲಿ ರಿಯಾಲಿಟಿ ಶೋನ ರನ್ನರ್ ಅಪ್ ಆದರು. ಸದ್ಯ ಕನ್ನಡ ಹಾಗೂ ತಮಿಳು ಸಿನಿಮಾಗಳಲ್ಲಿ ಮಿಂಚುತ್ತಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲೂ ಇವರಿಗೆ ಸಾಕಷ್ಟು ಫಾಲೋವರ್ಸ್ ಇದ್ದಾರೆ.  

ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದ್ದ ರಘು ವೈನ್ ಸ್ಟೋರ್ ಬಿಗ್‌ಬಾಸ್‌ ಸೀಸನ್ ೮ರ ಮೂಲಕ ಸಾಕಷ್ಟು ಜನಪ್ರಿಯತೆ ಗಳಿಸಿದರು. ದೊಡ್ಮನೆಯಿಂದ ಹೊರಬಂದ ಬಳಿಕ ರಘು ಮತ್ತು ಅವರ ಪತ್ನಿ ಹಲವು ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿ ಸೈ ಎನಿಸಿಕೊಂಡಿದ್ದಾರೆ. ಅಲ್ಲದೇ ಸೋಶಿಯಲ್ ಮೀಡಿಯಾದಲ್ಲೂ ಸಾಕಷ್ಟು ಅಭಿಮಾನಿಗಳಿನ್ನು ಹೊಂದಿದ್ದಾರೆ. 

ಕನ್ನಡ ರ್ಯಾಪರ್ ಚಂದನ್ ಶೆಟ್ಟಿ ಅವರ ಪ್ರತಿಭೆಗೆ ಬಿಗ್‌ಬಾಸ್ ಸೀಸನ್ 5 ಒಳ್ಳೆಯ ವೇದಿಕೆಯಾಯಿತು. ದೊಡ್ಮನೆಯಲ್ಲಿ ಚಂದನ್ ಸ್ಪಾಟ್‌ನಲ್ಲೇ ಸೃಷ್ಟಿಸಿದ ಹಲವು ಹಾಡುಗಳು ಇಂದಿಗೂ ಜನಪ್ರಿಯ. ಬಿಗ್‌ಬಾಸ್ ಟ್ರೋಫಿ ಗೆದ್ದ ಮೇಲೆ ಚಂದನ್ ಹಲವು ಸಿನಿಮಾಗಳು ಹಾಗೂ ಶೋಗಳಲ್ಲಿ ಬ್ಯುಸಿಯಾದರು.  

ಬಿಗ್‌ಬಾಸ್‌ ಕನ್ನಡಕ್ಕೆ ಬರುವ ಮುನ್ನ ಒಳ್ಳೆ ಹುಡುಗ ಪ್ರಥಮ್ ಯಾರೆಂದು ಕನ್ನಡಿಗರಿಗೆ ತಿಳಿದಿರಲಿಲ್ಲ. ಬಿಗ್‌ಬಾಸ್‌ ಸೀಸನ್ ೪ಕ್ಕೆ ಎಂಟ್ರಿಕೊಟ್ಟಿದ್ದ ಪ್ರಥಮ್‌, ಟ್ರೋಫಿ ಕೂಡ ಗೆದ್ದಿದ್ದರು. ದೊಡ್ಮನೆಯಿಂದ ಹೊರಬಂದ ಬಳಿಕ ಪ್ರಥಮ್ ಸ್ಯಾಂಡಲ್‌ವುಡ್‌ ನಟನಾಗಿ ಮಿಂಚುತ್ತಿದ್ದಾರೆ. ಇವರಿಗೆ ಆರನೇ ತರಗತಿಯಿಂದಲೇ ಸಿನಿಮಾ ನಿರ್ದೇಶಕನಾಗುವ ಬಯಕೆ ಇತ್ತಂತೆ. ಬಿಗ್‌ಬಾಸ್‌ ಬಳಿಕ ತಮ್ಮ ಆಸೆ ನೆರವೇರಿಸಿಕೊಂಡರು. ಪ್ರಥಮ್  'ದೇವ್ರನ್ನೆ ಬುಡು ಗುರು' ಕನ್ನಡ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ. ಸದ್ಯ ಅವರು ನಾಯಕನಾಗಿ ಹಲವು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. 

ಬಿಗ್‌ಬಾಸ್‌ ಕನ್ನಡಕ್ಕೆ ಬರುವ ಮುನ್ನ ಒಳ್ಳೆ ಹುಡುಗ ಪ್ರಥಮ್ ಯಾರೆಂದು ಕನ್ನಡಿಗರಿಗೆ ತಿಳಿದಿರಲಿಲ್ಲ. ಬಿಗ್‌ಬಾಸ್‌ ಸೀಸನ್ ೪ಕ್ಕೆ ಎಂಟ್ರಿಕೊಟ್ಟಿದ್ದ ಪ್ರಥಮ್‌, ಟ್ರೋಫಿ ಕೂಡ ಗೆದ್ದಿದ್ದರು. ದೊಡ್ಮನೆಯಿಂದ ಹೊರಬಂದ ಬಳಿಕ ಪ್ರಥಮ್ ಸ್ಯಾಂಡಲ್‌ವುಡ್‌ ನಟನಾಗಿ ಮಿಂಚುತ್ತಿದ್ದಾರೆ. ಇವರಿಗೆ ಆರನೇ ತರಗತಿಯಿಂದಲೇ ಸಿನಿಮಾ ನಿರ್ದೇಶಕನಾಗುವ ಬಯಕೆ ಇತ್ತಂತೆ. ಬಿಗ್‌ಬಾಸ್‌ ಬಳಿಕ ತಮ್ಮ ಆಸೆ ನೆರವೇರಿಸಿಕೊಂಡರು. ಪ್ರಥಮ್  'ದೇವ್ರನ್ನೆ ಬುಡು ಗುರು' ಕನ್ನಡ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ. ಸದ್ಯ ಅವರು ನಾಯಕನಾಗಿ ಹಲವು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.