Click it and Unblock the Notifications
കൗതുകം ലേശം കൂടുതലാ! 2022 ൽ ഏറ്റവും കൂടുതൽ തിരഞ്ഞ സിനിമകൾ
ഇന്ത്യയൊട്ടാകെ ഹിറ്റായി മാറിയ മിന്നല് മുരളി റിലീസായി ഒരു വര്ഷം കഴിഞ്ഞിട്ടും ഇപ്പോഴും ചിത്രത്തെക്കുറിച്ചുള്ള ചര്ച്ചകള് അവസാനിച്ചിട്ടില്ല. ബേസില് ജോസഫ്- ടൊവീനോ തോമസ് കൂട്ടുക്കെട്ടില് പുറത്തിറങ്ങിയ ചിത്രത്തിന് ആദ്യ ദിനം മുതല് ഏതാണ്ട് ഒരു മാസം വരെ ഹൗസ്ഫുള് ഷോകളായിരുന്നു. ചിത്രത്തിന്റെ വിശേഷങ്ങളറിയാന് ഗൂഗിളില് ആളുകള് ഇപ്പോഴും സെര്ച്ച് ചെയ്തുകൊണ്ടിരിക്കുകയാണ്. സൈമയുടെ(SIIMA) റിപ്പോര്ട്ട് പ്രകാരം മിന്നല് മുരളി പോലെ 2022ല് ഗൂഗിളില് പ്രേക്ഷകര് ഏറ്റവും കൂടുതല് തിരഞ്ഞ 4 ചിത്രങ്ങളിതാ.
ഉള്ളടക്ക പട്ടിക
പ്രഖ്യാപനം മുതല് പ്രേക്ഷകര് ആഘോഷമാക്കിയ വിനീത് ശ്രീനിവാസന് ചിത്രമായിരുന്നു ഹൃദയം. പ്രണവ് മോഹന്ലാല്, കല്യാണി പ്രിയദര്ശന്, ദര്ശന രാജേന്ദ്രന് തുടങ്ങിയവര് പ്രധാന കഥാപാത്രമായി എത്തിയ ചിത്രത്തിന് 2022ലെ മികച്ച ജനപ്രിയ ചിത്രത്തിനുള്ള കേരള സംസ്ഥാന ചലച്ചിത്ര അവാര്ഡും ലഭിച്ചിരുന്നു.
2022ലെ ബോക്സോഫീസ് ഹിറ്റുകളിലൊന്നാണ് മമ്മൂട്ടി നായകനായി എത്തിയ ഭീഷ്മ പര്വ്വം. മൈക്കിള് എന്ന കഥാപാത്രമായി മെഗാസ്റ്റാര് നിറഞ്ഞാടിയ ചിത്രം സംവിധാനം ചെയ്തിരിക്കുന്നത് അമല് നീരദാണ്.
2022ല് പ്രേക്ഷകര് ചര്ച്ച ചെയ്ത ചിത്രമാണ് പൃഥ്വിരാജ് നായകനായി എത്തിയ ജന ഗണ മന. ചിത്രത്തിന്റെ ടീസര് റിലീസിനു പിന്നാലെ ചിത്രത്തിലെ ഡയലോഗുകളും സോഷ്യല്മീഡിയയില് വൈറലായിരുന്നു.
മലയാള സിനിമയുടെ അഭിമാനം വാനോളമുയര്ത്തിയ ചിത്രമായിരുന്നു ബേസില് ജോസഫ് - ടൊവീനോ കൂട്ടുക്കെട്ടില് പുറത്തിറങ്ങിയ മിന്നല് മുരളി. ഇന്ത്യയൊട്ടാകെ ഹിറ്റായി മാറിയ ചിത്രം 2022ല് ആളുകള് ഏറ്റവും കൂടുതല് ഗൂഗിളില് തിരഞ്ഞ ചിത്രം കൂടിയാണ്.
2022ല് പുറത്തിറങ്ങിയ ഒരു പക്കാ മാസ് ആക്ഷന് എന്റര്ടെയിനറായിരുന്നു പൃഥ്വിരാജ് നായകനായി എത്തിയ കടുവ. പൃഥ്വിരാജിന്റെ കരിയറിലെ തന്നെ ഏറ്റവും മികച്ച ഓപ്പണിംഗ് കളക്ഷനായിരുന്നു ചിത്രം നേടിയത്. സൈമയുടെ റിപ്പോര്ട്ടുകള് പ്രകാരം 2022ല് ആളുകള് ഏറ്റവും കൂടുതല് ഗൂഗിളില് തിരഞ്ഞ ചിത്രമാണ് കടുവ.
Continue with Google