സ്ത്രീയുടെ കരുത്ത് കാണിച്ചു തന്ന മലയാള സിനിമകള്‍; ഈ വനിതാ ദിനത്തില്‍ ഒടിടിയില്‍ കാണാം

മലയാളത്തിലെ മികച്ച ചിത്രങ്ങളിലൊന്നാണ് മഹേഷ് നാരായണന്റെ സംവിധാനത്തില്‍ 2017ല്‍ പുറത്തിറങ്ങിയ ടേക്ക് ഓഫ്. റിലീസ് ദിനം മുതല്‍ ഗംഭീര അഭിപ്രായം നേടിയ ചിത്രം പാര്‍വതി തിരുവോത്ത്, ഫഹദ് ഫാസില്‍ എന്നിവരുടെ കരിയര്‍ ബെസ്റ്റ് കൂടിയാണ്. വിദേശത്ത് ജോലിക്ക് പോയ നഴ്‌സുമാരുടെ ജീവിതകഥ പറഞ്ഞ ചിത്രം മലയാളത്തിന് പുറത്തും ഏറെ ശ്രദ്ധിക്കപ്പെട്ടിരുന്നു. സംസ്ഥാന-ദേശീയ ചലച്ചിത്ര പുരസ്‌ക്കാരങ്ങള്‍ ലഭിച്ച ചിത്രം ആമസോണ്‍ പ്രൈമിലൂടെ വീണ്ടും കാണാവുന്നതാണ്.  

വിനീത് ശ്രീനിവാസന്റെ സംവിധാനത്തില്‍ 2023ല്‍ പുറത്തിറങ്ങിയ ചിത്രമാണ് തിര. ശോഭന, ധ്യാന്‍ ശ്രീനിവാസന്‍ എന്നിവരായിരുന്നു ചിത്രത്തിലെ പ്രധാന താരങ്ങള്‍. ത്രില്ലറായി ഒരുക്കിയ ചിത്രത്തില്‍ ശോഭന അവതരിപ്പിച്ച രോഹിണി പ്രണാബ് എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു. ആമസോണ്‍ പ്രൈമിലൂടെ ചിത്രം ഇപ്പോഴും കാണുന്നവര്‍ നിരവധിയാണ്. ചിത്രം മികച്ച നിരൂപക പ്രശംസ നേടിയ ചിത്രത്തിന് രണ്ടാം ഭാഗം ഒരുങ്ങുന്നു എന്ന തരത്തില്‍ മുമ്പ് വാര്‍ത്തകള്‍ വന്നിരുന്നു. എന്നാല്‍ പിന്നീട് അപ്‌ഡേറ്റുകളൊന്നും രണ്ടാംഭാഗത്തെ കുറിച്ച് വന്നിട്ടില്ല.  

അന്ന ബെന്നിനെ നായികയാക്കി മാത്തുക്കുട്ടി സേവ്യര്‍ സംവിധാനം ചെയ്ത ചിത്രമാണ് ഹെലന്‍. ഫ്രീസറില്‍ പെട്ടുപോവുന്ന ഹെലന്‍ എന്ന പെണ്‍കുട്ടിയുടെ അതിജീവന കഥ പറഞ്ഞ ചിത്രം ബോളിവുഡിലേക്കും റീമേക്ക് ചെയ്തിരുന്നു. ജാന്‍വി കപൂറായിരുന്നനു അന്ന ബെന്‍ ചെയ്ത കഥാപാത്രത്തെ അവതരിപ്പിച്ചത്. പ്രേക്ഷകരുടെ ഭാഗത്ത് നിന്നും മികച്ച പ്രതികരണം ലഭിച്ച ചിത്രം ആമസോണ്‍ പ്രൈമിലൂടെ വീണ്ടും ആസ്വദിക്കാവുന്നതാണ്.  

മഞ്ജു വാര്യര്‍, ഷെയിന്‍ നിഗം, അമല അക്കിനേനി എന്നിവരെ പ്രധാന കഥാപാത്രങ്ങളാക്കി ആന്റണി സോണി സംവിധാനം ചെയ്ത ചിത്രമാണ് സൈറ ബാനു. തന്റെ വളര്‍ത്തുമകനായ ജോഷ്വായെ കള്ളക്കേസില്‍ കുടുക്കി ജയിലിലാക്കാന്‍ ശ്രമിക്കുന്നവരോട് സൈന ബാനു പോരാടുന്നതാണ് ചിത്രത്തിന്റെ പ്രമേയം. പ്രേക്ഷകര്‍ക്കിടയില്‍ ശ്രദ്ധിക്കപ്പെട്ട ചിത്രം ആമസോണ്‍ പ്രൈമിലൂടെ വീണ്ടും കാണാവുന്നതാണ്.  

മലയാളത്തില്‍ ഏറെ ശ്രദ്ധിക്കപ്പെട്ട ആഷിഖ് അബു ചിത്രമാണ് 2 ഫീമെയില്‍ കോട്ടയം. 2012ല്‍ പുറത്തിറങ്ങിയ ചിത്രത്തില്‍ റിമ കല്ലിങ്കല്‍, ഫഹദ് ഫാസില്‍, പ്രതാപ് പോത്തന്‍ തുടങ്ങിയവരായിരുന്നു പ്രധാന താരങ്ങളെ അവതരിപ്പിച്ചത്. ടെസ എന്ന നായികയുടെ ജീവിതത്തില്‍ അപ്രതീക്ഷിതമായി സംഭവിക്കുന്ന കാര്യങ്ങളും തുടര്‍ന്ന് തന്നെ ആത്മസഹത്യയുടെ വക്കിലേക്ക് തളളിവിട്ട തന്റെ കാമുകനോട് അവള്‍ പ്രതികാരം ചെയ്യുന്നതുമാണ് ചിത്രത്തിന്റെ കഥാപശ്ചാത്തലം. വ്യത്യസ്തമായ അവതരണരീതിയും മികച്ച തിരക്കഥയും ചേര്‍ന്ന ചിത്രം റിമ കല്ലിങ്കലിന്റെ കരിയറിലെ മികച്ച ചിത്രം കൂടിയാണ്.