വരുൺ ധവാന്‍ - നടാഷ ദലാള്‍ മുതല്‍ കത്രീന കൈഫ് - വിക്കി കൗശല്‍ വരെ ; 2021ലെ ബോളിവുഡ് താരവിവാഹങ്ങള്‍

നവംബറിലായിരുന്നു ബോളിവുഡ് താരങ്ങളായ രാജ്കുമാര്‍ റാവുവും പത്രലേഖ പോളും തമ്മിലുള്ള വിവാഹം. 11 വര്‍ഷത്തെ പ്രണയത്തിനുശേഷമായിരുന്നു ഇരുവരുടെയും വിവാഹം. ന്യൂ ചണ്ഡിഗഡില്‍ വച്ചു പരമ്പരാഗത രീതിയില്‍ നടന്ന വിവാഹത്തില്‍ കുടുംബാംഗങ്ങളും അടുത്ത സുഹൃത്തുക്കളും മാത്രമായിരുന്നു പങ്കെടുത്തത്.  

ജൂണിലായിരുന്നു ബോളിവുഡ് നടി യാമി ഗൗതമും സംവിധായകന്‍ ആദിത്യ ധറും തമ്മിലുള്ള വിവാഹം. കൊവിഡ് പശ്ചാത്തലത്തില്‍ നടന്ന വിവാഹത്തില്‍ ഏറ്റവുമടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്.   

ഫെബ്രുവരി 15നായിരുന്നു ബോളിവുഡ് താരം ദിയ മിര്‍സയും വൈഭവ് രേഖിയും തമ്മിലുള്ള വിവാഹം. സുഹൃത്തുക്കളും കുടുംബാംഗങ്ങളും മാത്രമാണ് വിവാഹത്തില്‍ പങ്കെടുത്ത്. രണ്ടാം വിവാഹമായിരുന്നു ദിയയുടേത്. ബിസിനസുകാരന്‍ സാഹില്‍ സംഘയാണ് ആദ്യ ഭര്‍ത്താവ്. 2019ല്‍ ഇരുവരും വേര്‍പിരിയുകയായിരുന്നു.  

ജൂണ്‍ 25നായിരുന്നു ബോളിവുഡ് നടന്‍ വരുണ്‍ ധവാന്റെ വിവാഹം. ബാല്യകാല സുഹൃത്തും ഫാഷന്‍ ഡിസൈനറുമായ നടാഷ ദലാല്‍ ആണ് വരുണിന്റെ ഭാര്യ. ഏറെ നാളത്തെ പ്രണയത്തിനൊടുവിലായിരുന്നു ഇരുവരുടെയും വിവാഹം.  

ഡിസംബര്‍ 14നായിരുന്നു സുശാന്ത് സിംഗ് രാജ്പുത്തിന്റെ മുന്‍കാമുകി അങ്കിത ലോഖണ്ഡെയുടെ വിവാഹം. സുശാന്ത് സിങ്ങുമായി പിരിഞ്ഞ ശേഷമായിരുന്നു വിക്കി ജെയ്‌നുമായി അങ്കിത പ്രണയത്തിലാവുന്നത്. ദിവസങ്ങളോളം നീണ്ടു നിന്ന വിവാഹചടങ്ങുകളില്‍ ബോളിവുഡിലെ നിരവധി പ്രമുഖര്‍ പങ്കെടുത്തിരുന്നു.  

ഡിസംബറിലായിരുന്നു ബോളിവുഡ് താരങ്ങളായ കത്രീന കൈഫിന്റെയും വിക്കി കൗശലിന്റെയും വിവാഹം. രാജസ്ഥാനില്‍ മൂന്നു ദിവസങ്ങളിലായി നടന്ന ചടങ്ങുകളില്‍ ബോളിവുഡ് താരങ്ങളടക്കം ആകെ 120 കേര്‍ക്കു മാത്രമായിരുന്നു ക്ഷണമുണ്ടായിരുന്നത്. താരവിവാഹത്തിന്റെ വീഡിയോ സംപ്രേഷണം ആമസോണ്‍ പ്രൈം വാങ്ങുകയും ചെയ്തിരുന്നു.