ദീപിക പദുക്കോണ്‍ മുതല്‍ രണ്‍ബീര്‍ കപൂര്‍ വരെ; ഓഡിഷനില്‍ തോറ്റ് ബിഗ് ബഡ്ജറ്റ് ചിത്രങ്ങള്‍ നഷ്ടമായവര്‍

ബ്രഹ്മാസ്ത്ര എന്ന ചിത്രത്തിനു മുന്‍പ് മറ്റൊരു ചിത്രത്തില്‍ ആലിയ ഭട്ടും രണ്‍ബീറും ഒരുമിച്ചഭിനയിക്കുന്നു എന്ന തരത്തില്‍ വാര്‍ത്തകള്‍ വന്നിരുന്നു. 'വേക്ക് അപ്പ് സിദ്' എന്ന ചിത്രത്തിനായി ഓഡീഷനും കഴിഞ്ഞിരുന്നു. എന്നാല്‍ ആലിയയെ ചിത്രത്തില്‍ നിന്നും ഒഴിവാക്കുകയായിരുന്നു.  

അനുരാഗ് കശ്യപിന്റെ സംവിധാനത്തില്‍ 2015ല്‍ പുറത്തിറങ്ങിയ 'ബോംബൈ വെല്‍വെറ്റി'ല്‍ നായകനായി ആദ്യം തീരുമാനിച്ചിരുന്നത് രണ്‍വീര്‍ സിങ്ങിനെയായിരുന്നു. എന്നാല്‍ അവസാനനിമിഷം രണ്‍ബീര്‍ കപൂര്‍ ചിത്രത്തില്‍ നായകനായി എത്തുകയായിരുന്നു.  

മിര നായര്‍ സംവിധാനം ചെയ്ത 'ദി റിലക്റ്റന്റ് ഫണ്ടമെന്റലിസ്റ്റ്' എന്ന ചിത്രത്തിന്റെ ഓഡീഷനില്‍ രണ്‍ബീര്‍ കപൂര്‍ പങ്കെടുത്തിരുന്നു. എന്നാല്‍ അവസാന നിമിഷം ചിത്രത്തില്‍ നായകനായി എത്തിയ റിസ് അഹമ്മദായിരുന്നു.

മജീദ് മജീദിയുടെ 'ബിയോണ്ട് ദി ക്ലൗഡ്‌സില്‍' പ്രധാന കഥാപാത്രമായി ദീപിക പദുക്കോണിനെയായിരുന്നു ആദ്യം തീരുമാനിച്ചിരുന്നത്. അതിനായി ഓഡീഷനും നടത്തിയിരുന്നു. എന്നാല്‍ പിന്നീട് ദീപികയ്ക്ക് പകരം മാളവിക മോഹനനെ സെലക്റ്റ് ചെയ്യുകയായിരുന്നു.  

2013ല്‍ പുറത്തിറങ്ങിയ 'ഭാഗ് മില്‍ഖ ഭാഗ്' എന്ന ചിത്രത്തിന്റെ ഓഡീഷനില്‍ വിക്കി കൗശല്‍ പങ്കെടുത്തിരുന്നു. എന്നാല്‍ ഫര്‍ഹാന്‍ അഖ്തര്‍ ആണ് ചിത്രത്തില്‍ നായകനായി എത്തിയത്.