മമ്മൂട്ടി മുതല്‍ വിജയ് ദേവരകൊണ്ട വരെ; പുകവലി ഉപേക്ഷിച്ച താരങ്ങൾ

1992ലാണ് ചെയിന്‍ സ്‌മോക്കറായിരുന്നു മമ്മൂട്ടി പുകവലി നിര്‍ത്തുന്നത്. സിനിമയില്‍ അഭിനയിക്കുമ്പോള്‍ ശബ്ദത്തിനു വലിയ പ്രധാന്യമുണ്ട് എന്നു മനസ്സിലാക്കിയതിനെ തുടര്‍ന്നായിരുന്നു മെഗാസ്റ്റാര്‍ പുകവലി ശീലം പൂര്‍ണമായും ഉപേക്ഷിച്ചത്. താന്‍ മുന്‍പ് ചെയിന്‍ സ്‌മോക്കറായിരുന്നുവെന്ന് മമ്മൂട്ടി പല വേദിയിലും തുറന്നു പറയുകയും ചെയ്തിരുന്നു.  

ബോളിവുഡ് താരം സല്‍മാന്‍ ഖാനും ഒരുകാലത്ത് ചെയിന്‍ സ്‌മോക്കറായിരുന്നു. സിഗരറ്റ് ഇല്ലാതെ താരം എവിടെയും പോകാറുമില്ലായിരുന്നു. എന്നാല്‍ ട്രൈജെമിനല്‍ ന്യൂഫാള്‍ജിയ എന്ന രോഗം വന്നതിനുശേഷമാണ് സല്‍മാന്‍ ഖാന്‍ പുകവലി ഉപേക്ഷിച്ചത്.  

ഒരു കാലത്ത് പുകവലി ശീലമാക്കിയ താരമായിരുന്നു ആമീര്‍ ഖാന്‍. എന്നാല്‍ മക്കളായ ഇറയും ജുനൈദും പുകവലി നിര്‍ത്താന്‍ നിര്‍ബന്ധം പിടിച്ചതോടെ ആമീര്‍ ഖാന്‍ പുകവലി ശീലം ഉപേക്ഷിക്കുകയായിരുന്നു.  

ബോളിവുഡിന്റെ പ്രിയതാരം ഹൃതിക് റോഷനും ഒരുകാലത്ത് ചെയിന്‍ സ്‌മോക്കറായിരുന്നു. പൊതുവേദികളില്‍ നടന്‍ ഇക്കാര്യം തുറന്നു പറയുകയും ചെയ്തിരുന്നു. എന്നാല്‍ പിന്നീട് താരം പുകവലി പൂര്‍ണമായും ഉപേക്ഷിക്കുകയായിരുന്നു.  

അര്‍ജ്ജുന്‍ റെഡ്ഡി എന്ന സിനിമയ്ക്ക് വേണ്ടിയാണ് വിജയ് ദേവരകൊണ്ട പുകവലി ശീലമാക്കിയത്. എന്നാല്‍ ചിത്രത്തിന്റെ ഷൂട്ടിങ്ങിനു ശേഷം നടന്‍ പുകവലിച്ചിട്ടില്ല.