രണ്‍വീര്‍ സിങ്ങ്

06 Jul, 1985 | mumbai

Actor

ജീവചരിത്രം

പ്രശസ്ത ബോളിവുഡ് ചലച്ചിത്രതാരമാണ് രണ്‍വീര്‍ സിങ്ങ്. 1985 ജൂലൈ 6ന് മുംബൈയില്‍ ജനിച്ചു.സ്‌ക്കൂള്‍ കാലഘട്ടം മുതലേ കലാരംഗത്ത് സജീവമായി പങ്കെടുത്തിരുന്നു. കോളേജില്‍ പഠിക്കുന്ന സമയത്താണ് സിനിമയില്‍ അഭിനയിക്കണം എന്ന ആഗ്രഹമുണ്ടാകുന്നത്. തുടര്‍ന്ന് പരസ്യമേഖലയില്‍ കോപ്പിറൈറ്ററായി ജോലി ചെയ്യ്തു.അതിനടയിലാണ് തന്റെ പോര്‍ട്ട്‌ഫോളിയോ സംവിധായകര്‍ക്ക് ആയച്ചുകൊടുത്തത്.അതിനുശേഷം അഭിനയിക്കാനുള്ള അതിയായ ആഗ്രഹവുമായി നിരവധി ഓഡീഷനുകളില്‍ പങ്കെടുത്തു. തുടര്‍ന്ന് ചെറിയ ചെറിയ വേഷങ്ങളില്‍ അഭിനയിച്ചുതുടങ്ങി.  2010 മനീഷ് ശര്‍മ്മ സംവിധാനം ചെയ്ത ചിത്രത്തില്‍ മുഴുനീള കഥാപാത്രത്തെ അവതരിപ്പിച്ചു. ബിറ്റോ ശര്‍മ്മ എന്നായിരുന്നു ചിത്രത്തില്‍ രണ്‍വീര്‍ അവതരിപ്പിച്ച കഥാപാത്രത്തിന്ർറെ പേര്.2011ല്‍ മനീഷ് ശര്‍മ്മയുടെ തന്നെ ചിത്രമായ ലേഡീസ് വിഎസ് റിക്കി ഭായ് എന്ന ചിത്രത്തില്‍ അഭിനയിച്ചു.2013ല്‍  ബോംബൈ ടാക്കീസ്, ലൂട്ടേര, ഗോലിയോണ് കി രാസ് ലീല രാം ലീല എന്നീ ചിത്രങ്ങളില്‍ അഭിനയിച്ചു. 2014ല്‍  ഗുണ്ടെയ്, ഫൈന്റിങ്ങ് ഫാന്നി, കില്‍ ദില്‍ എന്നീ ചിത്രങ്ങളില്‍ അഭിനയിച്ചു. പിന്നീട് നിരവധി ചിത്രങ്ങളില്‍ ശക്തമായ കഥാപാത്രങ്ങളെ അവതരിപ്പിച്ചുകൊണ്ട് ചലച്ചിത്രരംഗത്ത് രണ്‍വീര്‍  സജീവമായി. ബെഫിക്രേ എന്ന ചിത്രത്തില്‍ വാണികപൂറുമായി 23 തവണ ലിപ് ലോക്ക് ചെയ്ത് ബോളിവുഡില്‍ ചരിത്രം കുറിച്ച താരം കൂടിയാണ് രണ്‍വീര്‍.  2018ല്‍ സഞ്ജയ് ലീല ബെന്‍സാലി സംവിധാനം ചെയ്ത പത്മാവത് എന്ന ചിത്രത്തില്‍ അഭിനയിച്ചു. നിരവധി വിവാദങ്ങള്‍ക്കു വഴിവെച്ച ചിത്രമാണ് പത്മാവത്.നാലു സംസ്ഥാനങ്ങളില്‍ ചിത്രത്തിന് വിലക്കേര്‍പെടുത്തുക വരെ ചെയ്യ്തിരുന്നു.