ഇതൊന്നും സിനിമയില്‍ പോലുമില്ല; ബോളിവുഡ് ഞെട്ടിയ റിയല്‍ ലെെഫ് പ്രണയങ്ങള്‍

1973ലായിരുന്നു നടന്‍ രാജേഷ് ഖന്നയുമായുള്ള ഡിംപിള്‍ കപാഡിയയുടെ വിവാഹം. എന്നാല്‍ വിവാഹശേഷം നടന്‍ സണ്ണി ഡിയോളുമായി ഡിംപിള്‍ പ്രണയത്തിലായിരുന്നു. സണ്ണി ഡിയോണിന്റെ ഭാര്യ പൂജ ഇരുവരുടെയും പ്രണയമറിഞ്ഞതോടെ പ്രശ്‌നങ്ങള്‍ ഉണ്ടാവുകയും തുടര്‍ന്ന് താരങ്ങള്‍ പ്രണയബന്ധം ഉപേക്ഷിക്കുകയായിരുന്നു.  

ഒരുകാലത്ത് ബോളിവുഡിലെ അറിയപ്പെടുന്ന പ്രണയജോഡികളായിരുന്നു കത്രീന കൈഫും രണ്‍ബീര്‍ കപൂറൂം. 2013ലായിരുന്നു ഇരുവരും തമ്മില്‍ പ്രണയത്തിലായത്. എന്നാല്‍ ആലിയ ഭട്ടുമായി രണ്‍ബീര്‍ പ്രണയത്തിലായതോടെ 2016ല്‍ ഇരുവരും വേര്‍പിരിയുകയായിരുന്നു.  

ഡോണ്‍ 2വിന്റെ ചിത്രീകരണ സമയത്ത് ഷാരൂഖ് ഖാനും പ്രിയങ്ക ചോപ്രയും തമ്മില്‍ പ്രണയത്തിലായിരുന്നു എന്ന തരത്തില്‍ ഗോസിപ്പുകള്‍ വന്നിരുന്നു. ഇരുവരും ഒരു അവാര്‍ഡ് ഷോയുടെ റിഹേഴ്‌സലിന് ഒരുമിച്ച് എത്തിയതോടെ താരങ്ങള്‍ പ്രണയത്തിലാണെന്നു തന്നെ ആരാധകര്‍ വിശ്വസിച്ചു. എന്നാല്‍ പ്രിയങ്കയുമായുള്ള ഗോസിപ്പുകള്‍ വന്നതോടെ വിഷയത്തില്‍ ഷാരൂഖ് ഖാന്റെ ഭാര്യ ഗൗരി ഖാന്‍ ഇടപെടുകയായിരുന്നു. തുടര്‍ന്ന് പ്രിയങ്കയുമായുള്ള എല്ലാ ബന്ധങ്ങളും ഷാരൂഖ് ഉപേക്ഷിക്കുകയായിരുന്നു.  

2016ലായിരുന്നു ആലിയ ഭട്ടും സിദ്ധര്‍ത്ഥ് മല്‍ഹോത്രയും തമ്മില്‍ പ്രണയത്തിലാവുന്നത്. എന്നാല്‍ ഏറെ നാള്‍ ആ ബന്ധം മുന്നോട്ട് പോയില്ല. 2017ല്‍ തന്നെ ഇരുവരും വേര്‍പിരിയുകയായിരുന്നു. തുടര്‍ന്ന് ജാക്വിലിന്‍ ഫെര്‍ണാണ്ടസുമായി സിദ്ധാര്‍ത്ഥ് പ്രണയത്തിലാവുകയായിരുന്നു.  

ഒരു കാലത്ത് ഗോസിപ്പ് കോളങ്ങളില്‍ നിറഞ്ഞു നിന്ന താരങ്ങളായിരുന്നു അമിതാഭ് ബച്ചനും നടി രേഖയും. എന്നാല്‍ ജയ ബച്ചനുമായുള്ള വിവാഹത്തോടെ രേഖയും അമിതാഭും തമ്മില്‍ അകലുകയായിരുന്നു. പിന്നീട് മുഖാമുഖം കണ്ടാല്‍ പോലും ഇരുവരും മിണ്ടാറില്ലായിരുന്നു.