Click it and Unblock the Notifications
ലോക്ക് ഡൗണില് കുടുങ്ങിയ മോഹന്ലാല് ചിത്രങ്ങള്
പ്രേക്ഷകര് ഒന്നടങ്കം ആകാംഷയോടെ കാത്തിരിക്കുന്ന ബ്രഹ്മാണ്ഡ ചിത്രമാണ് മോഹന്ലാലിന്റെ മരക്കാര് അറബിക്കടലിന്റെ സിംഹം. കൊറോണ ഭീതിയെ തുടര്ന്ന് മാര്ച്ച് 26ന് റിലീസ് ചെയ്യാനിരുന്ന ചിത്രത്തിന്റെ പുതിയ റിലീസ് ഡേറ്റിനായി എല്ലാവരും കാത്തിരിക്കുകയാണ്. ഈ ചിത്രത്തിനു പുറമെ വന്മുതല്മുടക്കുള്ള 3 മോഹന്ലാല് ചിത്രങ്ങളുടെ ഷൂട്ടിങ്ങും നിലവിലെ സാഹചര്യത്തില് മാറ്റിവെച്ചിരിക്കുകയാണ്.
ഉള്ളടക്ക പട്ടിക
ദൃശ്യത്തിനുശേഷം മോഹന്ലാലും ജീത്തു ജോസഫും വീണ്ടുമൊന്നിക്കുന്ന ചിത്രമാണ് റാം. തൃഷയാണ് ചിത്രത്തില് നായികയായി എത്തുന്നത്. എറണാകുളം,ധനുഷ്കോടി, ഡല്ഹി,ഉസ്ബക്കിസ്ഥാന്,കെയ്റോ,ലണ്ടന് എന്നിവിടങ്ങളായിരുന്നു ചിത്രത്തിന്റെ പ്രധാന ലൊക്കേഷനുകള്. നിലവിലെ സാഹചര്യത്തില് വിദേശയാത്രയ്ക്കും ഷൂട്ടിങ്ങ് നടത്തുന്നതിനും വിലക്ക് ഉണ്ടായതിനെ തുടര്ന്ന് സിനിമയുടെ ചിത്രീകരണം നിര്ത്തിവെച്ചിരിക്കുകയാണ്.
മലയാള സിനിമാ ചരിത്രത്തിലെ ഏറ്റവും ചെലവേറിയ സിനിമകളിലൊന്നാണ് പ്രിയദര്ശന്- മോഹന്ലാല് കൂട്ടുക്കെട്ടില് പുറത്തിറങ്ങാനിരിക്കുന്ന മരക്കാര് അറബിക്കടലിന്റെ സിംഹം. കാലാപാനി എന്ന ചിത്രത്തിന്റെ അണിയറപ്രവര്ത്തകരാണ് ചിത്രത്തിന്റെ പിന്നണിയിലും പ്രവര്ത്തിച്ചിരിക്കുന്നത്. മാര്ച്ച് 26 ആയിരുന്നു ചിത്രത്തിന്റെ റിലീസ് തിയതി. എന്നാല് കൊറോണ ഭീതിയെ തുടര്ന്ന് തിയേറ്ററുകള് അടച്ചതോടെ റിലീസ് മാറ്റിവെക്കുകയായിരുന്നു.
മോഹന്ലാല് ആദ്യമായി സംവിധായകനാവുന്ന ചിത്രമാണ് ബാറോസ്. ത്രീഡിയില് ഒരുങ്ങുന്ന ചിത്രത്തിന്റെ ഷൂട്ടിങ്ങ് നിശ്ചയിച്ച ഷെഡ്യൂളില് നിന്നും നിരവധി തവണ മാറ്റിയിരുന്നു. പിന്നീട് റാമിന്റെ ഷൂട്ടിങ്ങ് പൂര്ത്തിയാക്കി ബറോസ് തുടങ്ങാനായിരുന്നു പ്ലാന്. എന്നാല് കൊറോണ ഭീതിയെ തുടര്ന്ന് ചിത്രീകരണം മാറ്റിവെക്കുകയായിരുന്നു.
മോഹന്ലാല്-പൃഥ്വിരാജ് കൂട്ടുകെട്ടില് പുറത്തിറങ്ങിയ സൂപ്പര്ഹിറ്റ് ചിത്രം ലൂസിഫറിന്റെ രണ്ടാംഭാഗമാണ് എമ്പുരാന്. ബാറോസ്, ആടുജീവിതം എന്നീ ചിത്രങ്ങളുടെ ഷൂട്ടിങ്ങ് പൂര്ത്തിയാക്കിയതിനുശേഷം എമ്പുരാന്റെ ചിത്രീകരണം ആരംഭിക്കുമെന്നായിരുന്നു റിപ്പോര്ട്ടുകള്. എന്നാല് നിലവിലെ സാഹചര്യത്തില് ഷൂട്ടിങ്ങ് എന്നു തുടങ്ങുമെന്ന് കൃത്യമായി പറയാന് കഴിയില്ല.
Continue with Google