സിനിമാലോകം ഞെട്ടിയ വിവാഹ മോചന വാർത്തകള്‍

ആറ് വര്‍ഷത്തോളം നീണ്ടു നിന്ന പ്രണയത്തിനൊടുവില്‍ 2018ലായിരുന്നു രണ്‍വീര്‍ സിങും ദീപിക പദുക്കോണും തമ്മിലുള്ള വിവാഹം. എന്നാല്‍ വിവാഹം കഴിഞ്ഞ് മാസങ്ങള്‍ക്കുള്ളില്‍ തന്നെ താരങ്ങള്‍ പിരിയുകയാണ് എന്ന തരത്തില്‍ വാര്‍ത്തകള്‍ വന്നിരുന്നു. എന്നാല്‍ വ്യാജവാര്‍ത്തകളോട് താരങ്ങള്‍ ഇതുവരെ പ്രതികരിച്ചിട്ടില്ല.  

വര്‍ഷങ്ങളുടെ പ്രണയത്തിനുശേഷം 1991ലായിരുന്നു ഷാരൂഖ് ഖാനും ഗാരിഖാനും തമ്മിലുള്ള വിവാഹം. എന്നാല്‍ വിവാഹം കഴിഞ്ഞ് രണ്ടു വര്‍ഷത്തിനുശേഷം ഷാരൂഖ് ഖാന്‍ വിവാഹമോചിതനാവുന്നു എന്ന തരത്തില്‍ നിരവധി ഗോസിപ്പുകള്‍ വന്നിരുന്നു. ഗോസിപ്പ് എഴുതിയ മാധ്യമപ്രവര്‍ത്തകനെ ഷാരൂഖ് വീട്ടില്‍ കയറി ഭീഷണിപ്പെടുത്തിയെന്നും പിന്നീട് വാര്‍ത്തകള്‍ വന്നിരുന്നു.  

5 വര്‍ഷം നീണ്ട പ്രണയത്തിനൊടുവിലായിരുന്നു രണ്‍ബീര്‍ കപൂര്‍ - ആലിയ ഭട്ട് വിവാഹം. ബോളിവുഡ് ആഘോഷമാക്കിയ വിവാഹത്തിന്റെ ചിത്രങ്ങളെല്ലാം സോഷ്യല്‍മീഡിയയില്‍ വൈറലാവുകയും ചെയ്തിരുന്നു. എന്നാല്‍ വിവാഹം കഴിഞ്ഞ് ദിവസങ്ങള്‍ക്കുള്ളില്‍ തന്നെ ആലിയ ഭട്ട് വിവാഹമോചനം നേടുന്നു എന്ന തരത്തില്‍ വ്യാജ വാര്‍ത്തകള്‍ വന്നിരുന്നു.  

അഭിഷേക് ബച്ചനും ഐശ്വര്യ റായിയും വേര്‍പിരിയുന്നു എന്ന തലക്കെട്ടില്‍ മുമ്പ് നിരവധി ഗോസിപ്പുകള്‍ വന്നിരുന്നു. എന്നാല്‍ ''താന്‍ എപ്പോഴാണ് പുനര്‍വിവാഹിതയാവുന്നത് എന്ന് അറിയിക്കാമോ'' എന്നു ചോദിച്ചുകൊണ്ട് ഐശ്വര്യ വ്യാജ വാര്‍ത്തകളോട് പ്രതികരിച്ചിരുന്നു.  

ഉട്താ പഞ്ചാബ് എന്ന ചിത്രത്തില്‍ താന്‍ ചെയ്ത കഥാപാത്രം കാരണം മിറ രജ്പുത് തന്നെ ഡിവോഴ്‌സ് ചെയ്യാന്‍ ആഗ്രഹിച്ചിരുന്നുവെന്ന് ഷാഹിദ് കപൂര്‍ തമാശയായി ഒരിക്കല്‍ പറഞ്ഞിരുന്നു. തുടര്‍ന്ന് താരം വിവാഹമോചിതനാവുന്നു എന്ന തരത്തില്‍ വ്യാജ വാര്‍ത്തകള്‍ വന്നിരുന്നു.