Click it and Unblock the Notifications
ഐശ്വര്യ ലക്ഷ്മിക്ക് 1.5 കോടി, ജയറാമിന് ഒന്നും, ഏറ്റവും കൂടുതല് വിക്രമിന് ; പൊന്നിയിന് സെല്വന് താരങ്ങളുടെ പ്രതിഫലം
മണിരത്നം ഒരുക്കിയ ബ്രഹ്മാണ്ഡ ചിത്രം 'പൊന്നിയിന് സെല്വന്' ആദ്യ ദിനം മുതല് റെക്കാര്ഡ് കളക്ഷനുമായാണ് പ്രദര്ശനം ആരംഭിച്ചത്. റിലീസ് ചെയ്ത് അഞ്ചു ദിവസത്തിനുള്ളില് ഏറ്റവും വേഗത്തില് തമിഴ്നാട്ടില് നിന്നും 100 കോടി നേടിയ ചിത്രമെന്ന റെക്കോര്ഡും ചിത്രം സ്വന്തമാക്കിയിരുന്നു. പൊന്നിയിന് സെല്വത്തിന്റെ വിജയത്തിനു പിന്നാലെ സിനിയിലെ താരങ്ങളുടെ പ്രതിഫലത്തെക്കുറിച്ച് നിരവധി ഗോസിപ്പുകളും പുറത്തുവന്നിരുന്നു. പുറത്ത് വരുന്ന റിപ്പോര്ട്ടുകള് പ്രകാരം കോടികളാണ് ചിത്രത്തിനായി താരങ്ങള് വാങ്ങിച്ച പ്രതിഫലം. ഏറ്റവും കൂടുതല് പ്രതിഫലം വാങ്ങിയ പൊന്നിയിന് സെല്വനിലെ പ്രധാന താരങ്ങള് ഇവരാണ്.
ഉള്ളടക്ക പട്ടിക
പൊന്നിയിന് സെല്വനില് ഏറ്റവും ഉയര്ന്ന പ്രതിഫലം വാങ്ങിയ താരമാണ് വിക്രം. ആദിത്യ കരികാലനായി എത്തിയ താരം 12 കോടിയാണ് ചിത്രത്തിനായി വാങ്ങിച്ച പ്രതിഫലം. 2022ല് പുറത്തിറങ്ങിയ ചിത്രങ്ങളില് മികച്ച ആദ്യദിന കലക്ഷന് നേടുന്ന സിനിമകളുടെ പട്ടികയില് മൂന്നാം സ്ഥാനത്താണ് പൊന്നിയിന് സെല്വന്.
വിക്രം കഴിഞ്ഞാല് പ്രതിഫലത്തിന്റെ കാര്യത്തില് തൊട്ടു പിന്നിലാണ് ഐശ്വര്യ റായി. നന്ദിനിയായി എത്തിയ ഐശ്വര്യ 10 കോടിയാണ് ചിത്രത്തിനായി വാങ്ങിയ പ്രതിഫലം.
പൊന്നിയിന് സെല്വനിലെ അഭിനയിത്തിന് 5 കോടിയാണ് കാര്ത്തിക് പ്രതിഫലമായി വാങ്ങിച്ചത്. വന്തിയ തേവനായി മികച്ച പ്രകടനമായിരുന്നു കാര്ത്തി കാഴ്ചവെച്ചത്.
അരുള്മൊഴി വര്മ്മനായി എത്തിയ ജയം രവി എട്ടുകോടി പ്രതിഫലം വാങ്ങിയെന്നാണ് റിപ്പോര്ട്ടുകള്. കന്നട, മലയാളം, ഹിന്ദി, തെലുങ്ക്, തമിഴ് എന്നിങ്ങനെ അഞ്ചു ഭാഷകളിലായിട്ടാണ് ചിത്രം പ്രദര്ശനത്തിനെത്തിയത്.
അഞ്ഞൂറു കോടി മുതല്മുടക്കില് ഒരുക്കിയ ചിത്രത്തില് തൃഷയുടെ പ്രതിഫലം രണ്ടു കോടിയായിരുന്നു. ആഗോള വ്യാപകമായി മൂന്ന് ദിവസം കൊണ്ട് 230 കോടിയാണ് ചിത്രം സ്വന്തമാക്കിയത്.
പൂങ്കുഴലിയായി എത്തിയ ഐശ്വര്യ ലക്ഷ്മിയുടെ പ്രതിഫലം 1.5 കോടിയാണ്. ആദ്യ ദിനം തമിഴ്നാട്ടില് നിന്നും 25.86 കോടിയാണ് ചിത്രം നേടിയത്.
ഐശ്വര്യ ലക്ഷ്മിയെപ്പോലെ തന്നെ 1.5 കോടിയാണ് പ്രകാശ് രാജിന്റെയും പ്രതിഫലം. സെപ്തംബര് 30ന് റിലീസ് ചെയ്ത ചിത്രത്തിന് ആദ്യ ദിനം മുതല് മികച്ച പ്രതികരണമാണ് പ്രേക്ഷകരുടെ ഭാഗത്തു നിന്നും ലഭിച്ചത്.
1 കോടിയാണ് പൊന്നിയിന് സെല്വനില് അഭിനയിച്ചതിന് ജയറാമിന് ലഭിച്ച പ്രതിഫലം. താരം അവതരിപ്പിച്ച കഥാപാത്രം ഏറെ ശ്രദ്ധിക്കപ്പെട്ടിരുന്നു.
Continue with Google