കാര്‍ത്തിക് ശിവകുമാര്‍

ജീവചരിത്രം:  പ്രശസ്ത തമിഴ് ചലച്ചിത്രതാരമാണ് കാര്‍ത്തിക് ശിവകുമാര്‍. 1977 മെയ് 5ന് തമിഴ്‌നാട്ടില്‍ ജനിച്ചു. . തമിഴ് നടന്‍ ശിവകുമാറിന്റെ മകനാണ്. പ്രശസ്ത ചലച്ചിത്രതാരം സൂര്യയുടെ സഹോദരന്‍ കൂടിയാണ് കാര്‍ത്തി. കാര്‍ത്തി എന്ന പേരിലാണ് ചലച്ചിത്രമേഖലയില്‍ അറിയപെടുന്നത്. 2007ല്‍ മികച്ച വിജയം നേടിയ പരുത്തിവീരന്‍ എന്ന ചിത്രത്തിലൂടെയാണ് ചലച്ചിത്രമേഖലയിലേക്ക് കടന്നുവരുന്നത്. ഫിലിംഫെയര്‍ അവാര്‍ഡ്, തമിഴ്‌നാട് സംസ്ഥാന ചലച്ചിത്രപുരസ്‌ക്കാരം, പ്രത്യേക ജൂറി പുരസ്‌ക്കാരം, വിജയ് ആവാര്‍ഡ് തുടങ്ങി നിരവധി അവാര്‍ഡുകളാണ് ഈ ചിത്രത്തിലൂടെ കാര്‍ത്തിക്ക് ലഭിച്ചത്.    2010ല്‍  ആയിരത്തില്‍ ഒരുവന്‍ എന്ന ചിത്രത്തില്‍ അഭിനയിച്ചു. പിന്നീട് പൈയ്യ, നാന്‍ മഹാന്‍ അല്ല, സിറുതെ, കോ, സഗുനി തുടങ്ങിയ ചിത്രങ്ങളിലൂടെ തമിഴ് ചലച്ചിത്രമേഖലയില്‍ കാര്‍ത്തി സജീവമായി. ആദ്യത്തെ അഞ്ചു ചിത്രങ്ങള്‍ വന്‍ ഹിറ്റായെങ്കിലും പിന്നീട് കാര്‍ത്തി അഭിനയിച്ച മൂന്നു ചിത്രങ്ങള്‍ വന്‍ പരാജയമായിരുന്നു. പക്ഷേ പിന്നീട് അഭിനയിച്ച ബിരിയാണി എന്ന ചിത്രത്തിലൂടെ കാര്‍ത്തി വീണ്ടും ചലച്ചിത്രമേഖലയില്‍ സജീവമായി. അലക്‌സ് പാണ്ഡ്യന്‍, ആള്‍ ഇന്‍ ആള്‍ അഴക് രാജാ, മദ്രാസ്, കൊമ്പന്‍, ഇനി ഏഴു നാള്‍, കഷ്‌മോറ, ജീരന്‍ അധികാരം ഒന്‍ട്ര് തുടങ്ങിയവയാണ് അഭിനയിച്ച മറ്റു ചിത്രങ്ങള്‍. രഞ്ജിനു ശിവകുമാറാണ് ഭാര്യ. പ്രശസ്ത ചലച്ചിത്രതാരം ജ്യോതിക സഹോദന്റെ ഭാര്യയാണ്.