അവാര്‍ഡില്ലേലും ​കുടുംബങ്ങള്‍ ചേര്‍ത്തുപിടിച്ചു; മലയാളത്തിലെ മികച്ച അഞ്ച് സീരിയലുകള്‍

ടെലിവിഷന്‍ പ്രേക്ഷകരുടെ പ്രിയപ്പെട്ട ടെലിവിഷന്‍ സീരിയലാണ് ഏഷ്യാനെറ്റില്‍ സംപ്രേഷണം ചെയ്യുന്ന സാന്ത്വനം. എം. രഞ്ജിത്താണ് സീരിയലിന്റെ സംവിധായകന്‍. രാജീവ് പരമേശ്വര്‍, ചിപ്പി രഞ്ജിത്ത്, ഗിരീഷ് നമ്പ്യാര്‍, ഗോപിക അനില്‍, സജിന്‍ ടി.പി, അച്ചു സുഗന്ധ് തുടങ്ങിയവരാണ് പ്രധാന അഭിനേതാക്കള്‍. 2020 സെപ്റ്റംബര്‍ 21നാണ് സീരിയലിന്റെ സംപ്രേഷണം ആരംഭിച്ചത്.  

കുറഞ്ഞ ദിവസങ്ങള്‍ക്കുള്ളില്‍ തന്നെ ടെലിവിഷന്‍ പ്രേക്ഷകര്‍ക്കിടയില്‍ സ്വീകാര്യത നേടിയ സീരിയലാണ് മൗനരാഗം. ഐശ്വര്യ റംസായ്, നലീഫ് ജിയ, പത്മിനി ജഗദീഷ്, സോന ജെലീന തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. തെലുങ്ക് സീരിയല്‍ മൗന രാഗത്തിന്റെ റീമേക്കായ സീരിയല്‍ ഏഷ്യാനെറ്റിലാണ് സംപ്രേഷണം ചെയ്യുന്നത്.  

ടെലിവിഷന്‍ പ്രേക്ഷകര്‍ക്കിടയില്‍ കുറഞ്ഞ സമയത്തിനുള്ളില്‍ സ്വീകാര്യത ലഭിച്ച മറ്റൊരു ടെലിവിഷന്‍ സീരിയലാണ് പാടാത്ത പൈങ്കിളി. കണ്മണി എന്ന പെണ്‍കുട്ടിയുടെ ജീവിതയാഥാര്‍ഥ്യങ്ങളോടുള്ള പോരാട്ടത്തിന്റെ കഥയാണ് സീരിയല്‍ അവതരിപ്പിക്കുന്നത്. സുധീഷ് ശങ്കറാണ് സീരിയലിന്റെ സംവിധായകന്‍.  

ടെലിവിഷന്‍ പ്രേക്ഷകര്‍ക്കിടയില്‍ ശ്രദ്ധിക്കപ്പെട്ട മറ്റൊരു സീരിയലാണ് ഏഷ്യാനെറ്റില്‍ സംപ്രേഷണം ചെയ്യുന്ന അമ്മയറിയാതെ. ശ്രീതു കൃഷ്ണന്‍, നിഖില്‍ നായര്‍, റീന, കീര്‍ത്തി മഹാദേവന്‍ എന്നിവരാണ് സീരിയലിലെ പ്രധാന അഭിനേതാക്കള്‍. 2020 ജൂണ്‍ 22നായിരുന്നു ആദ്യത്തെ എപ്പിസോഡ് പ്രേക്ഷകരിലേക്ക് എത്തിയത്.  .  

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട പരമ്പരയാണ് ഏഷ്യാനെറ്റില്‍ സംപ്രേഷണം ചെയ്യുന്ന കുടുംബവിളക്ക്. 2020 ജനുവരി 27നായിരുന്നു പരമ്പരയുടെ ആദ്യ എപ്പിസോഡ്. തന്മാത്ര എന്ന ചിത്രത്തിലൂടെ ശ്രദ്ധിക്കപ്പെട്ട മീര വാസുദേവാണ് ഇതില്‍ പ്രധാന കഥാപാത്രത്തെ അവതരിപ്പിക്കുന്നത്.