ഫാഷൻ എന്ന ലേബലിൽ എന്ത് വൃത്തികേടും കാണിക്കാമെന്നാണോ? നോറ ഫത്തേഹിക്ക് എതിരെ സോഷ്യൽമീഡിയ

ഫാഷൻ, നൃത്തം, ആകാരഭം​ഗി എന്നിവയുടെ കാര്യത്തിൽ ബോളിവുഡ് ലോകത്ത് ഏറ്റവും കൂടുതൽ ആരാധകരുള്ള താരസുന്ദരിയാണ് നോറ ഫത്തേഹി. എന്നും വാർത്തകളിൽ നിറഞ്ഞുനിൽക്കാറുള്ള താരം ഇപ്പോൾ വീണ്ടും തംര​ഗമാവുകയാണ്. നോറയുടേതായി പുതുതായി പ്രത്യക്ഷപ്പെട്ട ഫോട്ടോകളും വീഡിയോകളുമാണ് കാരണം.

സോഷ്യൽമീഡിയകളിലെ സെൻസേഷനായ നോറയ്ക്ക് 31.9 മില്യൺ ഫോളോവേഴ്സാണ് ഇൻസ്റ്റ​ഗ്രാമിൽ മാത്രമുള്ളത്. ബോളിവുഡ് സിനിമകളിലെ ഡാൻസ് നമ്പറുകളിലെ സ്ഥിരം സാന്നിധ്യമായ നോറ സിനിമാ ആസ്വാദകർക്ക് കൂടുതൽ സുപരിചതയായത് 'ദിൽബർ' എന്ന ​ഗാനത്തിലെ പ്രകടനത്തിലൂടെയാണ്. സത്യമേവ ജയതേ എന്ന ജോൺ എബ്രഹാം ചിത്രത്തിൽ 1999ൽ റിലീസ് ചെയ്ത സിർഫ് തും എന്ന സിനിമയിലെ ദിൽബർ സോങ് വീണ്ടും റിക്രീയേറ്റ് ചെയ്ത് അവതരിപ്പിച്ചത് നോറ ഫത്തേഹിയായിരുന്നു.

Also read: പിന്നെന്തിന് നിങ്ങള്‍ പിരിയുന്നു? സോഷ്യല്‍ മീഡിയയില്‍ ചര്‍ച്ചയായി താരദമ്പതികളുടെ വീഡിയോ

ഈ ​ഗാനത്തിലെ പ്രധാന ആകർഷണം നോറയുടെ മനോഹരമായ നൃത്തം തന്നെയായിരുന്നു. ബെല്ലി നൃത്തചുവടുകളാണ് ​ഗാനരം​ഗത്തിൽ നോറ കൂടുതലായും ഉപയോ​ഗിച്ചത്. മൂന്ന് വർഷം മുമ്പ് റിലീസ് ചെയ്ത ​ഗാനത്തിന് യുട്യൂബിൽ മാത്രം ഇതിനോടകം ഒരു ബില്യൺ കാഴ്ചക്കാരെ ലഭിച്ചു. കാനഡ സ്വദേശിനിയാണ് നോറ.

റോർ: ടൈഗേർസ് ഓഫ് ദി സുന്ദർബൻസ് എന്ന ബോളിവുഡ് ചിത്രത്തിലൂടെയായിരുന്നു അരങ്ങേറ്റം. ടെംപർ, ബാഹുബലി, കിക്ക് 2 എന്നീ തെലുങ്ക് ചിത്രങ്ങളിലും നോറ ഐറ്റം നമ്പറുകളിലെ നൃത്തചുവടുകളിലൂടെ പ്രശസ്തി നേടിയെടുത്തിട്ടുണ്ട്. ബി​ഗ് ബോസ് സീസൺ 9ലെ മത്സരാർഥിയായും നോറ എത്തിയിരുന്നു. 58 ആം ദിവസം വൈൽഡ് കാർഡി എൻട്രിയായിട്ടായിരുന്നു നോറയുടെ രം​ഗപ്രവേശം. പിന്നീട് 84 ആം ദിവസം താരം പുറത്താക്കപ്പെട്ടു.

Also read: ഹോമിന് ശേഷം ഇന്ദ്രൻസിന്റെ 'നല്ലവിശേഷം', റിലീസിനൊരുങ്ങുന്നു...

കഴിഞ്ഞ ദിവസം മുംബൈ ന​ഗരത്തിലെ ഒരു പരിപാടിയിൽ പങ്കെടുക്കാനെത്തിയപ്പോഴുള്ള താരത്തിന്റെ വസ്ത്രധാരണമാണ് ഇപ്പോൾ ശ്രദ്ധനേടുന്നത്. അതീവ ​ഗ്ലാമറസായാണ് താരം ഫോട്ടോയിൽ പ്രത്യക്ഷപ്പെട്ടിരിക്കുന്നത്. ഡീപ്പ് നെക്കുള്ള വെള്ള നിറത്തിലുള്ള ബോഡികോൺ വസ്ത്രമായിരുന്നു നോറ ധരിച്ചിരുന്നത്. കട്ടിംങ് രീതിയില്‍ ഡിസൈന്‍ ചെയ്ത വെള്ള വസ്ത്രം നോറയെ കൂടുതൽ സുന്ദരിയാക്കി. ഒപ്പം പോയിന്റഡ് ഹീൽസും വസ്ത്രത്തിന് കൂടുതൽ ഭം​ഗി നൽകാൻ താരം ഉപയോ​ഗിച്ചിരുന്നു.

താരത്തിന്റെ സൂപ്പർ ബോൾഡ് ചിത്രങ്ങൾ വൈറലായിമാറിയതോടെ നിരവധി പേർ താരത്തിനെതിരെ വിമർശനവുമായും രം​ഗത്തെത്തി. ഫാ​ഷ​ന്‍​ ​എ​ന്ന​ ​ലേ​ബ​ലി​ല്‍​ ​എ​ന്ത് ​വൃ​ത്തി​ക്കേ​ടും​ ​കാ​ണി​ക്കാ​മെ​ന്ന​ ​ധൈ​ര്യ​മാ​ണ് ​നോ​റ​ ​ഫ​ത്തേ​ഹി​ക്കെ​ന്നാണ് ഫോട്ടോ കണ്ട ​ആ​രാ​ധ​ക​ര്‍​ ​അ​ഭി​പ്രാ​യ​പ്പെ​ട്ടത്.​ ​മും​ബൈ​യി​ല്‍​ ​ഉ​ദ്ഘാ​ട​ന​ത്തി​നെ​ത്തി​യപ്പോൾ ​നോ​റ​ ​ധ​രി​ച്ച​ ​വ​സ്ത്ര​മാ​ണ് ​ഈ​ ​വി​മ​ര്‍​ശ​ന​ത്തി​ന് ​കാ​ര​ണ​മാ​യി​രി​ക്കു​ന്ന​ത്.​ ​ഉ​ദ്ഘാ​ട​ന​ത്തി​ന് ​ന​ടി​ ​എ​ത്തി​യ​പ്പോ​ള്‍​ ​ഉ​ള്ള​ ​വീ​ഡി​യോ​യും​​​സ​മൂ​ഹ​ ​മാ​ധ്യമ​ങ്ങ​ളി​ല്‍​ ​ച​ര്‍​ച്ച​യ്ക്ക് ​വ​ഴി​വെച്ചിരിക്കുകയാണ്.

Also read: ശബരിയുടെ ഇളയമകള്‍ ഇപ്പോഴും അച്ഛനെ ചോദിക്കും; കുടുംബം ജീവിതത്തിലേക്ക് തിരിച്ച് വരികയാണെന്ന് സാജന്‍ സൂര്യ

ചടങ്ങുകഴിഞ്ഞ് കാറിൽ കയറി പോകാനൊരുങ്ങിയ നോറയെ ഫൊട്ടോഗ്രാഫേഴ്സ് വളഞ്ഞു. ഇതോടെ നടി വണ്ടിയില്‍ നിന്നിറങ്ങി ഫോട്ടോയ്ക്ക് നിന്നുകൊടുക്കുകയായിരുന്നു. ശരീരം മുഴുവന്‍ തുറന്നുകാണിക്കുന്ന ഇത്തരം വസ്ത്രങ്ങൾ പൊതുവേദിയില്‍ ധരിക്കാൻ ഉള്ളതല്ലെന്നും ഇതിനെ ഫാഷനെന്നല്ല മേനി പ്രദർശനമെന്നേ വിളിക്കാൻ കഴിയുവെന്നും വിമർശകർ അഭിപ്രായപ്പെട്ടു. ഗ്ലാമറസ് വസ്ത്രങ്ങൾ ധരിച്ച് മുമ്പും പൊതുവേദികളിൽ നോറ പ്രത്യക്ഷപ്പെട്ടിട്ടുണ്ട്. മലയാളത്തിൽ ഡബിൾ ബാരൽ, കായംകുളം കൊച്ചുണ്ണി തുടങ്ങിയ ചിത്രങ്ങളിലും താരം എത്തിയിട്ടുണ്ട്.

സിനിമയ്ക്കൊപ്പെം മോഡലിങ്ങിലും താരം സജീവമാണ്. ബോളിവുഡിലെ താരങ്ങളെല്ലാം ഫാഷനിൽ അതീവ ശ്രദ്ധപുലർത്തുന്നവരാണ്. അജയ് ദേവ്​ഗൺ സിനിമ ഭുജ്: ദി പ്രൈഡ് ഓഫ് ഇന്ത്യയാണ് നോറയുടേതായി അവസാനമായി റിലീസ് ചെയ്ത സിനിമ. ഒടിടി റിലീസായിരുന്ന സിനിമയ്ക്ക് മികച്ച പ്രതികരണവും ലഭിച്ചിരുന്നു. സഞ്ജയ് ദത്ത്, സോനാക്ഷി സിൻഹ എന്നിവരും സിനിമയുടെ ഭാ​ഗമായിരുന്നു. വസ്ത്രധാരണം പലപ്പോഴും വിമർശനങ്ങൾക്ക് വഴിവെക്കാറുണ്ടെങ്കിലും അവയെ അവ​ഗണിച്ച് തന്റേതായ തീരുമാനങ്ങൾക്കനുസരിച്ച് എന്നും മുന്നോട്ട് പോകുന്ന നടി കൂടിയാണ് നോറ ഫത്തേഹി.

Recommended Video

Also read: ഇന്നലെ വരെ സ്‌നേഹിച്ചവർക്ക് എന്നെയിപ്പോൾ ഇഷ്ടമല്ല; സീരിയലിലെ വില്ലൻ കഥാപാത്രത്തെ കുറിച്ച് കിഷോർ സത്യ