യാത്രയിൽ പറഞ്ഞ കഥകൾ ; മലയാളത്തിലെ 5 റോഡ് മൂവികള്‍

ദുല്‍ഖര്‍ സല്‍മാന്‍, സണ്ണി വെയ്ന്‍, സുര്‍ജബാല ഹിജാം എന്നിവരെ പ്രധാന കഥാപാത്രങ്ങളാക്കി സമീര്‍ താഹിര്‍ സംവിധാനം ചെയ്ത ചിത്രമാണ് നീലാകാശം പച്ചക്കടല്‍ ചുവന്നഭൂമി.  കേരളം, കർണാടകം, ആന്ധ്രാപ്രദേശ്, ഒറീസ്സ, പശ്ചിമബംഗാൾ, നാഗാലാന്റ്, സിക്കിം എന്നീ ഏഴു ഇന്ത്യൻ സംസ്ഥാനങ്ങളിലായാണ്‌ ഈ ചിത്രത്തിന്റെ ഷൂട്ടിങ്ങ് നടന്നത്. 

മലയാളത്തില്‍ തരംഗമായി മാറിയ ചിത്രമായിരുന്നു രാജേഷ് പിള്ള സംവിധാനം ചെയ്ത ട്രാഫിക്. ശ്രീനിവാസന്‍, റഹ്മാന്‍, കുഞ്ചാക്കോ ബോബന്‍, ആസിഫ് അലി, അനൂപ് മേനോന്‍, വിനീത് ശ്രീനിവാസന്‍, സന്ധ്യ, റോമ, രമ്യ നമ്പീശന്‍ എന്നിവരാണ് ചിത്രത്തിലെ പ്രധാന അഭിനേതാക്കള്‍. 2011ലെ ഗോവ ഫിലിം ഫെസ്റ്റിവലില്‍ ഇന്ത്യന്‍ പനോരമയില്‍ ചിത്രം പ്രദര്‍ശിപ്പിച്ചിരുന്നു.  

ശ്രീനിവാസന്‍, ദിലീപ്, മംമ്ത മോഹന്‍ദാസ്, ലക്ഷ്മി ശര്‍മ എന്നിവരെ പ്രധാന കഥപാത്രങ്ങളാക്കി രഞ്ജിത്ത് ശങ്കര്‍ സംവിധാനം ചെയ്ത ചിത്രമാണ് പാസഞ്ചര്‍. പരിചയമില്ലാത്ത രണ്ട് പേര്‍ ഒരു പാസഞ്ചർ തീവണ്ടിയിൽ ആകസ്മികമായി കണ്ടുമുട്ടുകയും തുടർന്നുണ്ടാകുന്ന സംഭവങ്ങളുമാണ് ചിത്രം പറയുന്നത്.

പൃഥ്വിരാജ്, ഇന്ദ്രജിത്ത്, മാസ്റ്റർ ഗോവർദ്ധനൻ എന്നിവരെ പ്രധാന കഥാപാത്രങ്ങളാക്കി ഡോ. ഡി. ബിജു സംവിധാനം ചെയ്ത  ചിത്രമാണ് വീട്ടിലേക്കുള്ള വഴി. മികച്ച മലയാള ചിത്രത്തിനുള്ള 2010 ലെ ദേശീയ അവാർഡ് നേടിയ ചലച്ചിത്രമാണിത്. ഏറ്റവും നല്ല ഛായാഗ്രാഹകനും മികച്ച ലാബിനുമുള്ള 2010 - ലെ കേരളാ സംസ്ഥാന പുരസ്കാരവും ഈ ചിത്രം നേടി 2011 ഓഗസ്റ്റ് 5-നാണ് ഈ ചിത്രം തിയേറ്ററുകളിൽ പ്രദർശനത്തിനെത്തിയത്. കെയ്‌റോ അന്താരാഷ്ട്ര ഫിലിംഫെസ്റ്റിവലിൽ ഈ ചിത്രം പ്രദർശിപ്പിച്ചിരുന്നു.

ഡെന്നീസ് ജോസഫിന്റെ തിരക്കഥയില്‍ ജോഷി സംവിധാനം ചെയ്ത ചിത്രമാണ് നമ്പര്‍ 20 മദ്രാസ് മെയില്‍. ആക്ഷന്‍- കോമഡി വിഭാഗത്തിലെത്തിയ ചിത്രത്തില്‍ മമ്മൂട്ടി, മണിയന്‍ പിള്ള രാജു, മോഹന്‍ലാല്‍, ജഗദീഷ്, ഇന്നസെന്റ്, ജഗതി ശ്രീകുമാര്‍, സോമന്‍ തുടങ്ങിയവരായിരുന്നു പ്രധാന കഥാപാത്രങ്ങളെ അവതരിപ്പിച്ചത്.