നീലാകാശം പച്ചക്കടൽ ചുവന്ന ഭൂമി

ഹാഷിർ മുഹമ്മദ് തിരക്കഥയെഴുതി സമീർ താഹിർ സംവിധാനം നിർവ്വഹിച്ച്  2013 ഓഗസ്റ്റ് 9-നു പുറത്തിറങ്ങിയ മലയാള ചലച്ചിത്രമാണു നീലാകാശം പച്ചക്കടൽ ചുവന്ന ഭൂമി. ദുൽക്കർ സൽമാൻ, ധൃതിമാൻ ചാറ്റർജി, സണ്ണി വെയ്ൻ, സുർജബാല ഹിജാം തുടങ്ങിയവർ പ്രധാന വേഷങ്ങളിലഭിനയിക്കുന്ന ഈ ചിത്രം ഒരു റോഡ് മൂവീ ആണു്. കേരളത്തിൽ നിന്നു നാഗാലാന്റിലേക്ക് ബൈക്ക് പര്യടനം നടത്തുന്ന രണ്ട് ചെറുപ്പക്കാരുടെ കഥയാണ് ഈ ചിത്രം പറയുന്നത്. കേരളം, കർണാടകം, ആന്ധ്രാപ്രദേശ്, ഒറീസ്സ, പശ്ചിമബംഗാൾ, നാഗാലാന്റ്, സിക്കിം എന്നീ ഏഴു ഇന്ത്യൻ സംസ്ഥാനങ്ങളിലായാണു ചിത്രീകരണം നടന്നത്.

ചിത്രത്തിൽ 4 ഗാനങ്ങൾ ഉണ്ട്. എല്ലാ ഗാനങ്ങളും കേൾക്കുന്നതിനേക്കാൾ, കാണുകയാണ് ഉത്തമം. നാഗാലാന്റ്ൽ ചിത്രീകരിക്കുന്ന ആദ്യ മലയാള സിനിമയാണ്...