സമീർ താഹിർ

ജീവചരിത്രം:  മലയാളചലച്ചിത്ര സംവിധായകനും ഛായാഗ്രാഹകനുമാണ് സമീര്‍ താഹിര്‍. എറണാകുളം മഹാരാജാസ് കോളേജില്‍ നിന്നും വിദ്യാഭ്യസം പൂര്‍ത്തിയാക്കി. വിവാഹ ഫോട്ടോകള്‍ എടുത്തുകൊണ്ടാണ് ഛായാഗ്രഹണരംഗത്തേക്ക് കടന്നുവരുന്നത്. പിന്നീട് അമല്‍ നീരദിനൊപ്പം ഹിന്ദി ചലച്ചിത്രങ്ങളില്‍ ഛായാഗ്രഹണ സഹായിയായി പ്രവര്‍ത്തിച്ചു. 2007ല്‍ പ്രദര്‍ശനത്തിനെത്തിയ ബിഗ് ബി എന്ന ചിത്രത്തിലൂടെ സ്വതന്ത്ര ഛായാഗ്രാഹകനായി. ഡാഡി കൂള്‍, നിദ്ര, ഡമണ്ട് നെക്ലെയ്‌സ്, സെല്ലുലോയിഡ്, ബാംഗ്ലൂര്‍ ഡെയ്‌സ് എന്നിവയാണ് ഛായാഗ്രഹണം നിര്‍വ്വഹിച്ച മറ്റു ചിത്രങ്ങള്‍. 2011ല്‍ ചാപ്പാ കുരിശ് എന്ന ചിത്രം തിരക്കഥയെഴുതി സംവിധാനം ചെയ്തു. 2013ല്‍ നീലാകാശം പച്ചക്കടല്‍ ചുവന്ന ഭൂമി എന്ന ചിത്രം സംവിധാനം ചെയ്തു. ദുല്‍ഖര്‍ സല്‍മാന്‍, സണ്ണി വെയ്ന്‍ എന്നിവരായിരുന്നു ചിത്രത്തിലെ പ്രധാന അഭിനേതാക്കള്‍. 2016ല്‍ ദുല്‍ഖര്‍ സല്‍മാന്‍, സായി പല്ലവി എന്നിവരെ കേന്ദ്രകഥാപാത്രങ്ങളാക്കി കലി എന്ന ചിത്രം സംവിധാനം ചെയ്തു.