കോടികളുടെ ബഡ്ജറ്റ്‌, വിദേശ താരങ്ങള്‍, 2023ലെ ബിഗ് ബഡ്ജറ്റ് സിനിമകള്‍

മോഹന്‍ലാല്‍ ആദ്യമായി സംവിധായകനാവുന്ന ചിത്രമാണ് ബറോസ്. . 2019ലായിരുന്നു ചിത്രത്തിന്റെ പ്രഖ്യാപനം. ത്രീഡിയായി ഒരുക്കിയ ചിത്രം 400 വര്‍ഷം പഴക്കമുള്ള ഒരു ഭൂതത്തിന്റെ കഥയാണ് പറയുന്നത്. ഇരുപത് ലക്ഷമാണ് ചിത്രത്തിന്റെ ഒരു ദിവസത്തെ നിര്‍മ്മാണച്ചെലവ്.  ആധുനിക സാങ്കേതിക ഉപകരണങ്ങളും ലൈറ്റുകളും ഉപയോഗിച്ച് ഹോളിവുഡ് നിലവാരത്തിലാണ് ചിത്രം ഒരുക്കിയിരിക്കുന്നത്.

ടൊവീനോ തോമസിനെ നായകനാക്കി ജിതില്‍ ലാല്‍ സംവിധാനം ചെയ്ത ചിത്രമാണ് അജയന്റെ രണ്ടാം മോഷണം. ടൊവീനോ ട്രിപ്പിള്‍ റോളിലെത്തുന്ന ചിത്രം പാന്‍ ഇന്ത്യന്‍ ചിത്രമായാണ് ഒരുക്കിയിരിക്കുന്നത്. ആക്ഷനും അഡ്വഞ്ചറിനും പ്രധാന്യമുള്ള ചിത്രം 3 ത്രീഡിയിലാണ് പ്രേക്ഷകരിലേക്ക് എത്തുന്നത്.  

2023ല്‍ പ്രേക്ഷകര്‍ പ്രതീക്ഷയോടെ കാത്തിരിക്കുന്ന ചിത്രമാണ് ലിജോ ജോസ് പെല്ലിശ്ശേരി-മോഹന്‍ലാല്‍ കൂട്ടുക്കെട്ടിലെത്തുന്ന മലൈക്കോട്ടൈ വാലിബന്‍. മധു നീലകണ്ഠനാണ് ചിത്രത്തിന്റെ ഛായാഗ്രഹണം. ബിഗ് ബഡ്ജറ്റില്‍ ഒരുങ്ങുന്ന ചിത്രത്തിന്റെ പ്രധാന ലൊക്കോഷന്‍ രാജസ്ഥാനാണ്.  

മലയാള സിനിമാലോകം ഒന്നടങ്കം കാത്തിരിക്കുന്ന ചിത്രമാണ് ബ്ലെസി-പൃഥ്വിരാജ് കൂട്ടുക്കെട്ടിലെത്തുന്ന ആടുജീവിതം. 2018ലായിരുന്നു സിനിമയുടെ ഷൂട്ടിങ്ങ് ആരംഭിച്ചത്. അമല പോളാണ് ചിത്രത്തില്‍ മറ്റൊരു പ്രധാന കഥാപാത്രമായി എത്തുന്നത്. റസൂല്‍ പൂക്കുട്ടി, എ.ആര്‍ റഹ്മാന്‍, കെ.യു മോഹനന്‍ തുടങ്ങിയ പ്രശസ്തരാണ് ചിത്രത്തിന്റെ അണിയറയില്‍ പ്രവര്‍ത്തിക്കുന്നത്.