ഈ താരങ്ങൾക്ക് കല്യാണം അലർജിയോ? മലയാള സിനിമയിലെ സിംഗിൾ പസങ്കെമാർ

കാമുകി തരിണി കലിംഗരായര്‍ക്കൊപ്പമുള്ള ചിത്രങ്ങള്‍ സോഷ്യല്‍മീഡിയയില്‍ വൈറലായതോടെയായിരുന്നു കളിദാസിന്റെ വിവാഹം എപ്പോഴെന്ന് ആരാധകര്‍ ചോദിച്ചു തുടങ്ങിയത്. പ്രണയിനിക്കൊപ്പം ഒരു അവാര്‍ഡ് നിശയില്‍ പങ്കെടുക്കാനെത്തിയപ്പോഴായിരുന്നു ഇരുവരും ഒന്നിച്ചുള്ള മനോഹര ചിത്രങ്ങള്‍ കാളിദാസ് സോഷ്യല്‍മീഡിയയില്‍ പങ്കുവെച്ചത്. തരിണിയും കാളിദാസിനൊപ്പമുള്ള ചിത്രങ്ങള്‍ തന്റെ പ്രൊഫൈലില്‍ പങ്കുവെച്ചിട്ടുണ്ട്. ചിത്രങ്ങള്‍ വൈറലായതോടെ കാളിദാസിന്റെ വിവാഹം ഉടനുണ്ടാകുമെന്നാണ് ഗോസിപ്പുകള്‍. എന്നാല്‍ ഗോസിപ്പുകളോട് കാളിദാസും കുടുംബവും ഇതുവരെ പ്രതികരിച്ചിട്ടില്ല.  

മലയാളികള്‍ ഒന്നടങ്കം കാത്തിരിക്കുന്ന താരാവിവാഹമാണ് നടന്‍ ഉണ്ണി മുകുന്ദന്റേത്. മുമ്പ് നിത്യ മേനോനുമായി ഉണ്ണി പ്രണയത്തിലാണെന്ന തരത്തില്‍ നിരവധി വാര്‍ത്തകള്‍ പുറത്ത് വന്നിരുന്നു. എന്നാല്‍ പ്രചരിച്ച വാര്‍ത്തകള്‍ സത്യമല്ലെന്ന് നിത്യ തന്നെ തുറന്നു പറഞ്ഞിരുന്നു. എന്തുതന്നെയായലും ഉണ്ണി മുകുന്ദന്റെ ഭാവി വധു ആരാണെന്നറിയാനുള്ള ആകാംക്ഷയിലാണ് ആരാധകര്‍. 2023ലെങ്കിലും താരം വിവാഹം കഴിക്കുമെന്നാണ് ആരാധകര്‍ പറയുന്നത്.  

മലയാളത്തിലെ യുവനടന്‍ ഷെയ്ന്‍ നിഗത്തിന്റെ വിവാഹത്തിനായി കാത്തിരിക്കുകയാണ് ആരാധകര്‍. മുമ്പ് സ്‌ക്കൂള്‍ യൂണിഫോമില്‍ മീന്‍ കച്ചവടം നടത്തി ശ്രദ്ധിക്കപ്പെട്ട ഹനാന്‍ എന്ന പെണ്‍കുട്ടി തനിക്ക് ഷെയ്ന്‍ നിഗത്തോട് ക്രഷുണ്ടെന്ന് തുറന്നു പറഞ്ഞിരുന്നു. ഷെയിനിനെ വിവാഹം കഴിക്കാന്‍ താല്‍പര്യമുണ്ടെന്നും താരം സമ്മതിച്ചാല്‍ പെട്ടെന്ന് കല്യാണം കഴിക്കുമെന്ന് ഹനാന്‍ തുറന്നു പറഞ്ഞിരുന്നു. എന്നാല്‍ ഹനാന്‍ പറഞ്ഞ കാര്യങ്ങള്‍ കേട്ടിട്ടില്ലെന്നും അവരെക്കുറിച്ച് അറിയില്ലെന്നുമായിരുന്നു ഹനാന്റെ പ്രതികരണങ്ങളോട് ഷെയ്ന്‍ പ്രതികരിച്ചത്.  

വിവാഹപ്രായമായിട്ടും ഗണപതിയുടൈ വിവാഹമെന്താണ് ലേറ്റാവുന്നത് എന്നാണ് ആരാധകര്‍ ചോദിക്കുന്നത്. 2007ല്‍ പുറത്തിറങ്ങിയ വിനോദയാത്ര എന്ന ചിത്രത്തിലൂടെ സിനിമയിലെത്തിയ ഗണപതി വളരെ പെട്ടെന്നായിരുന്നു പ്രേക്ഷക മനസില്‍ ഇടം നേടിയത്. പിന്നീട് നായകനായും ഷോര്‍ട്ട് ഫിലിം സംവിധായകനായും അഭിനയരംഗത്ത് തിളങ്ങിയ ഗണപതി നിലവില്‍ സിനിമകളുടെ തിരക്കിലാണ്.  

ബിഗ് ബോസ് മത്സരാര്‍ത്ഥിയും നടനുമായ മണിക്കുട്ടന്റെ വിവാഹത്തിനായി കാലം ഏറെയായി കാത്തിരിപ്പിലാണ് പ്രേക്ഷകര്‍. ബിഗ് ബോസ് വിജയിയായതിനു പിന്നാലെ താരത്തിന്റെ വിവാഹവും ഉണ്ടാകുമെനന്നായിരുന്നു ആരാധകര്‍ വിചാരിച്ചത്. എന്നാല്‍ നാളിതുവരെയായിട്ടും വിവാഹത്തെക്കുറിച്ച് മണിക്കുട്ടന്‍ ഔദ്യോഗികമായി ഒന്നു തുറന്നു പറഞ്ഞിട്ടില്ല. എങ്കിലും 2023ലെങ്കിലും മണിക്കുട്ടന്‍ വിവാഹം കഴിക്കുമെന്നാണ് പ്രേക്ഷകര്‍ പറയുന്നത്.