കോലിയേക്കാള്‍ കോടീശ്വരിയോ അനുഷ്‌ക! താരസുന്ദരിയുടെ പക്കലുള്ള 5 വിലപിടിപ്പുള്ള വസ്തുക്കള്‍

2017ലായിരുന്നു നഷ് എന്ന പേരില്‍ ഒരു വസ്ത്ര ബ്രാന്‍ഡിന് അനുഷ്‌ക തുടക്കം കുറിക്കുന്നത്. കൂടുതലായും റെഡി ടു വെയര്‍ ഡ്രസുകളാണ് നഷിലൂടെ അനുഷ്‌കയും ടീമും ജനങ്ങളിലേക്കെത്തിക്കുന്നത്. ബഡ്ജറ്റ് ഫ്രണ്ട്‌ലിയായി ഒരുക്കിയ നഷ് ഇന്ന് ഫാഷന്‍ ലോകത്തെ പ്രധാന ബ്രാന്‍ഡുകളിലൊന്നാണ്. 699 രൂപ മുതല്‍ 4000 വരെയാണ് നഷിലെ വസ്ത്രങ്ങളുടെ വില. പൂര്‍ണമായും പ്രകൃതിയോടിണങ്ങിയാണ് അനുഷ്‌ക നഷിലെ വസ്ത്രങ്ങള്‍ ഒരുക്കിയിരിക്കുന്നത്.  

മുംബൈയിലെ അന്തേരിയിലുള്ള അനുഷ്‌കയുടെ ഫ്‌ളാറ്റിന് ആരാധകര്‍ ഏറെയാണ്. അന്തേരിയിലെ യാരി റോഡിലാണ് നടിയുടെ 3 ബിഎച്ച്‌കെ ഫ്‌ളാറ്റ്. മോഡേണ്‍ രീതിയിലൊരുക്കിയ ഫ്‌ളാറ്റിന്‌റെ ഏകദേശ വില 4 കോടിയാണ്. സിംപിള്‍ ലുക്കില്‍ ഒരുക്കിയിരിക്കുന്ന ഫ്‌ളാറ്റിന് അതിമനോഹരമായ ഇന്റീരിയര്‍ ഡിസൈനാണ് അനുഷ്‌ക നല്‍കിയിരിക്കുന്നത്.

2021ലാണ് മുംബൈയിലെ വോര്‍ളിയില്‍ വിരാട് കോലിയും അനുഷ്‌കയും ചേര്‍ന്ന് ഒരു ലക്ഷ്വറി അപ്പാര്‍ട്ട്‌മെന്റ് വാങ്ങിയത്. 34 കോടി വില മതിക്കുന്നതാണ് ഫ്‌ളാറ്റ്. ജിം, പൂന്തോട്ടം തുടങ്ങി എല്ലാവിധ സൗകര്യങ്ങളോടും കൂടിയുള്ള ഫ്‌ളാറ്റിന് മോഡേണ്‍ രീതിയിലുള്ള ഇന്റീരിയര്‍ ഡിസൈനാണ് താരങ്ങള്‍ നല്‍കിയിരിക്കുന്നത്. ഫ്‌ളാറ്റിന്റെ 35ാംമത്തെ നിലയിലാണ് വിരാടും അനുഷ്‌കയും താമസിക്കുന്നത്.

ബിസിനസ്, സിനിമ സംബന്ധമായ കാര്യങ്ങള്‍ ചര്‍ച്ച ചെയ്യുന്നതിനായി രണ്ട് ഓഫീസുകളാണ് അനുഷ്‌കയ്ക്കുള്ളത്. അതില്‍ ലോഖണ്ഡ്‌വാലയിലെ ഓഫീസാണ് പ്രധാനപ്പെട്ടത്. എല്ലാവിധ സൗകര്യങ്ങളോടും കൂടിയ ഓഫീസിന്റെ വില 4.5 കോടിയാണ്. 

കോടികള്‍ വിലയുള്ള ഫ്‌ളാറ്റിനൊപ്പം തന്നെ കാറുകള്‍ വാങ്ങുന്നതിലും അനുഷ്‌ക മുമ്പിലാണ്. ബോളിവുഡിലെ പ്രമുഖ താരങ്ങളുടെ പക്കലുള്ള ഒട്ടുമിക്ക കാറുകളും അനുഷ്‌ക്കയ്ക്കുമുണ്ട്. അതില്‍ ചാര നിറമുള്ള റേഞ്ച് റോവറാണ് പ്രധാനപ്പെട്ടത്. ഏതാണ്ട് 2.77 കോടിയാണ് അനുഷ്‌കയുടെ റേഞ്ച് റോവറിന്റെ വില