താരജീവിതം ഇവിടെ കുടുംബകാര്യം : പ്രിയപ്പെട്ട താരസഹോദരങ്ങള്‍

പ്രേക്ഷകരുടെ ഇഷ്ടതാരങ്ങളാണ് ശ്രുതിയും ശ്രീലയയും. മികച്ച നര്‍ത്തകര്‍ കൂടിയായ ഇരുവരും സിനിമയിലും സീരിയലിലും ഒരുപോലെ സജീവമാണ്. പ്രശസ്ത ചലച്ചിത്ര നടി ലിസിയുടെ മക്കളാണ് ഇരുവരും.  

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട താരങ്ങളാണ് ഭാഗ്യലക്ഷ്മി പ്രഭുവും സിദ്ധാര്‍ത്ഥ് പ്രഭുവും. യഥാര്‍ത്ഥ ജീവിതത്തിലും സഹോദരങ്ങളായ ഇരുവരും ''തട്ടീം മുട്ടീം'' എന്ന ടെലിവിഷന്‍ പരമ്പരയിലും സഹോദരങ്ങളായിട്ടാണ് അഭിനയിച്ചത്.  

ടെലിവിഷന്‍ റിയാലിറ്റി ഷോയിലൂടെ പ്രേക്ഷകരുടെ പ്രിയപ്പെട്ട താരങ്ങളായി മാറിയ സഹോദരിമാരാണ് ഡിംപല്‍ - തിങ്കള്‍. സൂര്യ ടിവിയില്‍ സംപ്രേഷണം ചെയ്ത മലയാളി ഹൗസിലൂടെയാണ് തിങ്കള്‍ ശ്രദ്ധിക്കപ്പെട്ടത്. ബിഗ് മലയാളം മൂന്നാം സീസണിലെ മത്സരാര്‍ത്ഥിയായിരുന്നു ഡിംപല്‍ ബാല്‍.    

മിനിസ്‌ക്രീന്‍ പ്രേക്ഷകരുടെ പ്രിയതാരങ്ങളാണ് മൃദുലയും പാര്‍വതിയും. കുടുംബവിളക്ക് എന്ന ടെലിവിഷന്‍ പരമ്പരയിലൂടെയാണ് പാര്‍വതി വിജയ് ശ്രദ്ധിക്കപ്പെടുന്നത്. പൂക്കാലം വരവായി എന്ന സീരിയലിലൂടെയാണ് സഹോദരി മൃദുല ടെലിവിഷന്‍ പ്രേക്ഷകര്‍ക്ക് പ്രിയങ്കരിയായത്.  

പ്രേക്ഷകരുടെ പ്രിയപ്പെട്ട താരസഹോദരിമാരാണ് അമൃത സുരേഷും അഭിരാമി സുരേഷും. ഏഷ്യാനെറ്റില്‍ സംപ്രേഷണം ചെയ്ത ഐഡിയ സ്റ്റാര്‍ സിംഗര്‍ എന്ന റിയാലിറ്റി ഷോയിലൂടെയാണ് അമൃത ശ്രദ്ധിക്കപ്പെടുന്നത്. ടെലിവിഷന്‍ സീരിയലിലൂടെ അഭിനയരംഗത്തെത്തിയ അഭിരാമി ബിഗ് ബോസ് മലയാളം രണ്ടാം സീസണിലൂടെയാണ് കൂടുതലായി ശ്രദ്ധിക്കപ്പെട്ടത്.