അമ്പിളി ദേവി മാത്രമല്ല ദേ ഇവരുമുണ്ട്; രണ്ടാം വിവാഹം കഴിച്ച ടെലിവിഷന്‍ നടിമാർ

2021ലായിരുന്നു ടെലിവിഷന്‍ താരം അര്‍ച്ചന സുശീലന്റെ രണ്ടാം വിവാഹം. പ്രവീണ്‍ നായരാണ് അര്‍ച്ചനയുടെ രണ്ടാമത്തെ ഭര്‍ത്താവ്. ഏറെക്കാലത്തെ പ്രണയത്തിനു ശേഷമായിരുന്നു ഇരുവരും വിവാഹതിരായത്. യുഎസില്‍ വച്ച് നോര്‍ത്ത് ഇന്ത്യന്‍ രീതിയിലായിരുന്നു വിവാഹം നടത്തിയത്. ഡല്‍ഹി സ്വദേശിയായ മനോജ് യാദവ് ആയിരുന്നു അര്‍ച്ചനയുടെ ആദ്യ ഭര്‍ത്താവ്. എന്റെ മാനസപുത്രി എന്ന പരമ്പരയിലെ നെഗറ്റീവ് റോളിലൂടെയാണ് അര്‍ച്ചന പ്രേക്ഷകര്‍ക്കിടയില്‍ ശ്രദ്ധിക്കപ്പെടുന്നത്.  

മറിമായത്തിലൂടെ പ്രേക്ഷകരുടെ പ്രിയപ്പെട്ട താരമായി മാറിയ നടിയാണ് സ്‌നേഹ ശ്രീകുമാര്‍. പരമ്പരയിലെ സഹതാരമായ ശ്രീകുമാറാണ് സ്‌നേഹയുടെ രണ്ടാമത്തെ ഭര്‍ത്താവ്. 2019ലായിരുന്നു ഇരുവരുടെയും വിവാഹം. മെമ്മറീസിലെ വില്ലന്‍ കഥാപാത്രത്തിലൂടെയാണ് എസ്.പി ശ്രീകുമാര്‍ ശ്രദ്ധിക്കപ്പെടുന്നത്. പിന്നീട് മറിമായത്തിലെ ലോലിതനായി എത്തിയതോടെ ജനപ്രിയതാരമായി ശ്രീകുമാര്‍ മാറുകയായിരുന്നു.  

2022ലായിരുന്നു നടി യമുനയുടെ രണ്ടാം വിവാഹം. അമേരിക്കയില്‍ സൈക്കോ തെറാപ്പിസ്റ്റായി ജോലി ചെയ്യുന്ന ദേവനാണ് നടിയുടെ ഭര്‍ത്താവ്. കൊല്ലൂര്‍ മൂകാംബിക ക്ഷേത്രത്തില്‍ വച്ച് നടന്ന വിവാഹത്തിന് യമുനയുടെ ആദ്യ വിവാഹത്തിലെ മക്കള്‍ പങ്കെടുത്തത് വലിയ വാര്‍ത്താ പ്രാധാന്യം നേടിയിരുന്നു. മക്കളുടെ ആവശ്യപ്രകാരമാണ് താന്‍ രണ്ടാം വിവാഹത്തിന് ഒരുങ്ങിയതെന്ന് യമുന തുറന്നു പറയുകയും ചെയ്തിരുന്നു. പ്രശസ്ത സിനിമ സംവിധായകനായ എസ്.പി മഹേഷാണ് യമുനയുടെ ആദ്യ ഭര്‍ത്താവ്.  

പ്രശസ്ത സീരിയല്‍ നടന്‍ ആദിത്യന്‍ ജയനായിരുന്നു സോനു സതീഷിന്റെ ആദ്യ ഭര്‍ത്താവ്. എന്നാല്‍ ദാമ്പത്യത്തില്‍ ഒത്തുപോവാന്‍ കഴിയാതെ വന്നതോടെ ഇരുവരും വേര്‍പിരിയുകയായിരുന്നു. പിന്നീട് 2017ലായിരുന്നു സോനുവിന്റെ രണ്ടാം വിവാഹം. ബാംഗ്ലൂരില്‍ ഐ.ടി എഞ്ചിനീയറായ അജയ് ആണ് സോനുവിന്റെ രണ്ടാം ഭര്‍ത്താവ്. ഗുരുവായൂര്‍ ക്ഷേത്രത്തില്‍ വച്ച് നടന്ന വിവാഹത്തില്‍ അടുത്ത സുഹൃത്തുക്കളും ബന്ധുക്കളും മാത്രമായിരുന്നു പങ്കെടുത്തത്.  

പ്രശസ്ത ക്യാമറാമനായ ലോവലായിരുന്നു അമ്പിളി ദേവിയുടെ ആദ്യ ഭര്‍ത്താവ്. 2009ല്‍ വിവാഹിതരായ ഇരുവരും 2018ല്‍ വിവാഹമോചനം നേടുകയായിരുന്നു. പിന്നീട് 2019ലായിരുന്നു സീരിയല്‍ നടനായ ആദിത്യന്‍ ജയനുമായുള്ള രണ്ടാം വിവാഹം. എന്നാല്‍ ഈ ബന്ധവും അധികനാള്‍ മുമ്പോട്ട് പോയില്ല. ഒരു വര്‍ഷക്കാലം നീണ്ടു നിന്ന പ്രശനങ്ങള്‍ക്ക് ശേഷം ഇരുവരും വേര്‍പിരിയുകയായിരുന്നു.